| e-texts navigator |
| Wylie |
249b1 ཀྱང་མངོན་དུ་མཛད་ནས། བདེ་བར་བཞུགས་པ་ཚེགས་ཆུང་ངུས་བཞུགས་སུ་གསོལ། དེ་བཞིན་གཤེགས་པ་ལྷུན་པོའི་རྩེ་མོའི་འོད་ཀྱི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ། ཤི་ཁེ། ཤི་ཁ་བནྡྷེ་སྭཱ་ཧཱ། དེའི་འོག་ཏུ་བདག་ཚོགས་ཤིན་ཏུ་བསགས། གནག་པ་ཡོངས་སུ
249b2 རྫོགས། བསམ་པ་ཡོངས་སུ་རྫོགས། སངས་རྒྱས་ཀྱི་བྱ་བ་ཡོངས་སུ་རྫོགས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཅིག་།མངོན་པར་རྫོགས་པར་སངས་རྒྱས་ནས་ཆོས་ཀྱི་འཁོར་ལོ་རབ་ཏུ་བསྐོར་བར་བགྱི་བ་དེ
249b3 བཞིན་ཉིད་ཀྱི་འཁོར་ལོ་དང་། ཡང་དག་པའི་མཐའི་འཁོར་ལོ་དང་། ཇི་ལྟ་བ་བཞིན་གྱི་འཁོར་ལོ་དང་། སྐྱེ་བ་མེད་པ་དང་། འགག་པ་མེད་པའི་འཁོར་ལོ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་འཁོར་ལོ་དང་། ངེས་པར་འབྱུང
249b4 བའི་འཁོར་ལོ་དང་། ངེས་པར་འབྱེད་པའི་འཁོར་ལོ་དང་། ཕུང་པོ་དང་། ཁམས་དང་། སྐྱེ་མཆེད་མི་དམིགས་པའི་འཁོར་ལོ་དང་། ནམ་མཁའ་ལྟ་བུའི་འཁོར་ལོ་དང་། ཆོས་ཀྱི་དབྱིངས་དབྱེར་མེད་པའི་འཁོར་ལོ་དང་། བག་ཆགས་དང་མཚམས་སྦྱོར་བའི
249b5 ཉོན་མོངས་པ་ཐམས་ཅད་སྤང་པའི་འཁོར་ལོ་དང་། ང་དང་། བདག་དང་། རྟག་པ་དང་། ཆད་པ་དང་། བདག་དང་བདག་གིར་འཛིན་པ་ནས་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་སུ་མངོན
249b6 པར་ཞེན་པའི་བར་མི་དམིགས་པའི་འཁོར་ལོ་དང་། མདོར་ན་གང་ན་འཁོར་ལོ་མེད་པ། བསྐོར་བ་མེད་པ་དེ་ལྟ་བུའི་ཆོས་ཀྱི་འཁོར་ལོ་རབ་ཏུ་བསྐོར་བར་གྱུར་ཅིག་།རབ་ཏུ་བསྐོར་ནས་སེམས་ཅན་རྣམས་ཡོངས་སུ་སྨིན་པར་བགྱིད་པར་གྱུར་ཅིག་།ཡོངས་སུ་སྨིན་པར
249b7 བགྱིས་ནས་སེམས་ཅན་ལ་སྨན་པའི་སླད་དུ་སེམས་ཅན་གྱི་ཁམས་དང་། ལས་ཀྱི་ཁམས་དང་། ཉོན་མོངས་པའི་ཁམས་དང་། ནམ་མཁའི་ཁམས་ཇི་ཙམ་པ་དེ་ཙམ་དུ་གནས་པར་གྱུར་ཅིག་།འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཏདྱ་ཐཱ། མ་ནྱེ། མ་ནྱེ།
iiif viewer powered by OpenSeadragon
