| e-texts navigator |
| Wylie |
219b1 སྒྲུབ་པ་པོ་ཡིས་ཕྱི་རོལ་དུ། །མཆོད་ཡོན་དབུལ་ཞིང་གྲུབ་པ་ཁྱེད། །ཉིད་ཀྱི་རྫས་སྐལ་འདི་བཞེས་ཞེས། །ཚིག་ནི་ལན་གསུམ་བསྒྲག་པར་བྱ། །སྔགས་གྲུབ་པ་རྣམས་མེད་ན་ནི། །དེ་ཡི་སྐལ་བས་སྔགས་ཟློས་པས། །དོགས་མེད་པ་ཡི་སེམས་ཀྱིས་ནི། །གྲོགས
219b2 པོ་རྣམས་ལ་སྦྱིན་པར་བྱ། །གསང་སྔགས་ཟློས་པའི་གྲོགས་རྣམས་ནི། །གུས་ཤིང་རྟག་པར་དོན་དུ་གཉེར། །དཀའ་ཐུབ་དག་དང་གྲོགས་བྱེད་པས། །ཐོག་མ་ཉིད་ནས་གྲུབ་པ་ཡིན། །དེ་བས་དེ་ཡིས་སྦྱིན་པ་ནི། །རྫས་ནི་བླང་བར་འོས་པས་ན། །བདག་ཅག
219b3 སྔོན་ནས་གྲུབ་པ་ཞེས། །མཐུན་པར་སྨྲ་ཞིང་བླང་བར་བྱ། །གྲུབ་པའི་རྫས་རྣམས་དེ་ལྟ་བུར། །བགོ་བར་རབ་ཏུ་བསྒྲགས་པས་ན། །བདག་རང་ཉིད་ཀྱིས་དེ་རྣམས་ལ། །རྫས་ནི་རྣམ་པར་བགོ་བར་བྱ། །གྲུབ་པའི་རྫས་རྣམས་ཁ་ཅིག་ནི། །ཅི་རན་ཙམ་དུ
219b4 བགོ་སྟེ་དཔེར། །ཉྫ་ན་ནི་ཐམས་ཅད་དང་། །གི་ཝང་ལ་སོགས་བཞིན་དུ་བཤད། །ཆོ་ག་ཤེས་པས་ལ་ལ་ནི། །ཡིད་ཀྱིས་བགོས་པ་བྱས་ཏེ་དཔེར། །རལ་གྲི་ལ་སོགས་མཐོང་བ་བཞིན། །དེ་ལ་ཕན་གདགས་བསམ་པར་བྱ། །གྲུབ་པའི་རྫས་རྣམས་ཁ
219b5 ཅིག་ནི། །གཅིག་པུས་སྤྱད་པར་བྱ་སྟེ་དཔེར། །རས་ལ་སོགས་པ་མཐོང་བ་བཞིན། །དེ་ལ་ཕན་གདགས་བསམ་པར་བྱ། །གྲུབ་པའི་རྫས་ཀྱི་བྱེ་བྲག་ལས། །ཁ་ཅིག་མཉམ་པར་བགོ་སྟེ་དཔེར། །རིལ་བུ་ལ་སོགས་མཐོང་བ་བཞིན། །དེ་ལ་ཕྱེད་དུ་བགོ་བ་མེད། །རྫས
219b6 རྣམས་ལ་ཡང་ཕལ་ཆེར་ཡང་། །གཅིག་པུས་མང་དུ་བསྐུར་བར་གསུངས། །སྐལ་བར་ནོར་རམ་མན་ངག་བསྟན། །རྒྱུད་ལས་གསུངས་པས་ཡིད་ཆེས་བྱ། །འདི་དག་ཁྱོད་ཀྱིས་བྱོས་ཤིག་ཅེའམ། །བདག་གི་ནོར་འདི་ཁྱོད་ཀྱིའོ་ཞེས། །བཟླས་བརྗོད་བྱེད་པས་གྲོགས་པོ
219b7 ལ། །བགོ་བ་དག་ནི་དེ་ལྟར་བྱ། །གྲུབ་པར་གྱུར་ན་ཆོ་ག་བཞིན། །མཁས་པ་དག་གིས་ཕན་འདོགས་པ། །བདག་ཉིད་ཀྱིས་ནི་ཅི་རིགས་པར། །གང་ཡང་རུང་བས་རབ་ཏུ་བྱ། །དངོས་གྲུབ་རྣམ་པ་མང་པོ་དག་།གྲུབ་པས་རྣམ་པར་བགོ་བ་ནི། །བྱེ་བྲག་ཏུ་ནི་བདག་ཉིད
iiif viewer powered by OpenSeadragon
