| e-texts navigator |
| Wylie |
24a1 སྙིང་པོའི་སྔགས་ཀྱིས་བསྐོར། །དེ་རྗེས་ལྟེ་བའི་མུ་ཁྱུད་ལ། །སྟེང་འོག་བཅིང་བའི་སྔགས་ཀྱིས་བྲི། །ཕྱོགས་མཚམས་སྔགས་རྣམས་འདབ་མ་ལའོ། །ཕྱི་རོལ་མུ་ཁྱུད་དང་པོར་ནི། །རྩ་བའི་སྔགས་རིང་དགོད་པར་བྱ། །གཉིས་པར་འོད་ཀྱི་ར་བ་བྲི། །དྲི་ཞིམ
24a2 དཀྱིལ་འཁོར་སྟེང་བཞག་སྟེ། །རང་ཉིད་ལྷ་ཡི་སྦྱོར་རྫོགས་བྱ། །ཐུགས་ཀའི་ས་བོན་འོད་ཀྱིས་ནི། །ནམ་མཁར་འཁོར་ལོ་སྦྱངས་བྱས་ཏེ། །ཡི་གེ་ཧཱུ~ཾ་གི་རྣམ་པར་བསམ། །དེ་ཡོངས་གྱུར་ལས་སྐུ་ཚོགས་སྒོམ། །དེ་དབུས་ཤེས་རབ་རྣམ་པར་བསམ། །ཟླ་དབུས་སྟེང་དུ་ཧུ~ཾ་ལས
24a3 ནི། །འཁོར་ལོ་རྩིབས་ལྡན་བསྒོམ་པར་བྱ། །དེར་ནི་ཡི་གེའི་རྣམ་པ་ནི། །མར་མེ་ལྟ་བུ་གསལ་དམིགས་ལ། །མཁའ་འགྲོ་མ་དང་དབྱེར་མེད་བྱ། །རང་སྙིང་ས་བོན་ལས་བྱུང་བའི། །གསང་སྔགས་སྟོང་ཕྲག་བཟླས་བྱས་ནས། །གསེར་སོགས་དྲིལ་ནས་ལུས་སམ་མགུལ། །
24a4 བཏགས་ན་འཇིགས་པ་བརྒྱད་ལས་སྐྱོབ། །ཐམས་ཅད་དུ་ནི་བསྲུང་བར་ངེས། །ཡུངས་ཀར་བ་ཡི་རྣམ་ལྔ་དང་། །དཱུར་བའི་སྙེ་མར་བཅས་པ་ལ། །གསང་སྔགས་སྟོང་ཕྲག་བཟླས་ནས་ནི། །རྒན་མོ་མིང་མེད་སྦྱོར་བ་ཡིས། །གནས་གསུམ་ཐིག་ལེ་བྱས་བསྲུང་ན། །ཚེ་ནི་སྟོང་ཕྲག
24a5 དུ་མར་འཕེལ། །ཀུ་ཤ་བ་མར་ཡུངས་ཀར་ཏིལ། །གསང་སྔགས་སྟོང་ཕྲག་བཟླས་བྱས་ཏེ། །ཤིས་པར་གྱུར་པའི་ཉི་མ་ལ། །མཆོད་རྟེན་སྤྱི་བོར་གདགས་བྱས་ན། །འགོ་བའི་ནད་རྣམས་འཆད་པར་འགྱུར། །ཁྲག་དང་ཁྲོ་ཆུར་བཅས་པ་ལ། །གསང་སྔགས་སྟོང་ཕྲག
24a6 གསུམ་བཟླས་ཏེ། །ཟླ་བ་གཟས་གཟུང་དུས་སུ་ནི། །ཉེ་བསྙེན་རྫོགས་པར་བྱས་ནས་ནི། །རྫས་ནི་ཤིན་ཏུ་སྤ་བྱས་ཏེ། །ལྷ་ཚོགས་གནོད་པ་གང་དམིགས་པའི། །སྙིང་གར་སྔགས་ནི་བསྣུན་བྱས་ན། །གང་དམིགས་བགེགས་ནི་རྣམ་པར་འཇིག་།རས་བལ་གསར
24a7 པར་གྱུར་པ་ལ། །ཤེས་རབ་མཚན་ལྡན་ཁྲུས་བྱས་ཏེ། །ཤིས་པའི་ཉི་མ་ལ་བཀལ་ནས། །བཅིངས་པའི་གྲངས་ཀྱིས་མདུད་བྱས་ཏེ། །སྟོང་ཕྲག་གཅིག་གི་སྔགས་བཟླས་ནས། །ལུས་སམ་མགུལ་ལམ་སྤྱི་བོར་གདགས། །དེས་ནི་ཚེ་ལོ་སྟོང་ཕྲག་ཐུབ། །
iiif viewer powered by OpenSeadragon
