| e-texts navigator |
| Wylie |
25a1 ཁང་པ་ལ། །སྔགས་བཞིས་མཚམས་བཅིངས་ཆོ་ག་ཡིས། །གསལ་ཁུང་དང་བཅས་བརྩིགས་པའི་ཕྱོགས། །སྙན་པའི་བྱ་ཡིས་སྒྲ་སྒྲོགས་ཤིང་། །དྲི་ཞིམ་སྤོས་ངད་ལྡན་པ་ལ། །དྲིལ་བུ་སིལ་སིལ་སྒྲ་སྙན་སྒྲོགས། །ལྡ་ལྡི་གོས་ཀྱི་ཕྲེང་བས་དཀྲིས། །ལྷག
25a2 པའི་འདུ་འཛི་རྣམ་སྤངས་ནས། །སྤྱོད་པ་མཐུན་པའི་གྲོགས་དང་ནི། །བདེ་བར་བྱང་ཆུབ་བསྒྲུབ་པར་བྱ། །འོན་ཀྱང་གནས་དང་གྲོགས་ལ་སོགས། །རྣལ་འབྱོར་ཡིད་འཇུག་ཕྱིར་བརྩམ་སྟེ། །མཐའ་དག་སྤངས་པའི་ཕ་རོལ་ན། །ལྷག་པའི་བྱང་ཆུབ་མ་མཆིས་སོ། །བདེ་དང་སྡུག་བསྔལ
25a3 སྣ་ཚོགས་རྣམས། །རང་ག་སེམས་ལས་འབྱུང་མོད་ཀྱི། །སེམས་རྟོག་མ་ལུས་སྤང་བ་ལས། །ངས་ནི་ཆོས་གཞན་འགའ་མ་བཤད། །དེ་བས་སེམས་རྟོག་སྣ་ཚོགས་རྣམས། །སྤང་བར་བྱ་ཕྱིར་སྣ་ཚོགས་ཐབས། །སྔགས་དང་ཕྱག་རྒྱ་ཏིང་འཛིན་དང་། །སྦྱོར་བ་རྒྱ་ཆེན་རྣམས
25a4 བཤད་དོ། །དྲག་པོ་སྒྲུབ་པའི་ཐབས་འགའ་ནི། །རིག་པའི་ཁྲོ་མོས་མཉན་པར་གྱིས། །ས་གཞི་བདུད་རྩི་ལྔ་ཡིས་བྱུགས། །མེ་ཡི་དཀྱིལ་འཁོར་ས་བོན་བཅས། །དུར་ཁྲོད་ཕ་གུས་བྲི་བར་བྱ། །དེར་ནི་ཕོ་མོ་ཐོད་པ་ལ། །ཕྱི་རོལ་དམར་ནག་ཚོན་གྱིས་བྱུགས། །ནང་དུ
25a5 སྣ་ཚོགས་རྡོ་རྗེ་ནི། །མུ་ཁྱུད་གསུམ་ལྡན་བྲི་བར་བྱ། །དབུས་སུ་རྡོ་རྗེ་མཁའ་འགྲོ་མའི། །སྙིང་པོ་སྔགས་བཅས་བྲི་བར་བྱ། །རྡོ་རྗེ་རྭ་ནི་ཐམས་ཅད་ལ། །ཧཱུ~ཾ་བྲི་མུ་ཁྱུད་གཉིས་ཕྲེང་སྔགས། །གསུམ་པར་ཁྲོ་བོའི་སྔགས་བྲིའོ། །ཐོད་པ་ཁ་སྦྱོར་ནང་དུ་ནི། །སྐེ་ཚེ་ཡུངས
25a6 ཀར་བཙན་དུག་དང་། །ལན་ཚྭ་ཁྲག་དང་ཤ་ཆེན་དང་། །རྐང་རྗེས་ས་ལ་སོགས་པ་བླུགས། །གཅེར་བུ་རྣལ་འབྱོར་སྐྲ་བཤིག་ནས། །ལྷ་ཡི་སྦྱོར་ལྡན་ལྷོར་བལྟས་ནས། །ཞབས་ཀྱིས་ཐོད་པའི་འཁོར་ལོ་ནི། །མནན་ཏེ་སྔགས་ཕྲེང་བརྗོད་པར་བྱ། །ཁྲོ་བོ་ཆེན་པོའི་སྦྱོར་བ་ཡི། །
25a7 མཉམ་བཞག་ནས་ནི་སྟོང་ཕྲག་ཏུ། །བཟླས་པ་མཚན་ཕྱེད་པར་བྱས་ན། །བསད་པ་ཉིད་ལ་ཐེ་ཚོམ་མེད། །དུར་ཁྲོད་རས་ལ་འཁོར་ལོ་ནི། །དབུས་སུ་མེ་ཡི་དཀྱིལ་འཁོར་ཅན། །རྩིབས་བརྒྱད་མུ་ཁྱུད་གསུམ་ལྡན་པ། །དབུས་སུ་སྙིང་པོ་སྔགས་རྣམས་ལ། །ཧཱུ~ཾ
iiif viewer powered by OpenSeadragon
