| e-texts navigator |
| Wylie |
29a1 དྷཱ་ར་ཎཱི། ཙཎྜ་བེ་ག་བ་ཏི། བྲ་པར་བི་མནྡྷ་ར་ཎཱི། ཧཱུ~ཾ་ཧཱུ~ཾ། བ་ལ་བ་ཏེ། བེ་ག་བ་ཏི། ས་ར་ས་ར། བི་ས་ར་བིས་ར་ས་རནྟི། སརྦ་ས་དྲི་སྱ་ན་ནཱ་མ་དྲི་བ་ན་ཡ་དྲི། པུ་ཡ་ཕ་ལ་ཕཊ། དྲ་སནྡྷ་ར་ཎཱི། ཡ་པས་རྦནྟུ་སརྦ་ནཱ་གཏོ་ངས་རྦ་བ་བྷ་བ་བྷ་ནི། བེ་ག་ཏ་བེ་ག་བ
29a2 ཏི་སྭཱ་ཧཱ། ཧཱུ~ཾ་ཧཱུ~ཾ་ཕཊ། ནཱ་ག་བ་ས་ར་ཎི་ཕཊ། ཛྭ་ལ་མཱ་ལི་ནི་ཕཊ། ཛཱ་ལམཱ་ལི་ནི་ཕཊ། ཕཊ་ཕཊ་ཕཊ་སྭཱ་ཧཱ། བཅོམ་ལྡན་འདས་ཀྱིས་ཀླུ་ཐམས་ཅད་དང་། ཀླུ་མི་བགྲུངས་པ་ཐམས་ཅད་མ་རུངས་པར་བྱེད་པའི་རིག་པ་འདི་བཤད་མ་ཐག་ཏུ་ཀླུ་དང་ཀླུ་ཆེན་པོ་ཐམས་ཅད་ཀླད་པ་ན
29a3 བར་གྱུར། ལུས་རུལ་ཏེ་ལུས་རྣགས་ཤིང་དྲི་མི་ཞིམ་པར་གྱུར་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་སྔགས་ཀྱི་ཚིག་ཤིན་ཏུ་མི་བཟད་པ་དག་བཀའ་སྩལ་ཏོ། །བཅོམ་ལྡན་འདས་བདག་ཅག་གིས་ནོངས
29a4 པ་བགྱིས་པ་མི་དྲན་དུ་ལགས་ཀྱིས་ཀྱང་། བཅོམ་ལྡན་འདས་རིག་འཛིན་གནོད་པ་བགྱིད་པས་བདག་ཅག་ལ་བརྙས་པ་དང་། རྡེག་པ་དང་། འཆིང་བ་དང་། སྐྲོད་པ་དང་། གནོད་པ་དེའི་ཚེ་བཅོམ་ལྡན་འདས་ཀླུ་མི་བགྲུངས་པ་རྣམས་འཁྲུགས་ཏེ། དེའི་ཚེ་ལོ་ཏོག་དང་། མེ
29a5 ཏོག་དང་། འབྲས་བུ་མ་རུངས་པར་བགྱིད། སེར་བ་འབབ་པར་བགྱིད། སད་དང་རླུང་གིས་འཁྲུག་པར་བགྱིད། ཧ་ཅང་ཆར་ཆེ་བ་དང་། ཆར་མི་འབབ་པ་དང་། དུས་མ་ལགས་པར་ཆར་བབ་པར་བགྱིད་དོ། །བཅོམ་ལྡན་འདས་རིག་པ་འཛིན་པ་སྔགས་སྨས་པས་བྱམས
29a6 པ་ལ་གནས་པར་བགྱི། བྱམས་པའི་གོ་བགོ་བར་བགྱི།། བྱམས་པའི་རལ་གྲི་ལག་ན་ཐོགས་པར་བགྱི་སྟེ། བྱམས་པས་གནོད་པ་བགྱིད་པ་ཐམས་ཅད་ཞི་བར་བགྱིའོ། །བཅོམ་ལྡན་འདས་དེང་སླན་ཆད་དེ་བཞིན་གཤེགས་པའི་སྤྱན་སྔར་བདག་ཅག་དམ་བཅའ་བར་འཚལ
29a7 ཏེ། གང་ན་རིག་པའི་རྒྱལ་མོ་འདི་རབ་ཏུ་སྤྱོད་པ་དེར་བཅོམ་ལྡན་འདས་ཀླུ་རྩེ་བར་མི་བགྱིད་དོ། །གང་ན་སྙིང་པོའི་གཟུངས་འདིས་བསྲུང་བར་བགྱིས་པ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་དང་། ཡོངས་སུ་བསྐྱང་བར་བགྱིས་པ་དང་། སྲད་བུ་བྲེ་བ་དང་།
iiif viewer powered by OpenSeadragon
