| e-texts navigator |
| Wylie |
222a1 གསུངས། །མཁས་པས་ཕྱོགས་བཞི་རིགས་རེལ། །སྦྱིན་སྲེག་ཆོ་ག་བཞིན་བྱས་ནས། །ནུབ་ཀྱི་བུམ་བའི་དྲུང་དུ་ནི། །རང་གི་རིག་སྔགས་སྦྱིན་སྲེག་བྱ། །འདིར་ནི་སྦྱིན་སྲེག་ཆོ་ག་བཞིན། །བྱས་ན་ཐམས་ཅད་ཚིམ་པར་འགྱུར། །དེར་ནི་གཏོར
222a2 མ་རྒྱ་ཆེར་བྱ། །དེས་ནི་ལྷ་རྣམས་མགུ་བར་འགྱུར། །དཀྱིལ་འཁོར་འདི་ནི་བྲིས་ནས་ཀྱང་། །བཟླས་བརྗོད་སྦྱིན་སྲེག་ཅི་དགར་བྱ། །རང་རིགས་རིག་པས་རིག་སྔགས་ལ། །མར་གྱི་སྦྱིན་སྲེག་དག་ཀྱང་བྱ། །འོ་ཐུག་མར་དང་སྦྱར་བའམ། །ཏིལ
222a3 དང་མངར་གསུམ་སྦྱར་བ་ཡིས། །མཚན་མོའི་ལྷག་མ་རང་རིགས་ཀྱི། །རིག་པས་རིག་སྔགས་སྦྱིན་སྲེག་བྱ། །ལས་འདི་དག་གིས་ངེས་པར་ཡང་། །ལྷ་ཉིད་མྱུར་དུ་འགྲུབ་འགྱུར་ཞིང་། །ཚིམ་པར་འགྱུར་ཞིང་མཉེས་པར་འགྱུར། །ལེགས་པར་ཡང་ནི་སྐོངས
222a4 པར་འགྱུར། །དཀྱིལ་འཁོར་འདི་ནི་བྲིས་ནས་ཀྱང་། །གསང་སྔགས་རྗེས་མཐུན་སྦྱིན་སྲེག་བྱ། །ལན་བདུན་ཁོ་ན་བྲིས་ནས་ཀྱང་། །ཐེ་ཚོམ་མེད་པར་ངེས་པར་འགྲུབ། །རིག་པའི་རྒྱལ་པོའི་རིག་སྔགས་སམ། །དེ་བཞིན་རིགས་ཀྱི་རིག་སྔགས་ཀྱིས། །རིག་སྔགས
222a5 དག་ལ་དྲག་སྤྱད་པ། །ཐམས་ཅད་བཏུད་དེ་བྱ་བར་གསུངས། །སྤྲ་ཚིལ་ལས་ནི་གཟུགས་བྱས་ནས། །དེ་ཡང་རིག་སྔགས་ཀྱིས་བཟླས་ཏེ། །དྲག་ཤུལ་སྤྱོད་པའི་སྦྱིན་སྲེག་ནི། །ལས་ཀྱིས་ཆོ་ག་ཐམས་ཅད་བྱ། །སྐེ་ཚེ་ཡུངས་མར་གྱིས་བླུགས་ན། །རིམས
222a6 ནད་དྲག་པོས་འདེབས་པར་འགྱུར། །ཁ་སྦུབ་ཏུ་ནི་བཞག་བྱས་ན། །ལུས་ལ་སྡུག་བསྔལ་ཚོར་བ་འབྱུང་། །མི་མཐུན་པ་ཡིས་བརྡེག་པ་དང་། །མེ་ཏོག་གིས་ཀྱང་བསྣུན་པར་བྱ། །དེ་ཉིད་ལ་ནི་སྤྱོ་པར་གསུངས། །ཐོ་འཚམ་པ་ཡང་ཅི་དགར་བྱ། །དཀྱིལ
222a7 འཁོར་འདིར་ནི་གསང་སྔགས་དག་། གདོན་བཞིན་དུ་ནི་ཚར་བཅད་ན། །ཆོ་ག་ལས་ནི་བསྟན་པ་ཡི། །དངོས་གྲུབ་དག་ཀྱང་སྩོལ་བར་འགྱུར། །འདིར་ནི་ལྷ་ཉིད་མངོན་གཤེགས་ནས། །ཉིད་ཀྱིས་བསྒྲུབ་པ་ཉིད་ལ་ནི། །དངོས་གྲུབ་མྱུར་དུ་སྦྱིན་པར་འགྱུར། །
iiif viewer powered by OpenSeadragon
