| e-texts navigator |
| Wylie |
234a1 གྱི་བསུང་ལ་ཕྱག་འཚལ་ལོ། །ཏདྱ་ཐཱ། ཙི་ར་ཏེ། མ་རཱི་ཙི་ཀེ། དུརྡ་མེ། ངུར་ཨ་ནུ་པྲ་བིཥྚེ། ཙནྡྲ་ནཱ་གནྡྷེ། བི་ཤུདྡྷ་ཤཱི་ཡེ། ཙ་རི་ཏྲ་བ་ཏི། སརྦྦ་ཏ་ཐཱ་ག་ཏ་ཨ་དྷིཥྵིཏེ་སྭཱཧཱ། ཕྱོགས་བཅུའི་འཇིག་རྟེན་གྱི་ཁམས་སུ་འདུས་པ་ཡང་དག་པར་རྫོགས་པའི
234a2 སངས་རྒྱས་དང་། བྱང་ཆུབ་སེམས་དཔའ་དེ་དག་བདག་ལ་དགོངས་སུ་གསོལ། གང་བདག་མི་ཤེས་པའི་རབ་རིབ་ཀྱིས་ཁེབས་ཏེ་མུན་པར་གྱུར་ནས། ཚེ་འདི་འམ། སྐྱེ་བ་གཞན་ནས་སྐྱེ་བ་ཐོག་མ་དང་ཐ་མ་མ་མཆིས་པའི་འཁོར་བ་ན་འཁོར་བའི་བར་དུ་སངས་རྒྱས་དང་། ཆོས
234a3 དང་། དགེ་འདུན་དང་། ཕ་མ་དང་། བླ་མ་དང་། ཡོན་གནས་དང་། མཁན་པོ་དང་། སློབ་དཔོན་དང་། ཚངས་པ་མཚུངས་པར་སྤྱོད་པ་རྣམས་ལུས་དང་། ངག་དང་། ཡིད་ཀྱིས་ཉེས་པར་སྤྱད་པ་བགྱིས་པ་དང་། བགྱིད་དུ་སྩལ་བ་དང་། བགྱིད་པ་ལ་རྗེས་སུ་ཡི་རང་བར་གྱུར་པ
234a4 དང་། སངས་རྒྱས་ཀྱིའམ། ཆོས་ཀྱིའམ། དགེ་འདུན་གྱིའམ། ཕྱོགས་བཞིའི་དགེ་འདུན་གྱི་འདུ་བའི་སྒོ་ཆེན་པོ་ཕྲོགས་པ་དང་། འཕྲོག་ཏུ་སྩལ་བ་དང་། འཕྲོག་པ་ལ་རྗེས་སུ་ཡི་རང་བར་གྱུར་པ་དང་། སོ་སོར་ཐར་པའི་སྡོམ་པའམ། བྱང་ཆུབ་སེམས་དཔའི་ཚུལ་ཁྲིམས
234a5 ཀྱི་སྡོམ་པ་ལས་ལྟུང་བ་ཆུང་ངུ་དང་། འབྲིང་དང་། ཆེན་པོ་བྱུང་བར་གྱུར་བ་བཤགས་པ་དང་། བཤགས་པར་འོས་པ་དེ་དག་ཕྱོགས་བཅུའི་འཇིག་རྟེན་གྱི་ཁམས་སུ་འདུས་པ། ས་ཆེན་པོར་ཆུད་པ་ཡེ་ཤེས་ཆེན་པོ་བརྙེས་པ། ཐུགས་རྗེ་དང་ལྡན་པ། བྱམས་པ་དང་ལྡན་པ་ཕན་པར
234a6 བཞེད་པ། ཐུགས་བརྩེ་བ་ཅན། ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་སོགས་པ་དང་། དེ་བཞིན་དུ་རྣམ་པར་སྣང་མཛད་དང་། རྗེ་མཛད་དང་། དངོས་ཉིད་ཆོས་མཆོག་དང་། ངེས་པར་དྲི་མེད་འབྱུང་གནས་དང་། རིན་ཆེན་སྒྲོན་མ་འོད་ཟེར་དང་། ཟླ་བས་བརྒྱན
234a7 པ་དང་། གློག་གི་གཟི་བརྗིད་དང་། དབྱངས་ཀྱི་དབང་ཕྱུག་རྒྱལ་པོ་དང་། མེ་ཏོག་ཀུན་དུ་རྒྱས་པ་སཱ་ལའི་རྒྱལ་པོ་དང་། མེ་ཏོག་སྐར་འོད་དང་། མངོན་པར་མཁྱེན་པས་རྣམ་པར་རོལ་བ་དང་། ཟླ་དཀྱིལ་རྣམ་དག་དང་། ཤིན་ཏུ་རབ་ཞི་མཁས་པ་དང་། ཟླ་དབྱངས་དབང
iiif viewer powered by OpenSeadragon
