| e-texts navigator |
| Wylie |
35b1 འམ་མཚོ་འམ། ལྟེང་ཀ་འམ། ཁྲོན་པའམ། ཀླུའི་གནས་ཀྱི་མཚེའུ་འམ། འཇིམ་པ་དང་ལྕི་བར་བསྲེས་པའི་དཀྱིལ་འཁོར་གྲུ་གསུམ་དུ་བྱ་སྟེ། དཀྱིལ་འཁོར་དབུས་ཟབས་ཁྲུ་གང་བརྐོས་ལ་ཁ་ཁྱེར་ཡང་ཁྲུ་གང་བར་བྱའོ། །ཤིན་ཏུ་འཇམ་པ་དང་ཤིན་ཏུ
35b2 ཕྱི་བར་བྱའོ། །སྤོས་ཆུས་ཁོར་ཡུག་ཏུ་གཏོར་རོ། །དེའི་དབུས་སུ་ཀླུའི་རྒྱལ་པོ་ཆེན་པོ་བཞི་བྱ་སྟེ། བ་སེར་སྐྱའི་ལྕི་བ་དང་འཇིམ་པར་བསྲེས་པའི་ཀླུའི་རྒྱལ་པོ་མགོ་དགུ་གདེངས་ཀ་ཅན་ལུས་དབྱིབས་དགུ་བར་བྱས་ཏེ་ཐམས་ཅད་ཀྱི་མགོ་ལ་ཡང་ཡིད་བཞིན་ནོར་བུ་བྱའོ། །
35b3 ཤར་ཕྱོགས་སུ་ཀླུའི་རྒྱལ་པོ་རྒྱ་མཚོ་བྱའོ། །ལྷོ་ཕྱོགས་སུ་ཀླུའི་རྒྱལ་པོ་གདུགས་བྱའོ། །ནུབ་ཕྱོགས་སུ་ཀླུའི་རྒྱལ་པོ་ཆུ་ལྷ་བྱའོ། །བྱང་ཕྱོགས་སུ་ཀླུའི་རྒྱལ་པོ་ལམ་བུ་ཀ་ར་བྱའོ། །དེའི་གཡོག་འཁོར་བདུན་བདུན་མགོ་གསུམ་པ། མགོ་གཉིས་པ་མགོ་ལྔ
35b4 པར་བྱའོ། །ལུས་དག་ལ་སྤོས་སྣ་ཚོགས་ཀྱིས་བྱུག་པར་བྱའོ། །ཙནྡན་དཀར་དམར་དང་། སུ་ར་བི་ན་ཙ་ན་དང་། ཤུག་པ་དང་། གུར་གུམ་རྣམས་ཕྱེ་མར་བྱས་ཏེ་གཏོར་བར་བྱའོ། །མེ་ཏོག་དང་མེ་ཏོག་ཕྲེང་བ་གདགས་སོ། །གནས་དེའི་དབུས་སུ་འབྲས་ཡོས
35b5 དང་ཡུངས་ཀར་གྱིས་གཏོར་བར་བྱའོ། གྲཝ་བཞིར་རྒྱལ་པོ་ཆེན་པོ་བཞི་གཞག་པར་བྱའོ། །ཕྱོགས་ཆེན་པོ་བཞིར་སངས་རྒྱས་ཤཱཀྱ་ཐུབ་པའི་སྐུ་གཟུགས་རིང་བསྲེལ་དང་བཅས་པ་དང་། མཆོད་རྟེན་རིང་བསྲེལ་དང་བཅས་པ་དག་བཞག་གོ། །དར་དང་བ་དན་གྱིས
35b6 བརྒྱན་པར་བྱའོ། །མཆོད་པ་ལྔས་མཆོད་དོ། ། ག་རུ་དང་ཙནྡན་དང་། དུ་རུ་སྐས་བདུག་གོ། །རྒྱ་སྤོས་དང་། ན་ལ་དང་། ཀུན་དུ་རུ་དང་། ཡུངས་ཀར་དང་། གན་དྷ་རས་དང་། སྲ་རྩིའི་པོག་དང་། པོག་དཀར་པོ་རྣམས་དང་སྦྲང་རྩི་དང་བསྲེས་ཏེ་སྔགས་ལན་ཉི་ཤུ་རྩ
35b7 གཅིག་བཟླས་ཏེ་ཀླུ་རྣམས་ལ་བདུག་པར་བྱའོ། །དཀྱིལ་འཁོར་གྱི་མཐའ་ཀུན་དུ་ནས་ཕྱེས་པདྨ་བྲི་བར་བྱའོ། །སྒོ་བཞི་བསྟོད་ལ་ངོས་བཞི་རེ་རེར་ཡང་གཏོར་མས་གཞོང་པ་བཀང་བ་བདུན་བདུན་གཞག་པར་བྱའོ། །གཏོར་མ་དཀར་པོ་དང་། ཅི་འབྱོར་བའི་རོ་རྣམ་པ་མང
iiif viewer powered by OpenSeadragon
