| e-texts navigator |
| Wylie |
247a1 དང་བྲལ་བར་མི་འགྱུར་བ་དང་། ལྟ་བ་ངན་པར་ལྟུང་བར་མི་འགྱུར་བ་དང་། ནམས་ཀྱང་ཡུལ་འཁོར་ངན་པ་དང་། སྐྱེ་བོ་ངན་པའི་ནང་དུ་སྐྱེ་བར་མ་གྱུར་ཅིག་།ནམས་ཀྱང་མི་ཁོམ་པར་སྐྱེ་བར་མ་གྱུར་ཅིག་།ནམས་ཀྱང་སངས་རྒྱས་དང་། ཆོས
247a2 དང་། དགེ་འདུན་མཐོང་བ་དང་། ཐོས་པ་དང་། མཆོད་པ་དང་། རིམ་གྲོ་བགྱིད་པ་དང་བྲལ་བར་མ་གྱུར་ཅིག་།ནམས་ཀྱང་ཚུལ་ཁྲིམས་འཆལ་བར་མི་འགྱུར་བ་ནས་རྨི་ལམ་དུ་ཡང་ཉན་ཐོས་དང་། རང་བྱང་ཆུབ་འདོད་པའི་ཕྱིར་ནམས་ཀྱང་བྱང་ཆུབ་ཀྱི་སེམས་དང
247a3 བྲལ་བར་མ་གྱུར་ཅིག་། ནམས་ཀྱང་སེམས་ཅན་ཡོངས་སུ་སྨིན་པར་བགྱིད་པ་དང་བྲལ་བར་མ་གྱུར་ཅིག་།ནམས་ཀྱང་དགེ་བའི་བཤེས་གཉེན་དང་བྲལ་བར་མ་གྱུར་ཅིག་།ནམས་ཀྱང་སྐད་ཅིག་ཏུ་ཡང་ཐབས་དང་ཤེས་རབ་དང་བྲལ་བར་མ་གྱུར་ཅིག་།ནམས་ཀྱང
247a4 རིགས་དམན་པ་དང་བརྩོན་འགྲུས་ཞན་པ་དང་། ལེ་ལོ་ཅན་དུ་མ་གྱུར་ཅིག་།བདག་ཚེ་རབས་ནས་ཚེ་རབས་སུ་སངས་རྒྱས་ཀྱི་ཆོས་རྣམས་ལ་བརྩོན་འགྲུས་སྦྱངས་པ་སྐྱེ་བར་གྱུར་ཅིག་།སེམས་ཅན་ལ་སྨན་པའི་སླད་དུ་བདག་རྫུས་ཏེ་སྐྱེ་བར་གྱུར་ཅིག་།ཇི་ལྟར་སངས
247a5 རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་དེ་དག་འཁྲུངས་པ་དེ་ལྟར་བདག་སངས་རྒྱས་ཀྱི་རིགས་སུ་སྐྱེ་བར་གྱུར་ཅིག་།དེ་ནས་བསྟན་བཅོས་ཐམས་ཅད་དང་། བཟོ་ཐམས་ཅད་དང་། ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་དང་།
247a6 བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་མངོན་དུ་གྱུར་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་དྲི་མ་མེད་པར་གྲགས་པ་ལ་ཕྱག་འཚལ་ལོ། །ཏ་དྱ་ཐཱ། ཀིརྟི་ཏེ། སརྦ་ཛི་ནེ་བྷིཿ། ཨ་ཏི་ཀིརྟི་ཏ། སརྦ་ཛི་ནེ་བྷིཿ། བཛྲ་ཨཱ་ཀ་རེ། བཛྲ་སཾ་བྷ་བེ།
247a7 བཛྲ་བྷེ་ད་ཀ་རེ་སྭཱ་ཧཱ། ས་དང་། ཆུ་དང་། མེ་དང་། རླུང་དང་། ནམ་མཁས་ཉེ་བར་འཚོ་བ་ལྟར་དགེ་བ་བཅུའི་ལས་ཀྱི་ལམ་འདི་དག་གིས་ཡང་དག་པར་བསྒྲུབས་པའི་ཕུང་པོ་ལྔ་པོ་གང་ལགས་པ་དེ་དག་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་བགྱིས་ནས། སངས
iiif viewer powered by OpenSeadragon
