| e-texts navigator |
| Wylie |
247b1 རྒྱས་དང་། ཆོས་དང་། དགེ་འདུན་ཡོངས་སུ་སྤྱོད་པ་དག་ལ་དབུལ་བར་བགྱིའོ། །ནམ་གུམ་ནས་ཀྱང་བྱ་རྒོད་དང་། སྤྱང་ཀི་དང་། ཁྱི་དང་། ཝ་དང་། གཅན་གཟན་དང་། བྱ་རྣམས་ཀྱིས་པགས་པ་དང་། ཤ་དང་། རྒྱུས་པ་དང་། རུས་པ་དང་། རྐང་དང་། ཁྲག་རྣམས
247b2 ཡོངས་སུ་ཟ་བར་གྱུར་ཅིག་། དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་ཅིག་།དེ་ནས་ཁམས་གསུམ་ན་རྡུལ་ཕྲ་མོ་ཇི་སྙེད་པའི་སེམས་ཅན་དེ་སྙེད་སེམས་ཀྱི་སྐད་ཅིག་ལ་རྣམ་པར་ཐར་བར་བགྱིད་པར་གྱུར་ཅིག་།རྣམ་པར
247b3 ཐར་བར་བགྱིས་ནས་ཕྱིར་མི་ལྡོག་པའི་ས་དག་ལ་རབ་ཏུ་འགོད་པར་གྱུར་ཅིག་། དེ་ནས་མཐོང་བས་ཀྱང་སེམས་ཅན་རྣམས་ཡོངས་སུ་སྨིན་པར་བགྱིད་པར་གྱུར་ཅིག་།ཐོས་པ་དང་། དྲན་པས་ཀྱང་སེམས་ཅན་རྣམས་ཡོངས་སུ་སྨིན་པར་བགྱིད་པར་གྱུར་ཅིག་།བྱང་ཆུབ
247b4 སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་ཕྱག་འཚལ་ལོ། །ཏདྱ་ཐཱ། གརྦྷེ་གརྦྷེ། གརྦྷ་བི་ཤོ་དྷ་ནི་སྭཱ་ཧཱ། །ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདའ་བར་བཞེད་པ་གང་ལགས་པ་དེ
247b5 དག་ལ་བདག་གི་བསམ་པ་དང་། ལྷག་པའི་བསམ་པས་རུས་པའི་ཁོང་ནས་དགའ་བ་དང་། རྐང་གི་ཁོང་ནས་དགའ་བས་སེམས་ཐམས་ཅད་དང་། ལུས་ཐམས་ཅད་བཏུད་ནས་སེམས་ཅན་ལ་སྨན་པའི་སླད་དུ་སེམས་ཅན་གྱི་ཁམས་དང་། ལས་ཀྱི་ཁམས་དང་། ཉོན
247b6 མོངས་པའི་ཁམས་དང་། ནམ་མཁའི་ཁམས་ཇི་ཙམ་བདེ་ཙམ་དུ་མྱ་ངན་ལས་མི་འདའ་ཞིང་བཞུགས་པར་གསོལ་བར་འཚལ་ལོ། །དེ་བཞིན་གཤེགས་པ་ཡོན་ཏན་འབྱུང་གནས་ལ་ཕྱག་འཚལ་ལོ། །ཏདྱ་ཐཱ། ག་ག་ན་ཨཱ་ཀ་རེ། ག་ག་ན་སཾ་བྷ་བེ། ག་ག་ན
247b7 ཀཱི་རྟི་ཀ་རེ་སྭཱ་ཧཱ། ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་བྱང་ཆུབ་སེམས་དཔའ་ཚོགས་ཤིན་ཏུ་བསགས་པ་གང་ལགས་པ་རྣམས་དང་། །ཚོགས་ཆུང་ངུ་གང་ལགས་པ་རྣམས་དང་། བྱང་ཆུབ་ཏུ་སེམས་བསྐྱེད་པ་གང་ལགས་པ་རྣམས་དང་། །བྱང་ཆུབ
iiif viewer powered by OpenSeadragon
