| e-texts navigator |
| Wylie |
23a1 གཉིས་མ། །ཕྱག་གཡས་རྡོ་རྗེ་གཡོན་ལྕགས་སྒྲོག་།གཅེར་བུ་རུས་པའི་རྒྱན་ལྡན་པ། །བསད་པའི་ལས་རྣམས་ཐམས་ཅད་ནི། །རྡོ་རྗེ་རྣལ་འབྱོར་མ་འདིས་བསྒྲུབ། །དེ་ནས་བཅོམ་ལྡན་རྡོ་རྗེ་ཅན། །ཆོས་རྣམས་ཐམས་ཅད་འབྱུང་བྱེད་ཅིང་། །དངོས
23a2 གྲུབ་མྱུར་དུ་སྐྱེད་པ་ཡི། །ཕྱག་རྒྱ་འབྱུང་ཞེས་བྱ་བ་ཡི། །ཏིང་ངེ་འཛིན་ལ་སྙོམས་ཞུགས་ནས། །ཡན་ལག་ཕྱག་རྒྱ་བཀའ་སྩལ་པ། །ལག་གཉིས་ཐལ་མོ་སྦྱར་བྱས་ཤིང་། །སླར་ལ་ཁུ་ཚུར་བཅང་བྱས་ཏེ། །རྒྱབ་གཉིས་སྤྲད་ནས་མཛུབ་མོ་དང་། །མཐེའུ་ཆུང་ལྕགས
23a3 སྒྲོག་བཅིང་བྱས་ཏེ། །ཁ་ཡི་ཐད་ཀར་བཞག་ནས་ནི། །རིག་པའི་ཕྲེང་བ་བརྗོད་པ་ཡིས། །འདོད་པ་ཐམས་ཅད་འགྲུབ་པར་བྱེད། །ཕྱག་རྒྱ་བཅིངས་ནས་གསང་སྔགས་ནི། །རྗེས་སུ་དྲན་པར་བྱས་ཙམ་གྱིས། །ལམ་དུ་འགྲོ་ཡང་བདེ་བར་ཐར། །གཞན་གྱི་རིག་སྔགས
23a4 གཅོད་པར་བྱེད། །འཕགས་མ་རྡོ་རྗེ་ལུ་གུ་རྒྱུད་མའི་རྒྱུད་ཀྱི་རིག་སྔགས་ལས་ལྷ་དང་ཕྱག་རྒྱ་གཏན་ལ་དབབ་པའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །རྫས་ཀྱི་སྦྱོར་བ་བླ་ན་མེད། །མཚུངས་པའི་ཚོགས་ཀུན་འགྲུབ་བྱེད་པ། །རྡོ་རྗེ་མཁའ་འགྲོ་མ
23a5 ཡིས་ཉོན། །ོཾ་སརྦ་ཏ་ཐཱ་ག་ཏ་ཨ་བྷི་ཥིཉྩ་ཏུ་མཾ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུ~ཾ། དབང་བསྐུར་བ་ནི་བླ་ན་མེད། །དྲི་མའི་ཚོགས་རྣམས་དག་བྱེད་ཅིང་། །ཇི་སྲིད་ཡེ་ཤེས་ཚོགས་རྒྱས་ནས། །རིག་པའི་རྒྱལ་པོ་ཐོབ་པར་བྱེད། །ཛཿཧཱུ~ཾ་བ~ཾ་ཧོཿ།
23a6 ཨོཾ་བཛྲ་བུཥྦེ་ཨཱཿཧཱུ~ཾ་སྭཱ་ཧཱ། དྷཱུ་པེ་དཱི་པེ་གན་དྷེ། ནཻ་ཝི་དྱེ་ཨཱཿཧཱུ~ཾ་སྭཱ་ཧཱ། ཨོཾ་ཀྵཱི་ཧྲཱིཿས་ཀ་ལ། གྷ་ན་བི་ན་བ་རེ། ཤྱ་ཪྻ་ས་པ་རི་ཝཱ་ར་ཨ་ཨ་ཨ། ཨ་བྷི་ཏི་རནྟི། ཨ་བྷི་ཏ་ར་ནྟེ། ཨ་བྷི་ཏ་རན་ཏུ། ས་ཐ་ད་ཤ་དི་ཀ་།ལོ་ཀ་པཱ་ལ། ལོ་ཀ་པཱ་ལི། ཨེ་མ~ཾ་པ་ལི་གྲི་ཧྣཾ
23a7 ཏུ། ཁཱ་ད་ན་ཏུ་པི་བནྟུ་ཧཱུ~ཾ་ཕཊ། ཁ་ཁ་ཁཱ་ཧི་ཁཱ་ཧི། ལླཻ་ལླཻ་བཛྲ་དྷ་ར་ཡ། ཨཱ་ཛྙཱ་བ་ཡ་ཏི་སྭཱ་ཧཱ། ཡེ་ཤེས་སེམས་དཔའི་སྦྱོར་བ་ཡིས། །ཐ་དད་རྟོག་པ་སྤོང་བར་བྱེད། །མཆོད་པ་དང་ནི་གཏོར་མ་ཡིས། །བར་དུ་གཅོད་པ་ཀུན་སེལ་བྱེད། །ོཾ་ཀཱ་ཡ་བཛྲ་སྭ་བྷཱ
iiif viewer powered by OpenSeadragon
