| e-texts navigator |
| Wylie |
19a1 མཚུངས་པར་སྟོབས་ཀྱི་ཕ་རོལ་གནོན་པར་འགྱུར་རོ། །སྟོབས་པོ་ཆེ་ཕ་རོལ་གནོན་པའི་ཁྲོ་བོ་འདིའི་མཐུས་བདག་དང་སེམས་ཅན་ཐམས་ཅད། སྭ་སྟི་སྭ་སྟི། སིད་དྷི་སིད་དྷི་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། འཕགས་པ
19a2 བྱམས་པ་དང་། འཇམ་དཔལ་དང་། འཕགས་པ་སྤྱན་རས་གཟིགས་དབང་ཕྱུག་ལ་སོགས་པ་བསྐལ་བ་བཟང་པོའི་བྱང་ཆུབ་སེམས་དཔའ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་ལ་སོགས་པ། ཕྱོགས་བཅུའི་འཇིག་རྟེན་གྱི
19a3 ཁམས་ནས་འདུས་པ་དེ་དག་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དེ་དག་ཐམས་ཅད་དང་། ཐམས་ཅད་དང
19a4 ལྡན་པའི་འཁོར་དེ་དང་། ལག་ན་རྡོ་རྗེ་ཡང་བཅོམ་ལྡན་འདས་ཀྱིས་གསུངས་པ་ལ་ཡི་རངས་ཏེ་མངོན་པར་བསྟོད་དོ།། །།འཕགས་པ་སྟོབས་པོ་ཆེ་ཞེས་བྱ་བའི་ཐེག་པ་ཆེན་པོའི་མདོ་རྫོགས་།། །།རྒྱ་གར་གྱི་མཁན་པོ་ཤཱི་ལེནྡྲ་པོ་དྷི་དང་། ཛི་ནམ་ཏྲ་དང་། ཞུ
19a5 ཆེན་གྱི་ལོ་ཙྪ་བ་བནྡ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ། ། @##། །རྒྱ་གར་སྐད་དུ། །ཨཱརྱ་བཛྲ་ཤྲི་ཁ་ལ་སྱ་ཏནྟྲ་ཀལྤ། བོད་སྐད་དུ། འཕགས་མ
19a6 རྡོ་རྗེ་ལུ་གུ་རྒྱུད་མའི་རྒྱུད་ཀྱི་རྟོག་པ། དཔལ་འཇིག་རྟེན་དབང་ཕྱུག་ལ་ཕྱག་འཚལ་ལོ། །དེ་ནས་ཡང་དག་བཤད་བྱ་བ། །དཔལ་བསྐྱེད་སྡུག་བསྔལ་སེལ་བྱེད་ཅིང་། །སྡང་བ་འཆིང་ཚོགས་ལས་གྲོལ་བའི། །ཆོ་ག་མཛེས་མས་ལེགས་པར་ཉོན། །ཁྲུས་དང་གཙང་སྦྲ་དང
19a7 བྲལ་ཞིང་། །དཀའ་ཐུབ་སྤྱོད་པ་རྣམ་སྤངས་ནས། །དྲག་ཤུལ་སེམས་ཀྱིས་གསང་སྔགས་འདི། །བརྗོད་པ་ཙམ་གྱིས་མྱུར་དུ་འགྲུབ། །དད་པ་བརྩོན་འགྲུས་ཀྱིས་བརྒྱན་ཅིང་། །བག་ཡོད་སྙིང་རྗེ་ཆེར་ལྡན་པ། །དེས་ནི་བླ་མ་མི་སྤོང་ལ། །དཔའ་བརྟུལ་ཤེས་རབ་དེས་པ
iiif viewer powered by OpenSeadragon
