| e-texts navigator |
| Wylie |
22b1 བྱེད། །གཡོན་གྱི་དང་པོས་སྡིགས་མཛུབ་སྟེ། །གཉིས་པ་སྦྲུལ་གྱི་ཞགས་པའོ། །གསུམ་པས་གཞུ་སྟེ་འགེངས་པའི་ཚུལ། །རྡོ་རྗེ་ལུ་གུ་རྒྱུད་མ་ཡི། །བསམ་གཏན་ཏིང་འཛིན་ལ་གནས་ན། །ཡོན་ཏན་ཀུན་གྱི་བདག་ཉིད་ཀྱི། །སྔགས་ཀྱི་རྩ་བར་འགྱུར་བའོ། །
22b2 སྔགས་ཀྱི་བདག་ཉིད་ཡོངས་བསྐྱེད་ཅིང་། །ལྷ་ཡི་རང་བཞིན་བསྒྲུབ་པ་ཡི། །རིན་ཆེན་གཟུངས་ཀྱི་ཕྲེང་བས་ནི། །ཆོས་རྣམས་མཐའ་དག་ཐོབ་འགྱུར་ཏེ། །རལ་གྲི་མིག་སྨན་རིལ་བུ་དང་། །རྐང་པ་བྱུག་དང་གཏེར་ཆེན་དང་། །ས་འོག་འགྲོ་དང་བཅུད་ལེན
22b3 དང་། །ནམ་མཁར་འགྲོ་དང་གསེར་འགྱུར་དང་། །དེ་བཞིན་ས་གཞན་འགྲོ་བ་དང་། །ཞི་དང་རྒྱས་དང་དབང་མངོན་སྤྱོད། །རྨོངས་དང་རེངས་དང་བསྐྲད་པ་དང་། །དབྱེ་དང་དགུག་དང་རིག་སྔགས་འཆིང་། །བསྲུང་དང་ཕྱིར་བཟློག་ཆེན་པོ་དང་། །ཞ་དང་ལྐུགས
22b4 དང་སེམས་བརྒྱལ་དང་། །ལོང་དང་སྣ་ཚོགས་ནད་སྐྱེད་པའི། །སྦྱོར་བ་རྒྱ་ཆེན་འགྲུབ་པ་དང་། །མངོན་ཤེས་དྲུག་པོ་ཡོངས་སྐྱེ་ཞིང་། །སྐུ་གསུང་ཐུགས་ཀྱི་རྡོ་རྗེ་ཡི། །ཕྱག་རྒྱ་ཆེན་པོ་ཐོབ་འགྱུར་ན། །ལྟས་མཐོང་ཙམ་ལ་སོགས་པ་ཡི། །དངོས་གྲུབ་ཕྲ་མོ་སྨོས་ཅི
22b5 དགོས། །སྔགས་ཀྱི་སྦྱོར་བ་བསྐྱེད་པའི་ལྷ། །དམིགས་པའི་རྩ་བར་གྱུར་པ་ཡི། །ཧཱུ~ཾ་ལས་སྐྱེས་པའི་ལྷ་མོ་ནི། །སྔོན་མོ་ཞལ་གསུམ་ཕྱག་དྲུག་མ། །གཡས་པ་སེར་ཞིང་གཡོན་པ་དམར། །སྤྱན་གསུམ་སྡང་མིག་ཁྲོ་གཉེར་ཅན། །དམར་སེར་གྱེན་སྐྲ་ཐོད་པས
22b6 བརྒྱན། །རུས་པའི་རྒྱན་གྱིས་སྤྲས་ཤིང་འགྱིང་། །ཐོད་པའི་ཕྲེང་ཅན་ཀླུ་ཡིས་བརྒྱན། །ཞབས་གཉིས་བརྐྱང་བསྐུམ་རོ་ལ་བརྫིས། །ཕྱག་དྲུག་གཡས་ཀྱི་དང་པོ་ན། །རྡོ་རྗེ་གཉིས་པས་གྲི་གུག་སྟེ། །གསུམ་པ་སྦྲུལ་གྱི་ཞགས་པ་འཛིན། །གཡོན་གྱི་དང་པོ
22b7 སྡིགས་མཛུབ་སྟེ། །གཉིས་པས་ཐོད་པ་གསུམ་པ་ན། སྦྲུལ་གྱི་ཞགས་པ་དཀར་པོའོ། །ཡང་ན་ཞལ་ཀུན་སྔོ་བསངས་ཉིད། །འདིས་ནི་འཆིང་དང་དབང་གི་ལས། །མཐའ་དག་རྫོགས་པར་བྱེད་པའོ། །སྲིད་པར་བྲམ་ཟ་སྐྱེས་ལྷ་མོ། །སྔོན་མོ་ཞལ་གཅིག་ཕྱག
iiif viewer powered by OpenSeadragon
