| e-texts navigator |
| Wylie |
248b1 དེ་བཞིན་གཤེགས་པ་སྤོས་བརྩེགས་དེའི་འཇིག་རྟེན་གྱི་ཁམས་དྲི་བསུང་ཞིམ་པ་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེ་བཀོད་པ་དེའི་འཇིག་རྟེན་གྱི་ཁམས་རིན་ཆེན་བཀོད་པ་དང་། ཇི་ལྟར་མ་འོངས་པའི་བཅོམ་ལྡན་འདས་དེ་བཞིན་གཤེགས་པ
248b2 བདེན་པའི་བློ་གྲོས་ཏོག་གི་རྒྱལ་པོ་དེའི་སངས་རྒྱས་ཀྱི་ཞིང་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་གསེར་གྱི་མེ་ཏོག་དེའི་སངས་རྒྱས་ཀྱི་ཞིང་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་རིན་ཆེན་སྦྱིན་པ་དེའི་སངས་རྒྱས་ཀྱི་ཞིང་དང་། ཇི་ལྟར་བཅོམ
248b3 ལྡན་འདས་དེ་བཞིན་གཤེགས་པ་དྲ་བ་ཅན་གྱི་འོད་དེའི་སངས་རྒྱས་ཀྱི་ཞིང་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་ཤེས་རབ་ཀྱི་ཕ་རོལ་ཏུ་ཕྱིན་པར་བྱང་ཆུབ་སེམས་དཔའ་རྣམས་ཀྱི་སངས
248b4 རྒྱས་ཀྱི་ཞིང་ལེགས་པར་བསྟན་པ་དང་། ཇི་ལྟར་བཅོམ་ལྡན་འདས་ཀྱིས་སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བརྒྱན་གྱི་གླེང་གཞིར་སངས་རྒྱས་ཀྱི་ཞིང་རིན་པོ་ཆེ་ཆེན་པོའི་པདྨའི་སྙིང་པོ་བྱུང་བ་མངོན་པར་བསྒྲུབས་པ་དེ་ལྟ་བུའི་སངས་རྒྱས་ཀྱི་ཞིང་དེར
248b5 བྱང་ཆུབ་སེམས་དཔའ་དེ་རྣམས་ཀྱི་མཐུས་རབ་ཏུ་འབྱུང་ཞིང་། དེར་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཅིག་།ཇི་ལྟར་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས
248b6 དང་། བྱང་ཆུབ་སེམས་དཔའ་དེ་རྣམས་ཀྱིས་སྨོན་ལམ་ཆེན་པོ་ཤིན་ཏུ་ཡོངས་སུ་དག་པས་བསྒྲུབས་པ། རང་གི་བསོད་ནམས་ལས་ངེས་པར་སྐྱེས་པ། ཤེས་རབ་ཀྱི་ཕ་རོལ་ཏུ་ཕྱིན་པར་སངས་རྒྱས་ཀྱི་ཞིང་བསྟན་པ་དེ་དག་ཡོངས་སུ་བཟུང་བ་དང་། ཡོངས་སུ་འཛིན་པ
248b7 དང་། ཡོངས་སུ་འཛིན་པར་འགྱུར་བ་དེ་ལྟ་བུ་བདག་གི་སངས་རྒྱས་ཀྱི་ཞིང་གཅིག་ཏུ་འགྱུར་ཞིང་ཆུ་ཞེང་དཔག་ཏུ་མེད་པ་དང་། ཡོན་ཏན་གྱི་རྒྱན་དཔག་ཏུ་མེད་པའི་མིང་དང་། སངས་རྒྱས་ཐམས་ཅད་ཀྱི་ཞིང་ཁྱད་པར་དུ་འཕགས་པ་མངོན་པར་མཐོ་བའི་རྒྱན་བཀོད
iiif viewer powered by OpenSeadragon
