| e-texts navigator |
| Wylie |
21a1 གསུང་ལ་ཕྱག་འཚལ་ལོ། །འགྲོ་དྲུག་བདུད་འཇོམས་ཞལ་དྲུག་མ། །ཕྱི་ནང་རྟེན་འབྲེལ་དག་ཕྱིར་ཕྱག་།སྒེག་ཅིང་ཅུང་ཟད་འཇིགས་པར་བྱེད། །རྡོ་རྗེའི་སྐུ་ལ་ཕྱག་འཚལ་ལོ། །དེ་སྐད་རྡོ་རྗེ་ལྷ་མོ་ལ། །ལྷ་ལ་སོགས་པ་ཐམས་ཅད་ཀྱིས། །རྨད
21a2 བྱུང་བསྟོད་པའི་རྒྱལ་པོ་དེས། །བསྟོད་པའི་དེ་མ་ཐག་ཏུ་ནི། །ལྷ་མོ་གཟི་མདངས་ཆེར་སྐྱེས་ནས། །རང་གི་སྙིང་པོ་འདི་གསུངས་སོ། །ོཾ་བཛྲ་ཤྲྀཾ་ཁཱ་ལེ་ཧཱུ~ཾ་ཧཱུ~ཾ་ཕཊ་སྭཱ་ཧཱ། རིག་པ་གཟུངས་ཀྱི་ཕྲེང་བའམ། །གསང་སྔགས་འདི་ཉིད་བཤད་ཙམ་གྱིས། །རིམས་དང་ཤུ་བ
21a3 གཡན་པ་དང་། །ལྷོག་པ་ཤ་བཀྲ་མཛེ་ནད་འབྲས། །ཀླད་ནད་མིག་ནད་རྣ་ནད་དང་། །ལྐོག་ནད་གློ་མཆིན་ནད་རྣམས་དང་། །རྒྱུ་གཟེར་སྙིང་ནད་མཁལ་ནད་དང་། །རྐང་ལག་ནད་དང་ཁྱབ་པར་ན། །ཆུ་སེར་ནད་དང་ཁྲག་ནད་དང་། །བད་ཀན་རླུང་དང་མཁྲིས་པ་དང་། །ཤིན
21a4 ཏུ་འཁྲུགས་པའི་ནད་ལ་སོགས། །ཡམས་ནད་ཐམས་ཅད་ཞི་བར་བྱེད། །གཞན་ཡང་འབྱུང་པོ་བརྗེད་བྱེད་གདོན། །ཤ་ཟ་མཁའ་འགྲོ་མ་མོ་དང་། །གཟའ་དང་རྒྱུ་སྐར་ལོག་འདྲེན་དང་། །བྱད་སྟེམས་དྲག་པོ་ཕྱི་རོལ་གྱི། །རིག་སྔགས་གཏུམ་པོ་ལ་སོགས་པ། །འཇིགས
21a5 པའི་གནོད་པ་ཐམས་ཅད་ཀུན། །རླུང་གིས་སྤྲིན་བཞིན་གཏོར་བར་བྱེད། །གཞན་ཡང་སྟག་གཟིག་དོམ་དྲེད་དང་། །འཕར་བ་སྤྱང་ཀི་གུང་པོ་ཆེ། །སྲེ་མོང་བྱི་བ་སྦྲུལ་བྱི་ལ། །སྦྲང་བུ་མཆུ་རིངས་པ་ཏྲེ་ཀ། །ཁྭ་དང་སེའུ་བྱུའུ་རྟ་ལ་སོགས། །འཇིགས་པ་རྣམ་མང་ཇི་སྙེད་པ། །
21a6 གསང་སྔགས་འདི་བརྗོད་ཐོས་ཙམ་གྱིས། །ཐག་ནི་སྐྲོད་པར་བྱེད། །གནོད་པ་རྣམ་མང་ཐམས་ཅད་ཀྱང་། །སྔགས་ཀྱི་སྦྱོར་བས་སེལ་བར་བྱེད། །གནོད་བྱེད་རྣམས་ནི་གནོད་མེད་བྱེད། །གནོད་མེད་གནོད་དང་ལྡན་བྱེད་ཅིང་། །སྦྱོར་བ་ཡང་ནི་སྦྱོར་བ་འགས། །
21a7 གཞན་གྱི་སྦྱོར་བ་འཆིང་བར་བྱེད། །རྡོ་རྗེ་ལུ་གུ་རྒྱུད་ཀྱི་རྟོག་པ་ལས་གསང་སྔགས་བསྟན་པའི་ལེའུ་སྟེ་དང་པོའོ།། །།དེ་ནས་འདིར་ནི་བཤད་བྱ་བ། །མཛེས་མ་རྡོ་རྗེ་ཁྲོ་མོ་ཡིས། །ལྷ་ཡི་ཏིང་འཛིན་སྦྱོར་བ་རྣམས། །ཐིག་ལེ་ཆེན་མོས་མཉན་པར་གྱིས། །ོཾ་བཛྲ་ཤྲིཾ་ཁཱ
iiif viewer powered by OpenSeadragon
