| e-texts navigator |
| Wylie |
271b1 མ་གྱུར་པའི། །བྱང་ཆུབ་བླ་ན་མེད་པ་བརྙེས། །གང་གི་མཚན་ཡང་རྫོགས་པ་ཡི། །བྱང་ཆུབ་ས་བོན་ཉིད་འགྱུར་བ། །ཁྱོད་ནི་འཇིག་རྟེན་མཆོག་གཅིག་པུ། །དམ་པ་རབ་སྦྱིན་བདག་པོ་ལགས། །ཁྱོད་ནི་མགོན་པོ་ཁྱོད་ནི་ཕ། །ཁྱོད་སྐྱབས་ཁྱོད་ནི་དཔུང་གཉེན་ལགས། །ཐུགས་རྗེ
271b2 ཆེན་པོ་ཡེ་ཤེས་ཉིད། །མྱ་ངན་འདས་ནས་གཅིག་པུ་ཁྱོད། །ཁྱོད་ཉིད་གཤེགས་ནས་སེམས་ཅན་རྣམས། །སེམས་ཅན་དམྱལ་ལས་རྣམ་པར་བཀྲོལ། །རང་གི་སྐུ་ཡང་ཡོངས་བཏང་ནས། །ཁྱོད་ཀྱིས་སྲོག་ཆགས་རྣམས་ཀྱང་བསྲུངས། །ལུས་ཅན་ཀུན་གྱིས་མ་ཐོབ་པའི། །ཡེ
271b3 ཤེས་ཁྱོད་ཀྱིས་བརྙེས་གྱུར་ནས། །གྲོལ་ཏེ་འཇིག་རྟེན་རྣམས་ཀྱང་གྲོལ། །ཀྱེ་མ་ཁྱོད་ནི་རྩ་ལག་བཟང་། །མགོན་པོ་ཁྱོད་ཀྱི་འོད་ཟེར་གྱི། །དྲ་བས་འཇིག་རྟེན་ཁམས་ཁྱབ་སྟེ། །མྱ་ངན་འདས་ལས་ལྷག་པ་བདེ། །ལུས་ཅན་ཀུན་གྱིས་ཐོབ་པར་མཛད། །ཁྱོད་ཀྱི་འོད་ཀྱི
271b4 གཟིས་བཅོམ་པ། །གཟའ་རྣམས་ཀུན་དང་དགུང་ཟླ་དང་། །གདུགས་རྣམས་དང་ནི་ཞུགས་རྣམས་དང་། །ནོར་བུ་ལམ་མེར་མ་གྱུར་ཏོ། །དེ་ནས་གསང་བ་པའི་བདག་པོ་ལག་ན་རྡོ་རྗེས་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་ནས་ཡང
271b5 རིན་པོ་ཆེའི་པདྨའི་སྙིང་པོ་ལ་འདུག་སྟེ། བཅོམ་ལྡན་འདས་ལེགས་སོ་ཞེས་གསོལ་ནས་རྡོ་རྗེའི་རྣམ་པར་ཐར་བའི་སྒོ་ཆེན་པོའི་ཏིང་ངེ་འཛིན་བདུད་ཀྱི་དཀྱིལ་འཁོར་ཐམས་ཅད་འཇོམས་པར་བྱེད་པ་ཞེས་བྱ་བ་ལ་སྙོམས་པར་ཞུགས་སོ། །གསང་བ་པའི་བདག་པོ་ལག་ན་རྡོ་རྗེས་རྡོ་རྗེའི་རྣམ
271b6 པར་ཐར་པའི་སྒོ་ཆེན་པོའི་ཏིང་ངེ་འཛིན་བདུད་ཀྱི་དཀྱིལ་འཁོར་ཐམས་ཅད་འཇོམས་པར་བྱེད་པ་ཞེས་བྱ་བ་འདི་ལ་སྙོམས་པར་ཞུགས་མ་ཐག་ཏུ་དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས། ཀུན་དུ་རབ་ཏུ་གཡོས་ཏེ། ཤར་ཕྱོགས་མཐོ་ན་ནུབ་ཕྱོགས
271b7 དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། མཐའ་མཐོ་ན་དབུས་དམའ། དབུས་མཐོ་ན་མཐའ་དམའ་བར་གྱུར་ཏོ། །ཕྱོགས་ཐམས་ཅད་དང་། ཕྱོགས་མཚམས་ཐམས་ཅད་ཀྱང་དགའ
iiif viewer powered by OpenSeadragon
