| e-texts navigator |
| Wylie |
227a1 རྣམས་མ་ཐོབ་པ། མི་འཇིགས་པ་དང་མི་ལྡན་ཞིང་མི་གནས་པ། མི་བརྗེད་པའི་ཆོས་ཀྱི་རྗེས་སུ་འགྲོ་བའི་སྐབས་དང་མི་ལྡན་པ། ཡོན་ཏན་གྱིས་སྟོང་པ། བྱང་ཆུབ་ཀྱི་ཡན་ལག་བདུན་གྱི་གོས་ཀྱིས་མ་གཡོགས་པ། འཕགས་པའི་ལམ་ཡན་ལག་བརྒྱད
227a2 ཀྱིས་བགྲོད་པ་དང་བྲལ་བ། སྡུག་བསྔལ་བརྒྱ་སྟོང་ཕྲག་དུ་མས་མངོན་པར་གཙེས་པ། རྟག་ཏུ་གདུངས་པ། རྟག་ཏུ་དམན་པ། རྟག་ཏུ་རྨོངས་པ། རྟག་ཏུ་མཉམ་པར་མ་བཞག་པ། རྟག་ཏུ་ཉོན་མོངས་པའི་རྗེས་སུ་ཞུགས་པ་ལགས་ན། ཐུགས་རྗེ་ཆེན་པོས
227a3 དགོངས་ཏེ་བདག་གི་སྐྱབས་མཛད་དུ་གསོལ། བདག་གི་དཔུང་གཉེན་མཛད་དུ་གསོལ། བདག་གི་བྱང་ཆུབ་ཆེན་པོའི་ལམ་དང་། བྱང་ཆུབ་ཀྱི་ལམ་དང་། བྱང་ཆུབ་ཀྱི་ཚོགས་ཡོངས་སུ་རྫོགས་པར་མཛད་དུ་གསོལ། དེ་བཞིན་གཤེགས་པའི་སྟོབས་བཅུ་དང་།
227a4 མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་བརྒྱད་དང་། སོ་སོ་ཡང་དག་པར་རིག་པ་བཞི་དང་། ཏིང་ངེ་འཛིན་དང་། རྣམ་པར་གྲོལ་བ་དང་། གཟུངས་རྣམས་སྐྱབས་མཛད་དུ་གསོལ། བདག་གི་ཕུན་སུམ་ཚོགས་པ་ཐམས་ཅད་ཡོངས་སུ་རྫོགས
227a5 པར་མཛད་དུ་གསོལ། ཡོན་ཏན་ཐམས་ཅད་ཡོངས་སུ་རྫོགས་པར་མཛད་དུ་གསོལ། སངས་རྒྱས་བཅོམ་ལྡན་འདས་དང་། མཐུ་ཆེན་པོ་བརྙེས་པའི་བྱང་ཆུབ་སེམས་དཔའ་རྣམས་བདག་ལ་དགོངས་སུ་གསོལ། བདག་གིས་སངས་རྒྱས་དང་། བྱང་ཆུབ་སེམས་དཔའ
227a6 ཐམས་ཅད་ལ་མཆོད་པ་དང་། བཀུར་སྟི་ཆེན་པོ་བགྱིས་ནས་བདག་འབུལ་ལོ། །ཕྱོགས་བཅུའི་འཇིག་རྟེན་གྱི་ཁམས་ན་བཀོད་པ་ཆེན་པོ་རྣམས་ཀུན་དུ་གནས་པའི་རིན་པོ་ཆེ་སྣ་ཚོགས་ཀྱི་རིན་པོ་ཆེའི་གཞལ་མེད་ཁང་རྣམས་དང་། རིན་པོ་ཆེའི་ཤིང་ལྗོན་པ་རྣམས་དང་། རིན
227a7 པོ་ཆེའི་རི་རྣམས་དང་། རིན་པོ་ཆེའི་གདན་རྣམས་དང་། རིན་པོ་ཆེའི་ལན་ཀན་རྣམས་དང་། རིན་པོ་ཆེའི་ཕྲེང་བ་རྣམས་དང་། རིན་པོ་ཆེའི་གདུགས་རྣམས་དང་། རིན་པོ་ཆེའི་རྒྱལ་མཚན་རྣམས་དང་། རིན་པོ་ཆེའི་ཆུན་པོ་རྣམས་དང་། །རིན་པོ་ཆེའི་མུ་ཏིག་གི་དྲ་བ
iiif viewer powered by OpenSeadragon
