| e-texts navigator |
| Wylie |
28a1 རྒྱུན་དབབ་ཅིང་ཀླུ་དགུག་པར་བྱའོ་ཞེས་སྨྲས་ཏེ། དེས་མེའི་སྦྱིན་སྲེག་བྱ་བར་བཤམས་ནས་ཏིལ་དང་། འབྲས་དང་། ཡུངས་ཀར་རྣམས་འབྲུ་མར་ཚ་བ་དང་བསྲེས་ཏེ་སྦྱིན་སྲེག་བྱེད་དོ། །དེ་ནས་ཀླུ་མི་སྲུན་པ་ཞིག་གི་གཟུགས་བྱས་ཏེ། དེས་ལྕགས
28a2 ཀྱི་ཕུར་བུ་ལ་བསྔགས་ནས་ཀླུའི་སྤྱི་བོར་བཏབ་པ་དང་། ཀླུའི་སྤྱི་བོ་གས་ནས་སྡུག་བསྔལ་གྱི་ཚོར་བ་ཆེན་པོར་གྱུར་ཏོ། །ཀླུ་དེ་ཡང་ཆེར་འཁྲུགས་ཏེ་ཁྲོས་ནས་སྐད་ཅིག་ཐང་ཅིག་ཡུད་ཙམ་དེ་ལ་ཀླུས་ཁྱབ་པར་བྱེད་པའི་ཤུགས་ཀྱིས་ཆེར་གནོད་ཅིང་རྡུལ་འབྱུང་བའི་འོད་ཟེར་ཚ་བ་རང
28a3 གི་ལུས་ལས་བཀྱེ་སྟེ་གནོད་པ་ཆེན་པོས་ཁེབས་པར་བྱས་ནས་བྲམ་ཟེ་དེའི་ཞིང་ཚིག་པར་བྱས་སོ། །དེ་ཡང་ལྕེ་འབབ་པའི་ཆར་གྱི་རྒྱུན་ཆེན་པོ་བྲམ་ཟེའི་ལུས་ལ་ཕབ་ནས་བྲམ་ཟེ་དེ་མགོན་མེད། སྐྱབས་མེད། དཔུང་གཉེན་མེད་དེ། མེའི་སྦྱིན་སྲེག་བྱེད་པ་བཏང་ནས་དེ
28a4 བཅོམ་ལྡན་འདས་ལ་མགོན་དང་སྐྱབས་དང་དཔུང་གཉེན་བཙལ་ཏེ་འབྲོས་པར་བསམས་ནས་བཅོམ་ལྡན་འདས་ཀྱི་དྲུང་དུ་བརྒྱུགས་ཏེ། བཅོམ་ལྡན་འདས་ག་ལ་བ་དེར་སོང་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན
28a5 འདས་ཀླུ་ཁྲོ་བོ་དག་གིས་སྲོག་མ་རུངས་བར་བགྱིད་པར་འཚལ་ཏེ་སྐྱབས་སུ་ཡང་མ་མཆིས་ན། བཅོམ་ལྡན་འདས་བསྐྱབ་ཏུ་གསོལ། །བདེ་བར་གཤེགས་པ་བསྐྱབ་ཏུ་གསོལ། །དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དེ་དབུགས་ཕྱུང་ནས་འདི་སྐད་ཅེས
28a6 བཀའ་སྩལ་ཏོ། །བྲམ་ཟེ་ཆེན་པོ་མ་འཇིགས་ཤིག་།ངས་ཁྱོད་ཀྱི་མགོན་དང་། སྐྱབས་དང་། དཔུང་གཉེན་བྱའོ་ཞེས་བཀའ་སྩལ་ནས་ཅང་མི་གསུང་བར་བཞུགས་སོ། །དེ་ནས་བཅོམ་ལྡན་འདས་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེས་འདི་སྐད་ཅེས་གསོལ
28a7 ཏོ། །བཅོམ་ལྡན་འདས་གཟིགས་སུ་གསོལ། མངོན་སུམ་དུ་གྱུར་བཞིན་དུ་ཡང་ཀླུ་མི་བགྲུངས་པས་ལོ་ཏོག་མ་རུངས་པར་བགྱིད་ན། བཅོམ་ལྡན་འདས་ཁྱོད་ཡོངས་སུ་མྱ་ངན་ལས་འདས་ཀྱི་སླད་ན་སླད་མའི་ཚེ་སླད་མའི་དུས་ན་སེམས་ཅན་ཐམས་ཅད་ཀྱི་རྟེན་ནི་སུ་ལགས།
iiif viewer powered by OpenSeadragon
