| e-texts navigator |
| Wylie |
33a1 རྐྱེན་འགའ་ཞིག་གིས་སྲོག་ཆགས་དེ་དག་ཀྱང་སྲོག་མ་ཆད་དོ། །ཀླུ་ཆེན་པོ་དེ་དག་གིས་སྒྲ་དེ་ཡང་མ་ཐོས་བཅོམ་ལྡན་འདས་ཀྱང་རྗེས་སུ་མ་དྲན་ནོ། །དེ་ནས་བདུད་ཀྱི་རིས་ཀྱི་གནོད་སྦྱིན་རྣམ་པར་འཐོར་རླུང་ཞེས་བྱ་བ་དེས་སྟོང་གསུམ་གྱི་སྟོང་ཆེན་པོའི་འཇིག
33a2 རྟེན་གྱི་ཁམས་སུ་སྒྲ་བསྒྲགས་པ་ཞག་བདུན་གྱི་ཉིན་པར་སྲེག་པའི་བསྐལ་པ་འབྱུང་སྟེ། འདི་ནི་སྲིད་པའི་རྩེ་མོ་ནས་མནར་མེད་པའི་སེམས་ཅན་དམྱལ་བ་མནར་མེད་པ་ལ་ཐུག་པའི་བར་དག་ལས་གང་ཚིག་པར་མ་གྱུར་པ་ཅུང་ཟད་ཀྱང་མི་སྲིད་དོ། །འཇིག་རྟེན་དུ་འཇིགས་པ་ཆེན
33a3 པོ་བྱུང་ཞེས་སྒྲ་གྲག་གོ། །དེ་ནས་ལྷ་དང་ཀླུ་དང་གནོད་སྦྱིན་དང་དྲི་ཟ་དང་ལྷ་མ་ཡིན་དང་ནམ་མཁའ་ལྡིང་དང་། མི་འམ་ཅི་དང་ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དེ་དག་ཐམས་ཅད་ཀྱིས་སྒྲ་དེ་ཐོས་ནས་ཀྱི་ཧུད་ཀྱི་ཧུད་འཇིག་རྟེན་མ་རུང་བར་གྱུར་ཏོ་ཞེས་ངུའོ། །དེ་ནས
33a4 བཅོམ་ལྡན་འདས་ཀྱིས་ལས་ཀྱི་རྐྱེན་གྱིས་འདི་མྱོང་བར་མཁྱེན་མོད་ཀྱི། འོན་ཀྱང་དགོངས་པ་མཛད་དེ། བཅོམ་ལྡན་འདས་ཀྱི་སྨིན་མཚམས་ཀྱི་མཛོད་སྤུ་ནས་འོད་ཟེར་བྱུང་ནས་འོད་ཟེར་དེས་ཀླུའི་ཁྱིམ་ཐམས་ཅད་སྣང་བར་བྱས་ནས་ཀྱང་སླར་ལོག་སྟེ་སྤྱི་བོའི་གཙུག་ཏུ་ནུབ་པར
33a5 གྱུར་ཏོ། །དེ་ནས་ཀླུའི་རྒྱལ་པོ་ཀུན་ནས་གདུགས་ཀྱི་རྣམ་པས་བསྐོར་བ་ཞེས་བྱ་བས་ཀླ་ཐམས་ཅད་བསྡུས་ནས་འདི་སྐད་ཅེས་སྨྲས་སོ། །ཀྱེ་ཀླུ་དང་ཀླ་ཆེན་པོ་དག་ཅིའི་ཕྱིར་འོད་ཟེར་བྱུང་ཞིང་རྐྱེན་གང་གིས་འཇིག་རྟེན་དུ་བྱུང་། དེ་ནས་ཀླུའི་རྒྱལ་པོ་ཆེན་པོ་རྒྱ་མཚོས་བསམས་ན
33a6 བཅོམ་ལྡན་འདས་ཀྱི་མཐུས་འོད་ཟེར་བྱུང་བར་མཐོང་ངོ་། །དེ་ནས་ཀླུའི་རྒྱལ་པོ་རྒྱ་མཚོ་དང་། གཞན་ཡང་ཀླུའི་རྒྱལ་པོ་མཐུ་ཆེ་བ་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས
33a7 འོད་ཟེར་རབ་ཏུ་བཀྱེ་བའི་རྒྱུ་གང་ལགས་རྐྱེན་གང་ལགས་འོད་ཟེར་རབ་ཏུ་བཀྱེ་སྟེ། ཁང་པ་ཐམས་ཅད་སྣང་བར་བགྱིས་ཏེ། སླར་ལྡོག་པར་བྱེད་པའི་རྒྱུ་གང་ལགས་རྐྱེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀྱེ་ཀླུའི་བདག་པོ་དག་སྲོག་ཆགས་བརྒྱ་སྟོང
iiif viewer powered by OpenSeadragon
