| e-texts navigator |
| Wylie |
34a1 དང་རྒྱལ་པོ་ཆེན་པོ་ཡུལ་འཁོར་སྲུང་དང་། རྒྱལ་པོ་ཆེན་པོ་འཕགས་སྐྱེས་པོ་དང་། རྒྱལ་པོ་ཆེན་པོ་མིག་མི་བཟང་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དག་ཀླུའི་སྙིང་པོའི་གཟུངས་ཀྱི་སྔགས་ཀྱི་ཚིག་སྐུལ་མ་འདེབས་པ་ཀུན་ནས་འབར་བའི་གློག
34a2 ཅེས་བྱ་བ་ཡོད་དེ། དེ་དྲན་པ་ཙམ་གྱིས་ཀླུ་ཐམས་ཅད་ཀྱི་ཁྱིམ་དང་། །ཀླུ་ཐམས་ཅད་ཀྱི་ལུས་འབར་བར་འགྱུར་རོ། །ཀླུ་མི་བགྲུངས་པ་ཐམས་ཅད་ཀྱི་སྙིང་འཕར་བར་འགྱུར་རོ། །ཀླུ་ཐམས་ཅད་ཀྱི་མགོ་ཚལ་པ་བདུན་དུ་འགས་པར་འགྱུར་རོ། །མིག་དང་མགོ་རྣམས
34a3 གས་ནས་དུམ་བུ་དུམ་བུར་ཆད་ཅིང་འབྲུལ་བར་འགྱུར་རོ། །རྒྱལ་པོ་ཆེན་པོ་དག་ཀླུ་གནོད་པར་སེམས་པ་དང་། རབ་ཏུ་གནོད་པར་སེམས་པ་རྣམས་ཀྱི་དོན་དང་སེམས་ཅན་ཐམས་ཅད་ཀྱི་ཕྱིར་ཟུང་ཤིག་།དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ཀྱི་ཞབས་གཉིས
34a4 ལ་གཏུགས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀླུའི་སྙིང་པོའི་སྔགས་ཀྱི་ཚིག་སྐུལ་མ་འདེབས་པ་ཀུན་ནས་འབར་བའི་གློག་ཅེས་བགྱི་བ་བཤད་དུ་གསོལ། དེ་ནས་བཅོམ་ལྡན་འདས་ཀྱིས་ཀླུའི་ལྟ་སྟངས་དང་། དེ་བཞིན་གཤེགས་པའི་གཟིགས་སྟངས
34a5 ཀྱིས་རྣམ་པར་གཟིགས་ནས་ཀླུའི་འཁོར་འདུས་པ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །ཀླུའི་བདག་པོ་དག་ང་ལས་གཟུངས་ཀྱི་ཚིག་གི་སྔགས་ཀྱི་ཚིག་ཉོན་ཅིག་།ཏདྱ་ཐཱ། ཨོཾ་པི་བུ་ལེ། པྲ་བ་རེ། ནཱ་གེ་མ་ཧཱ་ནཱ་ག་ཧྲྀ་ད་ཡ། ཨཱ་བརྟེ། ཛྭ་ལ་ཛྭ་ལ། སརྦ་ནཱ་ག
34a6 ཧྲྀ་ད་ཡཱ་ནི། ཀི་མི་ཀི་མི། ནཱ་ག་ཀུ་ལ་བི་དྷྭ་ནདྷན་ནི། ཧ་ན་ཧ་ན། སརྦ་ནཱ་ག་དུ་ཥྚཱཾ་ཧྲྀ་ད་ཡཱ་ནི། ཧ་ན་ཧ་ན། སརྦ་དུཥྚཱཾ་ནཱ་ག་བྷ་བ་ནཱ་ནི། པ་ཙ་པ་ཙ་པ་ཙ་ཡ། སརྦ་དུཥྚཱཾ་ནཱ་གཱ་ནཱ~ཾ། ཨ་ཀྲྀ་མ་ཨ་ཀྲྀ་མ་སམུ་དྲཱ་སཱ་ག་ར། བི་མ་ལེ། བི་ཀྲ་མེ་མ་ཧཱ་ནཱ་ག་ག་ཏེ། ཛ་པ་རེ་སྭཱ་ཧཱ།
34a7 བཅོམ་ལྡན་འདས་ཀྱིས་སྙིང་པོའི་གཟུངས་ཀྱི་སྔགས་ཀྱི་ཚིག་འདི་གསུངས་པ་ཙམ་གྱིས་ཀླུ་དེ་དག་ཐམས་ཅད་འདར་ཞིང་ལུས་རུལ་ཏེ་དྲི་མི་ཞིམ་པར་གྱུར་ཏོ། །མེ་འབར་བ་བཞིན་དུ་ལུས་ལ་དུ་བ་འཐུལ་ཞིང་འགྲེ་ལྡོག་གོ། །ཐམས་ཅད་སྐད་ཆེར་བཅོམ་ལྡན་འདས
iiif viewer powered by OpenSeadragon
