| e-texts navigator |
| Wylie |
274a1 བསྐོར་བ་བྱས་ཏེ། འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། ནམ་མཁའི་དཀྱིལ་གྱི་ལམ་ནས་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་ཕྲག་དགུ་བཅུ་རྩ་དགུ་དང་ལྷན་ཅིག་ཏུ་བྱང་ཆུབ་སེམས་དཔའི་རྣམ་པར་འཕྲུལ་པ་ཆེན་པོ་དང་། བྱང་ཆུབ་སེམས་དཔའི་རྫུ་འཕྲུལ་ཆེན
274a2 པོས་འཇིག་རྟེན་གྱི་ཁམས་མི་མཇེད་འདི་ག་ལ་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་དེ་དག་ཐམས་ཅད་ལྷན་ཅིག་སྨྲ་བ་ན། བསོད་ནམས་ཀྱི་ཚོགས་ཆེན་པོ་བསགས་པ་ལས་གྲུབ་པས་བྱིན་པའི་རིན་པོ་ཆེ་དེ་དག་ལས་འོད་ཟེར་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། ལྗང་སྔོན་དང་།
274a3 ལྗང་སེར་དང་། བཙོད་ཀ་དང་། ཤེལ་དང་། དངུལ་དང་། ནོར་བུ་དང་། མུ་ཏིག་དང་། གསེར་དང་། པདྨ་རཱ་ག་དང་། རྡོའི་སྙིང་པོ་དང་། ཀེ་ཀེ་རུ་དང་། ཀེ་ཀེ་རུ་ཆེན་པོ་དང་། ཨན་ད་རྙིལ་དང་། མཐོན་ཀ་ཆེན་པོ་དང་། དུན་ལས་དང་། གོ་མུ་ཏ་ར་ག་དང་། མུ་ཏིག་དམར་པོའི་ཁ་དོག་ལྟ་བུ་རྣམས
274a4 བྱུང་སྟེ། དེ་དག་གིས་ཐམས་ཅད་དང་ལྡན་པའི་འཇིག་རྟེན་གྱི་ཁམས་ལ་ལན་འབུམ་ཕྲག་དུ་མར་བསྐོར་བ་བྱས་ཏེ། སྟེང་གི་བར་སྣང་ཁྱབ་པར་བྱས་ནས། ལྷའི་སྣང་བས་སྣང་བར་བྱས་ཏེ། འདུས་ནས་འཇའ་ལྟ་བུར་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག
274a5 པར་རྫོགས་པའི་སངས་རྒྱས་ཤཱཀྱ་ཐུབ་པའི་ཞབས་མཚན་ཐམས་ཅད་ཕུན་སུམ་ཚོགས་པ། འཇམ་པ། མཉེན་པ། རབ་ཏུ་གཞོན་པ། ཤ་རྒྱས་པ། སྣུམ་པ། ལོང་བུ་གཉིས་ཀྱི་རྩ་མི་མངོན་པ། པདྨ་གསར་དུ་ཁ་བྱེ་བ་ལྟ་བུ། དུང་དང་། ཉ་དང་། རྡོ་རྗེ་དང་། རྒྱལ་མཚན
274a6 དང་། ལྕགས་ཀྱུ་དང་། པདྨ་དང་། ཆུ་སྲིན་མ་ཀ་ར་འི་མཚན་དང་ལྡན་པ་གཉིས་ལ་ལན་འབུམ་ཕྲག་དུ་མར་བསྐོར་བ་བྱས་ནས་ནུབ་པར་གྱུར་ཏོ། །ནམ་མཁའི་དཀྱིལ་ན་འོད་ཟེར་རེ་རེའི་རྩེ་མོ་ལས་པདྨ་བྱེ་བ་ཁྲག་ཁྲིག་འབུམ་ཕྲག་བརྒྱད་ཅུ། ཚད་ཤིང་རྟའི་ཕང་ལོ་ཙམ་པ། རིན་པོ་ཆེ་སྣ
274a7 བདུན་གྱི་རྒྱུ་ལས་བྱུང་བ་འདི་ལྟ་སྟེ། གསེར་གྱི་རྒྱུ་ལས་བྱུང་བ་དང་། ཨན་ད་རྙིལ་དང་། དངུལ་དང་། བྱི་རུ་དང་། ཤེལ་དང་། ཀེ་ཀེ་རུ་དང་། དུན་ལས་ཀྱི་རྒྱུ་ལས་བྱུང་བ་དག་འཐོན་ཏོ། །དེ་ལ་གསེར་གྱི་རྒྱུ་ལས་བྱུང་བའི་པདྨ་རྣམས་ཀྱི་འདབ་མ་ནི་ཨན་ད་རྙིལ་གྱི་རྒྱུ་ལས་བྱུང་བ་དག་གོ། །སྙིང་པོ
iiif viewer powered by OpenSeadragon
