| e-texts navigator |
| Wylie |
272b1 དེའི་རྡོ་རྗེའི་རྣམ་པར་འཕྲུལ་པ་ཆེན་པོའི་བྱིན་གྱིས་བརླབས་སོ། །དེ་སྐད་ཅེས་བཀའ་སྩལ་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་གནང་ནས། རིགས་ཀྱི་བུ་དེ་དག་ཐམས་ཅད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
272b2 པའི་སངས་རྒྱས་དེ་དག་ལ་ཕྱག་འཚལ་ཏེ། བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པར་འཕྲུལ་པའི་ཆོ་འཕྲུལ་བསམ་གྱིས་མི་ཁྱབ་པས་འཇིག་རྟེན་གྱི་ཁམས་མི་མཇེད་འདིར་ལྷགས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
272b3 སངས་རྒྱས་ཤཱཀྱ་ཐུབ་པ་དང་། གསང་བ་པའི་བདག་པོ་ལག་ན་རྡོ་རྗེ་ལ་མཆོད་པའི་སྤྲིན་དང་། གདུགས་ཀྱི་སྤྲིན་དང་། རྒྱན་ཕྲེང་གི་སྤྲིན་དང་། དབུ་རྒྱན་གྱི་སྤྲིན་དང་། མེ་ཏོག་གི་སྤྲིན་དང་། ན་བཟའི་སྤྲིན་ཆེན་པོས་མཆོད་པ་ཆེན་པོ་བྱས་ནས། ནམ་མཁའི་དཀྱིལ་ན་འཁོད
272b4 བཞིན་དུ་བཅོམ་ལྡན་འདས་ཤཱཀྱ་ཐུབ་པ་ལ་ལན་བདུན་བསྐོར་བ་བྱས་ཏེ། པུས་མོ་གཡས་པའི་ལྷ་ང་རིན་པོ་ཆེའི་པདྨའི་རྡོ་རྗེའི་སྟན་ལ་བཙུགས་ནས། བཅོམ་ལྡན་འདས་ལ་ལོགས་སུ་ལྟ་ཞིང་བཅོམ་ལྡན་འདས་ལ་ཕྱག་འཚལ་བ་དང་། དེ་བཞིན་གཤེགས་པས་གནང་ནས་རང་རང་གི་རིན་པོ
272b5 ཆེའི་པདྨའི་རྡོ་རྗེའི་སྟན་དེ་དག་ལ་འཁོད་པར་གྱུར་ཏོ། །དེའི་ཚེ་ཤར་ཕྱོགས་ལོགས་ན་འཇིག་རྟེན་གྱི་ཁམས་རྡོ་རྗེ་ཏོག་ཅེས་བྱ་བ་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེའི་སྙིང་པོས་རབ་ཏུ་འཇོམས་པ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ཏེ།
272b6 འདི་ལྟར་རྡོ་རྗེའི་རི་རབ་ཆེན་པོའི་རྩེ་མོའི་ཁང་པ་བརྩེགས་པའི་གཟུངས་འདི་ཉིད་ལས་བརྩམས་ཏེ་ཆོས་ཀྱང་སྟོན་ཏོ། །རྡོ་རྗེ་འབར་བའི་སྣང་བ་དེས་ཀྱང་འཇིག་རྟེན་གྱི་ཁམས་ཇི་སྙེད་པ་དེ་དག་ཐམས་ཅད་ཀུན་ནས་སྣང་བར་གྱུར་ཏོ། །དེ་ནས་འཇིག་རྟེན་གྱི་ཁམས་དེ་ན་བྱང་ཆུབ་སེམས་དཔའ་སེམས
272b7 དཔའ་ཆེན་པོ་རྡོ་རྗེའི་སྙིང་པོ་ཞེས་བྱ་བ་དེ་བཞིན་གཤེགས་པ་དེའི་འཁོར་གྱི་ཁྱམས་སུ་འདུས་ཏེ་འདུག་པར་གྱུར་པ་དེས་ངོ་མཚར་དེ་མཐོང་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེའི་སྙིང་པོས་རབ་ཏུ་འཇོམས་པ་ཞེས་བྱ་བ་དེ་ལ་ཞུས་ཏེ། བཅོམ་ལྡན
iiif viewer powered by OpenSeadragon
