| e-texts navigator |
| Wylie |
23b1 བ་ཨཱཏྨ་ཀོུ྅་ཧཾ། སྐུ་གསུང་ཐུགས་ཀྱི་རྡོ་རྗེ་ཡིས། །རྣམ་པར་སྤྲས་པའི་མཚན་མ་ལ། །མཚན་མ་མེད་པ་རྣམས་གནས་པ། །ཤེས་ནས་མཚན་ཉིད་རྣམ་པར་དག་།ོཾ་སརྦ་ཏ་ཐཱ་ག་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོུ྅་ཧཾ། གང་ཞིག་དབང་པོས་ཡུལ་མཚོན་པ། །མཚོན་བ
23b2 ཡ་མཚན་ཉིད་རྣམ་ཤེས་དང་། །ཡེ་ཤེས་ཉིད་ནི་མངོན་སུམ་དུ། །སྐྱེ་བ་ཉིད་ལ་ཐེ་ཙོམ་མེད། །དེ་ནས་རྒྱ་ཆེན་སྦྱོར་བའི་གཙོ། །འཁོར་ལོའི་ཆོ་ག་བཤད་པར་བྱ། །གྲོ་ག་རས་སམ་ཤིང་ཤུན་ལ། །གུར་གུམ་གི་ཝ་ཙནྡན་བཅས། །པུ་ཀ་སེར་པོས་འཁོར་ལོ་ནི། །
23b3 རྩིབས་བཅུ་པདྨའི་སྟེང་དུ་བྲི། །མཐའ་ནས་མེ་ཡི་ཕྲེང་བས་བསྐོར། །པདྨའི་འདབ་མ་བཅུ་ལ་ནི། །ཕྱོགས་བཅུ་ཀུན་དུ་བཅིང་བ་ཡི། །རྡོ་རྗེ་ལ་སོགས་བཅུ་པོ་བྲི། །དེ་ཡི་རྒྱབ་ཏུ་ཕྱོགས་བཅུ་རྣམས། །བཅིང་བའི་སྔགས་ནི་རིམ་བཞིན་བྲི། །འཁོར་ལོའི་རྩིབས་རྣམས་བཅུ་པོ་ལ། །
23b4 ཧཱུ~ཾ་གཉིས་བར་དུ་བསྒྲུབ་བྱའི་མིང་། །བསྲུང་བ་དང་བཅས་བྲི་བར་བྱ། །ཕྱོགས་བཞིར་སྔགས་དང་ཕྱག་རྒྱ་དང་། །འཁྲུལ་འཁོར་གཅོད་དང་འཆིང་བ་དང་། །འགུགས་པའི་སྔགས་སུ་བཅས་པ་བྲི། །གཞན་ཡང་མཚམས་རྣམས་དྲུག་པོར་ནི། །ལྷ་དང་ཀླུ་དང་ལྷ་མིན་གྱི། །གནོད
23b5 སྦྱིན་གྲུལ་བུམ་ལ་སོགས་པ། །བཅིང་བ་དྲུག་པོ་བྲི་བར་བྱ། །ལྟེ་བར་བསྒྲུབ་བྱའི་གཟུགས་བརྙན་ནི། །སྐྱིལ་ཀྲུང་ཐུགས་ཀར་ཐལ་མོ་སྦྱར། །མཛེས་པའི་གོས་ལྡན་བྲི་བར་བྱ། །དེ་རྗེས་གསང་སྔགས་ཕྲེང་བ་ཉིད། །སྟོང་ཕྲག་གཅིག་ཏུ་བརྗོད་བྱས་ནས། །དེ་རྗེས་བསྟོད
23b6 པས་བསྟོད་བྱས་ཏེ། །གསེར་སོགས་དྲིལ་ནས་ལུས་སམ་མགུལ། །གང་བདེའི་གནས་སུ་གདགས་པར་བྱ། །དེས་ནི་རྣལ་འབྱོར་བསྲུང་དོན་དུ། །ཇི་ལྟར་བསམ་པ་ཀུན་འགྲུབ་སྟེ། །འཇིགས་པ་བརྒྱད་པོ་མེད་པར་བྱེད། །དེ་ནས་གཞན་ཡང་རྒྱལ་པོའི་རས། །གསེར
23b7 ལ་ཙནྡན་ག་བུར་དང་། །དྲི་ཞིམ་རྣམས་ཀྱིས་བྱས་ནས་ནི། །རྒྱུ་སྐར་རྒྱལ་གྱི་ཉི་མ་ལ། །གུར་གུམ་གྱིས་ནི་འཁོར་ལོ་བྲི། །དབུས་སུ་པདྨ་འདབ་བརྒྱད་པའི། །ཕྱི་རོལ་མུ་ཁྱུད་གསུམ་ལྡན་པའི། །པདྨའི་ལྟེ་བར་བསྒྲུབ་བྱའི་གཟུགས། །ཡན་ལག་རྡོ་རྗེས་མཚན་པ་བྲི། །དེ་ལ
iiif viewer powered by OpenSeadragon
