| e-texts navigator |
| Wylie |
221b1 པོ་བཞི་དག་ཀྱང་། །སྒོ་སྒོ་དག་ཏུ་ཡོངས་སུ་གཟུགས། །ཁོར་ཡུག་རྣམ་པར་རྒྱལ་བ་ཡི། །བ་དན་སྣ་ཚོགས་རྣམས་ཀྱིས་བརྒྱན། །རྟ་བབས་དག་ཀྱང་རྒྱལ་མཚན་དང་། །ལོ་མ་སར་པ་དག་གིས་བརྒྱན། །ཕྲེང་བ་བརྒྱུས་པ་གཤིབས་པ་དག་།བློ་དང་ལྡན་པས་གཅད
221b2 པར་བྱ། །ཕྱི་རོལ་ཁོ་ར་ཁོར་ཡུག་ཏུ། །མར་གྱི་མར་མེ་གསལ་བྱ་ཞིང་། །བདུག་སྤོས་རིགས་ནི་སྣ་ཚོགས་པས། །རྒྱུན་མི་འཆད་བར་བདུག་པར་བྱ། །དཀྱིལ་འཁོར་གཉིས་པ་ཁོར་ཡུག་ཏུ། །ཁྲུ་བདུན་དག་དང་ལྡན་པ་དང་། །གསུམ་པ་ཁྲུ་ནི་གསུམ་པ
221b3 སྟེ། །ཆོ་ག་དེ་ལྟར་ཡོངས་སུ་གཟུང་། །མཆོད་སོགས་ཆོ་ག་གང་ཡིན་དང་། །དཀྱིལ་འཁོར་ཆོ་ག་སྔོན་བཞིན་བྱ། །གཞན་ཡང་ཆོ་ག་ལྷག་བར་ནི། །སྦྱིན་སྲེག་དག་ཀྱང་བྱ་བར་གསུངས། །དབུས་སུ་རང་གི་རིག་སྔགས་ཀྱིས། །བུམ་པ་གང་བ་བཞག་ནས་སུ། །དེ་ཡི་ཕྱོགས
221b4 བཞི་དག་ཏུ་ཡང་། །སྦྱིན་སྲེག་ཆོ་ག་བཞིན་དུ་བྱ། །དེ་བཞིན་གཤེགས་པའི་རིགས་རྣམས་ཀུན། །ཤར་གྱི་ཕྱོགས་སུ་བྲི་བར་བྱ། །བྱང་ཕྱོགས་སུ་ནི་པདྨའི་རིགས། །ཆ་དང་མཐུན་པར་ལེགས་པར་བྲི། །མཁས་པས་ལྷོ་ཡི་ཕྱོགས་སུ་ནི། །རྡོ་རྗེའི་རིགས་ཀུན་བྲི་བར་བྱ། །
221b5 ནུབ་ཀྱི་ཕྱོགས་སུ་དྲག་པོ་དང་། །གཅིག་པུ་གནོད་སྦྱིན་རིགས་རྣམས་བྲི། །དེ་ཡི་ལྷག་པའི་ཆ་དག་ཀྱང་། །ནག་རིམ་བཞིན་དུ་ཕྱི་རོལ་བྲི། །དེ་ཡི་ཕྱི་རོལ་འཇིག་རྟེན་སྐྱོང་། །གཞན་དག་ཀྱང་ནི་བྱ་བར་བསྒྲགས། །གསང་སྔགས་ཟློས་པས་དང་པོར་ནི། །བདག་པོ་ལྔ
221b6 རྣམས་དགོད་པར་བྱ། །དེ་ནས་རིག་སྔགས་རྒྱལ་པོ་དང་། །རིག་སྔགས་རྒྱལ་མོར་བསྒྲགས་པ་དང་། །ལས་ཀུན་བྱེད་པས་གསང་སྔགས་དང་། །དཀྱིལ་འཁོར་དག་ཏུ་གང་བསྟན་པའི། །ཕོ་ཉ་ཆེ་ཕྲ་བཞིན། །དཀྱིལ་འཁོར་དུ་ནི་དགོད་པར་བྱ། །སྒོ་ཀར
221b7 བགེགས་ཀྱི་སྡེ་དཔོན་དང་། །ཁྲོ་བོ་བདུད་རྩི་ཐབ་སྦྱོར་དང་། །ལྷ་མོ་གཞན་གྱིས་མི་ཐུབ་བཞག་།ལྷག་མ་ཅི་དགར་བྱ་བར་བཤད། །དེ་ལྟར་རྒྱུད་དོན་མཐོང་བ་ཡིས། །དཀྱིལ་འཁོར་དགོད་པར་བྱས་ནས་ཀྱང་། །དེར་ནི་སྙིས་པོ་སྤྱན་དྲངས་ཏེ། །ཆོ་ག་ལྷག་མའང་བྱ་བར
iiif viewer powered by OpenSeadragon
