| e-texts navigator |
| Wylie |
243b1 འདས་པའི་སྐུའི་མཆོད་རྟེན་དང་། གཞལ་མེད་ཁང་དང་། དྲི་གཙང་ཁང་དང་། ཆོས་ཉིད་གང་ལགས་པ་དེ་དང་། ཆོས་ཉིད་གང་ལགས་པ་དེས་བྱང་ཆུབ་སེམས་དཔའ་དེ་དག་རབ་ཏུ་འབྱེད་པའི་ཆོས་ཉིད་དེ་དང་། དེ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་རབ་ཏུ་བསྒོམས
243b2 པའི་སྐུ་གདུང་གང་ལགས་པ་དེ་དག་ལ་བདག་གི་བསམ་པ་དང་། །ལྷག་པའི་བསམ་པས་སེམས་ཐམས་ཅད་དང་། ལུས་ཐམས་ཅད་ཀྱང་བཏུད་ནས་ཕྱག་འཚལ་ལོ། །གང་དག་གང་དག་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་འཕགས་པ་རྒྱུན་དུ་བཞུགས་པ་རྣམས
243b3 དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་། དེ་དག་ལ་འཇུག་པ་གང་ལགས་པ་དང་། དེ་དག་ཡོངས་སུ་མྱ་ངན་ལས་འདས་པའི་སྐུ་གདུང་གི་མཆོད་རྟེན་དང་། གཞལ་མེད་ཁང་དང་། དྲི་གཙང་ཁང་དང་། ཆོས་ཉིད
243b4 གང་ལགས་པ་དེ་དང་། ཆོས་ཉིད་གང་ལགས་པ་དེས་འཕགས་པ་རྒྱུན་དུ་བཞུགས་པ་རྣམས་དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་། དེ་དག་ལ་འཇུག་པ་གང་ལགས་པ་དང་དེ་དག་གི་རབ་ཏུ་འབྱེད་པའི་ཆོས་ཉིད
243b5 གང་ལགས་པ་དེ་དང་། དེ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་བསྒོམས་པའི་སྐུ་གདུང་གང་ལགས་པ་དེ་དག་ལ་བདག་གི་བསམ་པ་དང་། ལྷག་པའི་བསམ་པས་སེམས་ཐམས་ཅད་དང་། ལུས་ཐམས་ཅད་བཏུད་ནས་ཕྱག་འཚལ་ལོ། །གང་དག་འདས་པའི་འཕགས
243b6 པ་ཉན་ཐོས་རྣམས་དང་། དེ་དག་ཡོངས་སུ་མྱ་ངན་ལས་འདས་པའི་སྐུའི་མཆོད་རྟེན་དང་། གཞལ་མེད་ཁང་དང་། དྲི་གཙང་ཁང་དང་། ཆོས་ཉིད་གང་ལགས་པ་དེ་དང་། ཆོས་ཉིད་གང་ལགས་པ་དེས་འཕགས་པ་ཉན་ཐོས་དེ་དག་རབ་ཏུ་འབྱེད་པའི་ཆོས་ཉིད་དེ་དང་། དེ་ཡང
243b7 ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་བསྒོམས་པའི་སྐུ་གདུང་གང་ལགས་པ་དེ་དག་ལ་བདག་གི་བསམ་པ་དང་། ལྷག་པའི་བསམ་པས་སེམས་ཐམས་ཅད་དང་། ལུས་ཐམས་ཅད་བཏུད་ནས་ཕྱག་འཚལ་ལོ། །གང་དག་མ་འོངས་པའི་འཕགས་པ་ཉན་ཐོས་རྣམས་དང་།
iiif viewer powered by OpenSeadragon
