| e-texts navigator |
| Wylie |
220a1 ཀྱིས། །དྲི་མེད་བློ་ཡིས་ཤེས་པར་བྱ། །སྐལ་བ་དབང་བ་མཆོག་གནས་སུ། །ཟློས་པས་གསོལ་བ་གདབ་པར་བྱ། །བཀའ་ལུང་གྲུབ་པར་ཤེས་པར་བྱ། །དེ་ཡི་འོག་ཏུ་བགོ་བར་གསུངས། །དེ་ལྟར་ཀུན་ལ་ཅི་རིགས་པར། །ལེགས་པར་བགོ
220a2 བར་བྱ་བར་གསུངས། །དངོས་གྲུབ་དག་ནི་ཕལ་ལ་ཡང་། །མདོར་ན་ཆོ་ག་དེ་བཞིན་བྱ། །གུས་ཤིང་ནོར་དང་མཆོད་པ་བྱ། །བཀའ་བཞིན་བྱེད་པར་ཕན་འདོགས་པས། །རྫས་གྲུབ་བླ་མའི་སྐལ་ལ་སོགས། །སླུ་བ་དག་ནི་དེ་ལྟར་བཤད། །རང་གི་མཆོད་ཡོན
220a3 ཕུལ་ནས་སུ། །རྫས་རྣམས་ལེགས་པར་ལུང་བཞིན་བགོ། །རིག་སྔགས་རྒྱལ་ལ་ཕྱག་བྱས་ནས། །རིག་རྒྱལ་མོ་ལའང་གུས་བྱས་ཏེ། །བློ་ཡིས་གསང་སྔགས་ལྷ་རྣམས་ལ། །གུས་པར་བསམ་སྟེ་སྤྱད་པར་བྱ། །བློ་ཅན་གྲུབ་ནས་ནམ་མཁའ་ལ། །ཅི་བདེ
220a4 བར་ནི་འགྲོ་བར་བྱ། །འོན་ཏམ་གྲུབ་པ་རྣམས་དང་ནི། །ལྷན་ཅིག་འདུག་ཀྱང་ཅིས་མི་ཚུགས། །རྟག་ཏུ་རང་གི་ལྷ་ཉིད་ནི། །ཡིད་ལ་ཡོངས་སུ་བཟླས་པ་དང་། །བདག་གི་གྲུབ་པའི་རྫས་རྣམས་ལ། །རྟག་ཏུ་བལྟ་ཞིང་དྲན་བྱས་ན། །ཕ་རོལ་གནོད་པ་བྱེད་པ་ནི། །
220a5 སྡང་བ་རྣམས་ཀྱིས་ཡོངས་མི་ཚུགས། །མཁས་པས་རིག་སྔགས་བརྒྱ་བཟླས་ནས། །གྲུབ་པ་རྣམས་ཀྱིས་མཆོད་པར་འགྱུར། །རིགས་ཀྱི་རིག་སྔགས་བཟླས་ན་ནི། །སྒྲུབ་པོ་འཇིགས་པ་ཀུན་ལས་ཐར། །གཅིག་ལ་གཅིག་ནི་མཐོང་བ་ན། །མཁས་པས
220a6 ལེགས་པར་སྨྲ་བར་བྱ། །ལེགས་པར་འོངས་སམ་བདེའམ་ཞེས། །མཐོང་ནས་དང་པོར་མངོན་པར་བརྗོད། །དམ་ཚིག་རིགས་ཀྱི་ཕྱག་རྒྱ་དང་། །གྲུབ་པའི་རྫས་ཀྱང་བསྟན་པར་བྱ། །གང་ནས་འོངས་ཞེས་ཟེར་ན་ཡང་། །དྲིས་པའི་ལན་ཡང་གདབ་པར་བྱ། །
220a7 ལྷ་ཡི་གནས་ནི་ཐམས་ཅད་དང་། །ཤིང་གཅིག་ལམ་གྱི་བཞི་མདོ་དང་། །དཀའ་ཐུབ་གནས་དང་བྱིན་ཅན་དང་། །མཆོད་སྦྱིན་པ་དང་བྲམ་ཟེའི་གནས། །མུ་སྟེགས་ལ་སོགས་གྲུབ་པ་དང་། །ནམ་ཡང་འདའ་བར་མི་བྱའོ། །ང་རྒྱལ་གྱིས་ནི་འདས་གྱུར་ན། །འཁྲུགས
iiif viewer powered by OpenSeadragon
