| e-texts navigator |
| Wylie |
25b1 གཉིས་པར་དུ་བསྒྲུབ་བྱའི་མིང་། །བསད་པ་ཉིད་དང་ལྡན་པར་བྱ། །མུ་ཁྱུད་གཉིས་པ་ཕྲེང་སྔགས་ཀྱང་། །མིང་དང་བསད་པར་ལྡན་པའོ། །གསུམ་པ་ཁྲོ་བོའི་སྔགས་བྲིས་ཏེ། །འཁོར་ལོ་མཆོད་ཅིང་བྱིན་བརླབས་ནས། །དགྲ་གཟུགས་སོར་བརྒྱད་སྙིང་གར་གཞུག་།
25b2 དེ་ཉིད་ཏིལ་མར་གྱིས་བྱུགས་ཏེ། །ཐོད་པ་གཉིས་ཀྱི་འཁོར་ལོ་ཡི། །བར་དུ་བཅུག་ནས་མེ་སྟེང་གཞག་།སེང་ལྡེང་ཕུར་པ་སོར་བརྒྱད་པ། །མཉམ་གཞག་སྦྱོར་བས་སྔགས་དེ་གདབ། །བསད་པའི་སྦྱོར་བ་འདི་ཉིད་ཀྱིས། །ཤི་བར་འགྱུར་ལ་གཞན་དུ་མིན། །ཡང་ན
25b3 བྱང་ཆུབ་ཡན་ལག་ལས། །དུར་ཁྲོད་ཁྲག་གིས་འཁོར་ལོ་བྲི། །གུ་གསུམ་བརྩེགས་པའི་གཟུགས་བྲིས་ཏེ། །དབུས་སུ་དགྲ་མིང་གསང་སྔགས་བཅས། །རྩིབས་ལ་བཅུ་གཉིས་བར་དུ་ནི། །མིང་དང་བསད་པ་བཅས་པ་བྲི། །མུ་ཁྱུད་དང་པོའི་སྔགས་ཕྲེང་ཡང་། །རྒྱས
25b4 བའི་ཡན་ལག་ལྡན་པར་བྲི། །སྤྲ་ཚིལ་གཟུགས་བརྙན་སོར་བརྒྱད་པའི། །སྙིང་གར་བཅུག་ནས་སྐྲ་ཡིས་དཀྲི། །རྣལ་འབྱོར་པ་ཡི་ཉལ་བའི་ཞབས། །མགོ་བོ་ལྷོར་བསྟན་གཞག་པར་བྱ། །ཆུ་ཤེལ་མ་མཐོང་བར་དུ་ནི། །ཉི་ཤུ་རྩ་གཅིག་སྔགས་བརྗོད་ནས། །མི་ཡི་རྡོ
25b5 རྗེའི་དར་གྱིས་བརྒྱན། །སྡང་བྱེད་ས་སྟེང་འདིར་མི་གནས། །ཀླུ་ཡི་གནས་སུ་གྲགས་པའམ། །ཆུ་ཡི་རྫིང་ལ་སོགས་འགྲམ་དུ། །དཀྱིལ་འཁོར་བ་ཡི་རྣམ་ལྔས་བྱུགས། །པདྨ་དམར་པོའི་རི་མོ་ལ། །ལྟེ་བ་རྡོ་རྗེ་མཁའ་འགྲོ་མ། །གསེར་གྱི་མདོག་ཅན་ཐལ་མོ་སྦྱར། །
25b6 ཀླུ་ཡི་གདེངས་ཀ་བདུན་ལྡན་པ། །ཟླ་བའི་དཀྱིལ་འཁོར་སྟེང་གནས་པ། །ཤིན་ཏུ་བལྟས་པས་གནས་པར་བྱ། །དགའ་བོ་ཉེར་དགའ་འཇོག་པོ་དང་། །མཐའ་ཡས་དུང་སྐྱོང་རིགས་ལྡན་གཟུགས། །པདྨ་པད་ཆེན་རྣམས་བྱས་ཏེ། །དཀར་དང་སེར་དང་ལྗང་བ་དང་། །
25b7 དམར་དང་ལྗང་སྐྱ་སྔོ་སྐྱ་དང་། །དམར་སེར་ལྗང་སེར་འཛུམ་པའི་གཟུགས། །གཙོ་ལ་ཐལ་མོ་སྦྱར་བཏུད་ནས། །རྒྱུ་སྐར་ཕྲེང་བ་དང་ལྡན་གནས། །འོ་མ་འབྲས་ཅན་མཁལ་ཞོ་ཤ། །པུས་ཀ་ཙ་ཏི་ལ་སོགས་སྨན། །ཁུར་བ་ཚོགས་བུ་དང་བཅས་པ། །རིན་ཆེན
iiif viewer powered by OpenSeadragon
