| e-texts navigator |
| Wylie |
31a1 པའི་སྲོག་ཆགས་རྣམས་མེད་པར་འགྱུར་ཏེ། ཤ་སྦྲང་དང་། སྦྲང་བུ་དང་། པི་ཙི་ལི་ཀ་དང་། བྱི་བ་དང་། སྦྲང་མ་དང་། །ཏྲཻ་མ་བུ་ཀ་དང་། །ཏྲཻ་ལ་ཏ་དང་། བི་ཤ་ཀི་ཏ་ཀ་དང་། ཉ་ཕྱིས་ཅན་དང་། ཉ་དང་། ལོ་མི་ཀ་དང་། སྦལ་པ་དང་། ནེའུ་ལེ་དང་།
31a2 ཕག་དང་། ཀན་ཏི་ཀ་དང་། སེང་གེ་དང་། རྐང་དང་། རྐང་གཅིག་པ་དང་། རུ་སྦལ་དང་། གྲོག་མོ་དང་། སྦྲང་རྩིའི་སྦྲང་མ་དང་། ཐང་གི་སྦྲང་མ་དང་། བུང་བ་དང་། ནག་པོ་དང་། ཤང་ག་ནི་ཀ་དང་། སའི་འོག་ནས་བྱུང་བ་དང་། མ་ལུ་ཤི་ཀ་དང་། འུག་པ་དང་།
31a3 བྱི་བ་དང་། མཆུ་ལ་སོགས་པའི་སྲོག་ཆགས་ཀྱི་རིགས་ཐམས་ཅད་མེད་པར་འགྱུར་རོ། །མི་འབྱུང་བར་འགྱུར་རོ། །ཐམས་ཅད་ཕུང་བར་འགྱུར་རོ། །བྱ་རོག་དང་། བྱེའུ་དང་། ཁུག་རྟ་དང་། ཕུག་རོན་དང་། མ་དུ་རི་ཀ་དང་། འུག་པ་དང་། ཁ་ན་ཛ་ན་དང་། ནེ་ཙོ
31a4 དང་། རི་སྐེགས་ལ་སོགས་པ་ཐམས་ཅད་མེད་པར་འགྱུར་རོ། །སྔགས་འདིས་ཕུར་བུ་ལ་ཡོངས་སུ་བཟླས་པར་བྱ་སྟེ་ཕྱོགས་བཅིང་ངོ་། །ན་མོ་བུདྡྷཱ་ཡ། ཨོཾ་ཀི་ལི་མི་ལི་ཙཎྜེ། མེ་རེ་ལི་ཙཎྜ་ཙཎྜེ་བནྡྷ་ཡ་སྭཱ་ཧཱ། དེ་ནས་དྲང་སྲོང་ཆེན་པོ་ཉེས་འདོར་བཅོམ་ལྡན་འདས་དང་ཧ
31a5 ཅང་མི་རིང་བ་ཞིག་ན་འདུག་པས་གཟུངས་འདི་ཐོས་ནས་དེ་སྟན་ལས་ལངས་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་སྲོག་ཆགས་ཀྱི་རིགས་གནོད་པར་སེམས་པ། རབ་ཏུ
31a6 གནོད་པར་སེམས་པ། དུག་འཆང་བ། ལོ་ཏོག་དང་། མེ་ཏོག་དང་། འབྲས་བུ་དང་། འདབ་མ་དང་། སྡོང་བུ་དང་། རྩ་བ་མ་རུངས་པར་བགྱིད་པ་ཐམས་ཅད་ཀྱི་ཁ་བཅིང་བར་བགྱིའོ། །བཟློག་པར་བགྱིའོ། །བསྡིགས་པར་བགྱིའོ། །ཕྱོགས་བཞི་ཀུན་ནས
31a7 དཔག་ཚད་དུ་མཚམས་གཅད་པ་ཆེན་པོ་བགྱིའོ། །ཀུན་དུ་བསྲུང་བར་བགྱིའོ། །བཅོམ་ལྡན་འདས་སླད་མའི་ཚེ་སླད་མའི་དུས་ན་གནོད་པར་སེམས་པ། རབ་ཏུ་གནོད་པར་སེམས་པ་ཐམས་ཅད་བཟློག་པར་བགྱིའོ། །སྔགས་ཀྱི་ཚིག་རྗེས་སུ་སྩལ་བར་བགྱིའོ། །བཅོམ་ལྡན
iiif viewer powered by OpenSeadragon
