| e-texts navigator |
| Wylie |
29b1 མཚམས་དགུམ་པ་དང་། དཀྱིལ་འཁོར་གྱིས་རིས་གཅད་པར་བགྱིས་པ་དེར་བཅོམ་ལྡན་འདས་བདག་ཅག་གིས་རྟག་པར་རྒྱུན་དུ་གནོད་པ་ཐམས་ཅད་བཟློག་པར་བགྱི་འཚལ་ལོ། །ལོ་ཏོག་དང་། མེ་ཏོག་དང་། འབྲས་བུ་ཐམས་ཅད་ཀུན་དུ་བསྲུང་བར་འཚལ་ལོ། །
29b2 ཡོངས་སུ་བསྐྱང་བར་འཚལ་ལོ། །ཐ་ན་རྐུན་པོ་དང་། གཡོ་ཅན་དང་། དང་། བྱ་རྣམས་ཀྱང་ཀུན་དུ་བསྲུང་བར་འཚལ་ཏེ། སླད་ཀྱིས་ཀྱང་མ་རུངས་པར་མི་བགྱིད་དོ། །དེ་ནས་བཅོམ་ལྡན་འདས་ཀྱིས་ཀླུའི་བདག་པོ་དེ་དག་ལ་ལེགས་སོ་ཞེས་བྱ་བ་གནང
29b3 སྟེ། ཀླུའི་བདག་པོ་དག་ལེགས་སོ་ལེགས་སོ། །ཁྱེད་ཀྱིས་དེ་ལྟར་གྱིས་ཤིག་།ཁྱེད་ཀྱིས་འཛམ་བུའི་གླིང་འདི་ལེགས་པར་སྲུང་བས་བསྲུང་བར་གྱིས་ཤིག་།དེ་ནས་དེའི་འོག་ཏུ་ཆོ་གར་བྱ་བ་ལས་ཐམས་ཅད་བྱེད་པ་དགེ་བར་བ་བ་བརྗོད་པར་བྱའོ། །ལོ་ཏོག་ལ་གནོད
29b4 པར་བྱེད་ན་དེའི་ཚེ་རིག་པ་འཛིན་པས་ཞིང་གི་དབུས་སམ། ཁང་སྟེང་ངམ། གནས་མཐོན་པོར་དཀྱིལ་འཁོར་གྲུ་བཞི་པ་བྱས་ལ་ཕྱོགས་བཞིར་བུམ་པ་བཀང་བ་བཞི་བཞག་གོ། །མེ་ཏོག་སིལ་མས་གཅལ་བཀྲམ་སྟེ་བཞག་གོ། །གཟུགས་འཁྱིལ་པ་བདུན
29b5 བྱའོ། །འབྲས་ལས་བྱས་པའི་འཁྱིལ་པ་བདུན་བྱས་ཏེ། གཟུགས་རེ་རེ་ཞིང་ཡང་གཟུགས་ཉི་ཤུ་རྩ་རེ་བྱའོ། །འབྲས་དང་འོ་ཐུག་བསྲེས་པ་དང་། ཞོ་དང་། འོ་མ་གཞག་པར་བགྱིའོ། །ཕྱོགས་བཞིར་དྲིལ་བུ་གཞག་པར་བྱའོ། །པདྨ་ལྟ་བུར་ཟན་གྱི
29b6 གཏོར་མ་སྔ་མ་བཞིན་གཞག་པར་བྱའོ། །དཀྱིལ་འཁོར་གྱི་དབུས་སུ་བུམ་པ་ཆེན་པོ་བཞག་སྟེ་བ་ལས་བྱུང་བ་ལྔ་དང་། འོ་མ་དང་ཆུས་དགང་ངོ་། །ཡུངས་ཀར་དང་། འབྲས་ཡོས་བླུག་པར་བྱའོ། །སྔགས་ལན་དྲུག་ཅུར་ཡོངས་སུ་བཟླས་པར་བྱའོ། །
29b7 སེང་ལྡེང་གི་ཕུར་བུ་བཞི་དང་། ལྕགས་ཀྱི་ཕུར་བུ་གཅིག་བྱ་སྟེ། ཐམས་ཅད་སོར་བརྒྱད་ཀྱི་ཚད་དུ་བྱའོ། །བ་སེར་སྐྱའི་ལྕི་བ་འམ། བག་ཕྱེ་ལས་བྱས་པའི་ཀླུའི་གཟུགས་བཞི་བྱ་སྟེ། དཀྱིལ་འཁོར་གྱི་གྲཝ་བཞིར་གཞག་པར་བྱའོ། །སེང་ལྡེང་གི
iiif viewer powered by OpenSeadragon
