| e-texts navigator |
| Wylie |
21b1 ལེ། །ཱ་ཏྨཱ་རཀྵ་རཀྵ། ཧཱུ~ཾ་ཧཱུ~ཾ་ཧཱུ~ཾ་ཕཊ་སྭཱ་ཧཱ། གསང་སྔགས་འདིས་ནི་བསྲུང་བ་དང་། །ཐ་མལ་རྟོག་པའི་ལུས་སྦྱོང་བྱེད། །སྙིང་གར་ཟླ་སྟེང་ཧཱུ~ཾ་ཡིག་གི། །འོད་ཀྱིས་རིགས་ཀྱི་གཙོ་མོ་དང་། །བླ་མ་སངས་རྒྱས་སྤྱན་དྲངས་ནས། །མདུན་དུ་ལེགས་པར་དམིགས་ནས་ནི། །སྙིང་ག
21b2 ས་བོན་འོད་རྩེ་ལས། །མེ་ཏོག་སོགས་འཛིན་ལྷ་མོས་མཆོད། །གཟུགས་སོགས་རྡོ་རྗེ་མ་རྣམས་ཀྱིས། །འདུད་ཅིང་སོ་སོར་ལེགས་པར་མཆོད། །ཐོག་མ་མེད་པའི་སྲིད་རྒྱུད་ནས། །ལུས་ངག་ཡིད་ཀྱིས་སྤྱད་པ་ཡི། །སྡིག་པའི་ཚོགས་རྣམས་མ་ལུས་ཀུན། །བགྱིས་རང་བགྱིད
21b3 དུ་སྩལ་པ་དང་། །བགྱིད་ལ་རྗེས་སུ་ཡི་རང་པ། །སྡིག་པའི་ཚོགས་རྣམས་ལ་ལུས་ཀུན། །ཐམས་ད་སོ་སོར་བཤགས་པར་བགྱི། །སླན་ཆད་མི་བགྱིད་སྡོམ་པ་ཡང་། །རྒྱ་ཆེན་བདག་གིས་གཟུང་བར་བྱ། །རྒྱལ་བ་སྲས་བཅས་མཛད་པ་དང་། །འགྲོ་བའི་དགེ་ལ་རྗེས
21b4 ཡི་རང་། །རྒྱལ་དང་བྱང་ཆུབ་སེམས་དཔའ་དང་། །རིགས་ལྡན་རྡོ་རྗེ་ལྷ་མོ་དང་། །སྔགས་རྒྱུད་རྒྱ་ཆེན་འཁོར་ལོ་ལ། །ཀུན་ནས་དང་བས་སྐྱབས་སུ་མཆི། །མི་རྟོག་བློ་གྲོས་བསྐྱེད་པའི་ཕྱིར། །ཆོས་ཀྱི་འཁོར་ལོ་བསྐོར་བ་དང་། །གདུལ་བྱ་ཇི་སྲིད་ཚིམ་པ་རུ། །མྱ་ངན
21b5 མི་འདའ་གསོལ་བ་འདེབས། །རྣམ་པ་ཀུན་གྱི་མཆོག་ལྡན་པའི། །བྱང་ཆུབ་སེམས་ནི་བསྐྱེད་པར་བྱ། །གདོད་ནས་ཇི་སྲིད་ད་ལྟ་ཡི། །བར་དུ་ལུས་འདིས་ཅི་མ་བྱས། །ད་ནི་སྲིད་པའི་རླུང་རྟོགས་ནས། །རང་གི་ལུས་འདི་དབུལ་བར་བགྱི། །ཐེག་ཆེན་བླ་ན་མེད་པ་ཡི། །ལམ
21b6 ཆེན་རྒྱ་མཚོ་གང་ཡིན་པ། །ཐེག་ཆེན་འབྲས་བུ་ཐོབ་བར་དུ། །རྒྱུན་མི་ཆད་པར་བསྟེན་པར་བྱ། །དེ་ལྟར་དད་སེམས་འདུན་བྱས་ཏེ། །བསོད་ནམས་རྒ་ཆེན་རྣམས་བསགས་པའི། །དགེ་བ་བླ་ན་མེད་པ་དེ། །ཐམས་ཅད་བྱང་ཆུབ་ཕྱིར་བསྔོའོ། །དང་པོ་བྱམས་པའི་འོད
21b7 ཟེར་གྱིས། །འགྲོ་རྣམས་བདེ་ལ་དགོད་པར་བྱ། །གཉིས་པ་སྙིང་རྗེའི་འོད་ཟེར་གྱིས། །འགྲོ་བ་སྡུག་བསྔལ་འབྲལ་སེམས་བསྐྱེད། །གསུམ་པ་དགའ་བས་བདེ་བ་ཐོབ། །བཞི་པ་ཆགས་བྲལ་བཏང་སྙོམས་སོ། །དེ་རྗེས་རགས་པའི་སྟོབས་སྤོང་ཞིང་། །བག་ཆགས
iiif viewer powered by OpenSeadragon
