| e-texts navigator |
| Wylie |
228b1 སྤྲིན་རྣམས་དང་། རིན་པོ་ཆེའི་བ་དན་གྱི་སྤྲིན་རྣམས་དང་། རིན་པོ་ཆེའི་གོས་ཀྱི་སྤྲིན་རྣམས་དང་། རིན་པོ་ཆེའི་ལྗོན་ཤིང་གི་སྤྲིན་རྣམས་དང་། རིན་པོ་ཆེས་བཀང་བའི་སྣོད་ཀྱི་སྤྲིན་རྣམས་དང་། རིན་པོ་ཆེ་ནོར་བུ་ཆེན་པོ་སྤུངས་པའི་སྤྲིན་རྣམས་དང་། རིན་པོ་ཆེ་རྣམ
228b2 པ་སྣ་ཚོགས་ཀྱི་སྤྲིན་རྣམས་དང་། མར་མེའི་སྣོད་སྟོང་གི་འཇིག་རྟེན་གྱི་ཁམས་ཀྱི་ཚད་ཙམ་ལ་དྲི་ཞིམ་པོའི་འབྲུ་མར་གྱིས་ཡོངས་སུ་བཀང་ཞིང་སྙིང་པོའི་རས་རི་རབ་བརྒྱའི་ཚད་ཙམ་རབ་ཏུ་འབར་བ་རྣམས་སངས་རྒྱས་བཅོམ་ལྡན་འདས་ཐམས་ཅད་དང་། བྱང་ཆུབ་སེམས་དཔའ་ཐམས
228b3 ཅད་ལ་འབུལ་ལོ། །དེ་དག་ཐམས་ཅད་ལ་གསོལ་བ་ནི་བྱང་ཆུབ་ཀྱི་སྙིང་པོར་གཤེགས་པ་དང་། བདུད་འདུལ་བ་དང་། མངོན་པར་བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་འདའ་བར་བཞེད་པ་དེ་དག་རྣམས་ལ་སེམས་ཅན་རྣམས་ཀྱི
228b4 དོན་དུ་བསྐལ་པ་མང་པོར་བཞུགས་པར་གསོལ་ལོ། །ཅི་ལྟར་དེ་བཞིན་གཤེགས་པ་རྣམས་ཀྱིས་མི་དམིགས་པར་བཞུགས་ཏེ་བསྔོས་པ་ལྟར་བདག་གིས་བསོད་ནམས་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །དེ་བཞིན་གཤེགས་པ་ཐམས
228b5 ཅད་དང་། བྱང་ཆུབ་སེམས་དཔའ་ཐམས་ཅད་དང་། སེམས་ཅན་ཐམས་ཅད་ཀྱི་བསོད་ནམས་ལ་རྗེས་སུ་ཡི་རང་ངོ་། །སྡིག་པ་ཐམས་ཅད་ཀྱང་སོ་སོར་བཤགས་སོ། །ོ~ཾ་སྨ་ར་སྨ་ར། བི་མཱ་ན་སྐ་ར་མ་ཧཱ་ཛ་བ་ཧཱུ~ཾ། དེའི་འོག་ཏུ་ཅི་ལྟར་འདོད་པ་བཞིན་ལྷ་རྫས་ཀྱི་མཆོད་པ་ཆེན
228b6 པོའི་སྤྲིན་རྣམས་དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་འབྱུང་བར་འགྱུར་རོ། །རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་སངས་རྒྱས་དམིགས་པ་ཡིད་ལ་བྱེད་པས་ཡོངས་སུ་བསྔོ་བ་ཆེན་པོའི་འཁོར་ལོ་འདི་ཉིན་པར་རམ། མཚན་མོ་འདོན་ན། དེའི་སྡིག་པ་རྣམས་ཡོངས་སུ་ཟད་པར
228b7 འགྱུར་ཞིང་ཉོན་མོངས་པ་ཐམས་ཅད་ཀྱང་བསྲབས་པར་འགྱུར་རོ། །གོང་དུ་སྨོས་པའི་ཡོན་ཏན་རྣམས་ཀྱང་འཐོབ་པར་འགྱུར་རོ། །ལན་ཅིག་བཟླས་བརྗོད་པར་བྱས་ན་ཚངས་པ་བརྒྱའི་བསོད་ནམས་འཐོབ་པར་འགྱུར་རོ། །རྨི་ལམ་ན་ཡང་རྟག་ཏུ་དེ་བཞིན་གཤེགས་པ་རྣམས་ཆོས་སྟོན་པ་མཐོང
iiif viewer powered by OpenSeadragon
