| e-texts navigator |
| Wylie |
221a1 གསུངས། །ལྷག་པར་ཡང་ནི་བྱས་ནས་སུ། །མཁས་པས་རྫས་དེ་སྔ་མ་བཞིན། །སླར་ཡང་བཟླས་ཏེ་བསྒྲུབ་པར་བྱ། །འོན་ཀྱང་གལ་ཏེ་རྫས་དེ་ནི། །བརྒྱ་ལ་གྲུབ་པར་མ་གྱུར་ན། །བརྩོན་འགྲུས་བརྟན་པར་བསྐྱེད་ནས་ནི། །དེར་ནི་ཕྱིར
221a2 ཡང་བསྒྲུབ་པར་བྱ། །གལ་ཏེ་ལན་བདུན་བར་དུ་རྫས། །བསྒྲུབ་སྟེ་འོན་ཀྱང་མ་གྲུབ་ན། །གང་གི་ཆོ་ག་འདི་བྱས་པ། །དེས་ནི་ངེས་པར་འགྲུབ་པར་འགྱུར། །བསོད་སྙོམས་ཟས་ལ་ཟ་ཞིང་གནས། །སྒྲུབ་པོ་བཟླས་བརྗོད་བྱེད་ལ་བརྩོན། །སངས་རྒྱས་རྣམས་ལ
221a3 དད་པ་ཡིས། །མཆོད་རྟེན་ཆེ་ལ་ཕྱག་བྱའོ། །གུས་པས་ཤེས་རབ་ཕ་རོལ་ཕྱིན། །བདུན་ནམ་ཡང་ན་ལན་བརྒྱར་བཀླག་།ཡང་ན་ཡོན་ནི་ཁྱད་པར་ཅན། །དགེ་འདུན་རྣམས་ལ་དབུལ་བར་བྱ། །རྒྱ་མཚོར་འབབ་པའི་གླིང་མའམ། །ཡང་ན་རྒྱ་མཚོ་གླིང་མ་ལ། །མཆོད
221a4 རྟེན་དག་ནི་ཁྲུ་གང་བ། །མཁས་པས་གུས་པས་བརྒྱ་བྱས་ཏེ། །རེ་རེའི་མདུན་ནས་འདུག་ནས་ནི། །བཟླས་བརྗོད་དག་ཀྱང་སྟོང་བྱས་ནས། །མཆོད་རྟེན་ཐ་མ་འབར་གྱུར་པ། །མཐོང་ནས་དེས་པར་འགྲུབ་པར་འགྱུར། །མཚམས་མེད་ལྔ་ནི་བྱས་པས་ཀྱང་། །སྟོང་དག་ལེགས
221a5 པར་བྱས་ནས་ནི། །མཆོད་རྟེན་ངེས་པར་འབར་འགྱུར་ཞིང་། །གདོན་མི་ཟ་བར་འགྲུབ་པར་འགྱུར། །ཀུན་ལའང་བྱེ་བར་བཟླས་ན་ནི། །ངེས་བར་འགྲུབ་པར་རྣམ་པར་བསྟན། །ཉེས་པ་ཆེན་པོ་བྱས་པ་ཡང་། །ལོ་བཅུ་གཉིས་ཀྱིས་འགྲུབ་པར་འགྱུར། །ཆོ་ག་བཞིན་དུ་མ་བསྙེན
221a6 པས། །རིག་སྔགས་དངོས་གྲུབ་མི་སྟེར་ན། །ཚིམ་པར་བྱ་ཕྱིར་བཤད་པ་ཡི། །སྦྱིན་སྲེག་དེ་ནི་བརྩམ་པར་བྱ། །ཡང་ན་ལས་དང་དོན་རྣམས་ཀུན། །སྒྲུབ་པར་བྱེད་པའི་དཀྱིལ་འཁོར་འདི། །བྲིས་ནས་དེ་ཡི་ནང་ཉིད་དུ། །སྦྱིན་སྲེག་རྣམ་པ་བཞི་བྱའོ། །རི་ཡི་རྩེ་མོ་འམ་ཕྱུགས
221a7 ལྷས་སམ། །ཡང་ན་གང་གཱའི་གླིང་མའམ། །ཡང་ན་ས་གཞི་མཉམ་བྱས་པར། །དཀྱིལ་འཁོར་བཟང་པོ་སྔོན་བཞིན་བྱ། །འདི་ནི་བློ་དང་ལྡན་པ་ཡིས། །ཁྲུ་ནི་བརྒྱ་རྩ་བརྒྱད་པར་བྱ། །དེ་དང་མཉམ་པའི་བུམ་པ་ཡིས། །ཁོར་ཁོར་ཡུག་ཉེ་བར་བརྒྱན། །རྟ་བབས་བཟང
iiif viewer powered by OpenSeadragon
