| e-texts navigator |
| Wylie |
226b1 འགྲུས་དང་། བརྩོན་པའི་བདག་ཉིད་དང་། ཞི་བ་དང་། དུལ་བ་དང་། ཉེ་བར་ཞི་བའི་གནས་དང་། མངོན་པར་ཤེས་པ་དང་། ཕ་རོལ་ཏུ་ཕྱིན་པ་རྣམས་ཡོངས་སུ་རྫོགས་པར་མཛད་དུ་གསོལ། དེའི་འོག་ཏུ་ཡང་འདི་སྐད་ཅེས་བརྗོད་པར་བྱ་སྟེ། ཐུགས་རྗེ་ཆེན་པོ་དང་ལྡན
226b2 པ་དག་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ། འཁོར་བར་ལྷུང་བ། འཆིང་བས་བཅིངས་པ། བཙོན་རར་ཆུད་པ། ཆོས་ཀྱི་ལམ་སྟོར་བ། ཉོན་མོངས་པའི་དགྲ་བོ་བདོ་བས་མངོན་པར་གཙེས་པ། མགོན་མ་མཆིས་པ། སྐྱབས་མ་མཆིས་པ། སྐྱོབ
226b3 པ་མ་མཆིས་པ། གནས་མ་མཆིས་པ། དཔུང་གཉེན་མ་མཆིས་པ། སྟོན་པ་མ་མཆིས་པ། ལམ་གོལ་བར་ཞུགས་པ། འཁོར་བ་ལ་མངོན་དུ་ཕྱོགས་པ། མྱ་ངན་ལས་འདས་པ་ལ་རྒྱབ་ཀྱིས་བལྟས་པ། ངན་སོང་ལ་གཞོལ་བ། ངན་སོ་པས་འབབ
226b4 པ། ངན་སོང་ལ་བབ་པ། མི་དགེ་བའི་བཤེས་གཉེན་དང་འགྲོགས་པར་ལྷུང་བ། དགེ་བའི་བཤེས་གཉེན་དང་བྲལ་བ། སྨན་པ་ལ་མི་སྨན་པ་དང་། མཐུན་པ་ལ་མི་མཐུན་པ་དང་། དགེ་བ་ལ་མི་དགེ་བར་བཟུང་བ། སློབ་དཔོན་མ་མཆིས་པ། དེ་བཞིན་གཤེགས་པ་དང་། བྱང་ཆུབ་སེམས
226b5 དཔའ་ལྟ་བ་ལ་རྒྱབ་ཀྱིས་ཕྱོགས་པ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་གྱིས་འཚེ་བས་གཙེས་པ། བདེ་བ་མ་ཐོབ་པ། མི་སྐྲག་པ་མ་ཐོབ་པ། མི་འཇིགས་པ་མ་ཐོབ་པ། རྟག་ཏུ་མཉམ་པར་མ་བཞག་པ། ཞི་བ་དང་། དུལ་བ་དང་། སྦྱིན
226b6 པ་དང་། ངེས་པ་དང་། ཡང་དག་པར་སྡོམ་པ་དང་། བག་ཡོད་པ་དང་བྲལ་བ། ཏིང་ངེ་འཛིན་དང་། གཟུངས་དང་། ས་དང་། བཟོད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་རྣམས་ལ་གནས་པ་དང་བྲལ་བ། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས
226b7 ལ་གནས་པ་དང་བྲལ་བ། བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་རྣམ་གསུམ་ལ་རྒྱབ་ཀྱིས་ཕྱོགས་པ། སྒྲིབ་པ་མེད་པའི་ཡེ་ཤེས་ཆེན་པོ་དང་བྲལ་བ། ཤིན་ཏུ་གནས་པའི་ཆོས་ཀུན་དུ་འབྱུང་བའི་རྒྱུ་ཉིད་ལ་མི་གནས་པ། མངོན་པར་ཤེས་པ་དང་བྲལ་བ། སྟོབས
iiif viewer powered by OpenSeadragon
