| e-texts navigator |
| Wylie |
24b1 ཡང་ན་རང་ལུས་རྣམས་བསྒྲིམས་ནས། །ཆུ་ཡི་ཚོགས་ཀྱིས་དག་བྱས་ཏེ། །ཉི་ཤུ་རྩ་གཅིག་གྲངས་ལྡན་པར། །གཟུངས་ཀྱི་ཕྲེང་བ་བརྗོད་བྱས་ན། །གསར་ཕྱག་ལག་ཏུ་མ་བླངས་ཤིང་། །བདེན་བྲལ་ཕྱི་རོལ་མ་སོང་བར། །གཞན་གྱི་འཇིགས་པ་མ་བསལ་ཞིང་། །
24b2 ཚེ་ལོ་བརྒྱ་ནི་རྩ་བརྒྱད་པར། །རིམས་ནད་ཙམ་ཡང་མི་གནོད་དོ། །གོས་དང་ཟས་དང་སྣོད་སྤྱད་དང་། །སྨན་ལ་སོགས་པའི་རྫས་རྣམས་ནི། །མི་འཁྲུགས་རྒྱལ་པོའི་ཕྱག་རྒྱ་ཡིས། །བསྲུངས་ན་ཅིས་ཀྱང་མི་ཤོད་དེ། །སེང་ཆེན་རྔམ་པའི་སྟབས་ཀྱིས་ནི། །འུག་པའི་སྒྲ
24b3 གསུམ་བརྗོད་བྱས་ན། །ཕྱི་རོལ་རིག་སྔགས་སྟོང་ཕྲག་ནི། །དུ་མས་ཅིས་ཀྱང་མི་ཚུགས་སོ། །ཀླུ་ཡི་དབང་པོ་གནས་ལུགས་ཀྱིས། །རྩེ་གཅིག་རྡོ་རྗེའི་ཕྱག་རྒྱ་བཅས། །དེ་ནས་གསང་སྔགས་གསུམ་བརྗོད་ན། །ནད་དང་གདོན་ལ་སོགས་པ་སེལ། །རི་བོང་ནུ་མའི
24b4 མཚམས་བྱས་ནས། །ཧཱུ~ཾ་གིས་མནན་པའི་སྔགས་ཀྱིས་ནི། །དམིགས་མེད་ཏིང་འཛིན་ཡིད་བརྟན་ཞིང་། །འདིས་ཀྱང་གནོད་པ་ལས་བསྲུང་འགྱུར། །ཕྱི་རོལ་སོགས་པ་ཀུན་སྤངས་ནས། །སྣང་བ་ཡིད་ཀྱིས་བསླབས་བྱས་ཏེ། །མི་སྣང་བ་ལ་མངོན་དམིགས་ནས། །བསྲུང་བ
24b5 རྣམས་ཀྱི་དམ་པ་བཤད། །དེ་ནས་གཞན་ཡང་སྦྱོར་བ་བཤད། །དུར་ཁྲོད་ལ་སོགས་འཇིགས་གནས་སམ། །མཚོ་དང་མཚེའུ་དང་དགོན་གནས་དང་། །གནས་དང་སྐྱེད་མོས་ཚལ་ཆེན་དང་། །མེ་ཏོག་ཚལ་ལམ་ཡུལ་འཁོར་ལྗོངས། །ཆུ་ཡི་འགྲམ་མམ་ཤིང་གཅིག
24b6 གམ། །ཡང་ན་རང་གི་ཁྱིམ་ཉིད་དུ། །མཎྜལ་ལེགས་པར་བྱུགས་པ་ལ། །བརྟེན་ནས་ལྷ་ཡི་སྦྱོར་བ་སྒྲུབ། །རས་རིས་ལ་སོགས་མདུན་བྱས་ཏེ། །བདེ་བའི་སྟན་ལ་སྐྱིལ་ཀྲུང་གིས། །བསྡད་ནས་མཉམ་གཞག་བརྩམ་པར་བྱ། །ཐ་མལ་སྦྱངས་པའི་ལུས་ཀྱིས་ནི། །ཐར
24b7 པ་ཆེན་པོ་ཐོབ་འགྱུར་ཏེ། །གཞན་དུ་དེ་ལྟར་མ་ཡིན་ནོ། །ས་གཞི་ཤིན་ཏུ་ཉམས་དགའ་ཞིང་། །ལེགས་པར་བཀོད་པའི་རི་བོ་ལ། །ནགས་ཚལ་ཤིན་ཏུ་སྡུག་པ་ལ། །བསིལ་བའི་ཆུ་རྒྱུན་འབབས་པའི་ཕྱོགས། །རྣམ་བཀོད་མེ་ཏོག་ཚལ་གསེབ་ཏུ། །ཤར་དུ་སྒོ་བསྟན
iiif viewer powered by OpenSeadragon
