| e-texts navigator |
| Wylie |
270b1 འཁར་རྔ་དང་། རྒྱུད་གཅིག་པ་དང་། ལྕགས་ཀྱི་སིལ་ད་ཀྲོལ་དང་། རྔ་བོ་ཆེ་རྡུང་ཞིང་ཧུ་ཧུ་ཞེས་བྱ་བ་དང་། བི་ཙི་ཞེས་བྱ་བ་དང་། ཟུང་ཤིག་ཟུང་ཤིག་།སོད་ཅིག་སོད་ཅིག་ཅེས་བྱ་བའི་སྒྲ་འབྱིན་ཅིང་གཤོལ་དང་། གཏུན་ཤིང་དང་། གཏུན་རྐེད་ཉག་པ་དང་། ཕུར་བུ་དང་། རྡོ་རྗེ
270b2 རྩེ་གཅིག་པ་དང་། མདའ་བོ་ཆེ་དང་། མདུང་ཐུང་དང་། རྩེ་གསུམ་པ་དང་། རལ་གྲི་དང་། འཁོར་ལོ་དང་། གཞུ་དང་། མདའ་ལ་སོགས་པའི་མཚོན་ཆ་ལག་ན་ཐོགས་ཤིང་བཅོམ་ལྡན་འདས་ག་ལ་བ་དེར་སོང་སྟེ། སྐད་ཅིག་དེ་ཉིད་ལ་ཨ་ལ་ལ་ཞེས་བྱ་བའི་སྒྲ་ཕྱུང་ནས། བཅོམ་ལྡན་འདས
270b3 ལ་མཚོན་ཆ་ཐམས་ཅད་ཀྱི་ཆར་ཕབ་པ་དང་། སངས་རྒྱས་ཀྱི་མཐུས་མཚོན་ཆ་དེ་དག་ཐམས་ཅད་མེ་ཏོག་གི་གདུགས་ཀྱི་སྤྲིན་ཆེན་པོར་གྱུར་པར་སྣང་ངོ་། །བདུད་ཀྱི་སྒྲ་དེ་དག་ཐམས་ཅད་ཀྱང་སངས་རྒྱས་ཀྱི་སྒྲ་དང་། ཆོས་ཀྱི་སྒྲ་དང་། དགེ་འདུན་གྱི་སྒྲ་དང་། ཡང་དག་པར་བགྲོ་བའི་སྒྲ་རྣམས་སུ་གྲག
270b4 གོ། །བདུད་སྡིག་ཅན་ནི་ཞགས་པ་ལྔའི་བཅིངས་པས་བདག་ཉིད་བཅིངས་པར་མཐོང་ངོ་། །དེ་ནས་བདུད་ཀྱི་རིས་ཀྱི་ལྷའི་བུ་དེ་དག་ཐམས་ཅད་ཀྱིས་བཅོམ་ལྡན་འདས་ཀྱི་རྫུ་འཕྲུལ་གྱི་ཆོ་འཕྲུལ་ངོ་མཚར་ཆེན་པོ་དེ་མཐོང་ནས་ངོ་མཚར་དུ་གྱུར་ཅིང་དགའ་བ་ཐོབ་སྟེ། བཅོམ་ལྡན་འདས་དེ་ཉིད་ལ་སྐྱབས
270b5 སུ་དོང་ངོ་། །བདུད་སྡིག་ཅན་ནི་བདག་ཉིད་དགྲོལ་བར་འདོད་ན་འགྲོལ་མ་ནུས་ཏེ། དེ་བཞིན་གཤེགས་པའི་འཁོར་གྱི་ཁྱམས་སུ་བཅོམ་ལྡན་འདས་ཀྱི་སྤྱན་སྔར་ཤིང་རྩ་བ་ནས་བཅད་པ་བཞིན་དུ་རྡོ་རྗེ་འཁོར་གྱི་ཁྱམས་ཆེན་པོར་འགྱེལ་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་བྱམས་པ་ཆེན
270b6 པོའི་ཐུགས་དང་། ཐུགས་རྗེ་ཆེན་པོས་བརླན་པའི་སྤྱན་གྱིས་དེ་བཞིན་གཤེགས་པའི་འཁོར་གྱི་ཁྱམས་ཐམས་ཅད་དུ་གཟིགས་ནས་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ་ལག་ན་རྡོ་རྗེ་བདུད་སྡིག་ཅན་འདི་འཁོར་གྱི་ཁྱམས་འདི་ནས
270b7 སློང་ལ་སྟན་ལ་ཞོག་སྟེ། རྡོ་རྗེའི་རྣམ་པར་ཐར་པའི་སྒོ་ཆེན་པོའི་ཏིང་ངེ་འཛིན་གྱི་རྣམ་པར་འཕྲུལ་བའི་བའི་བྱིན་གྱིས་བརླབས་བསམ་གྱིས་མི་ཁྱབ་པར་བདུད་ཀྱི་དཀྱིལ་འཁོར་ཐམས་ཅད་འཇོམས་པར་བྱེད་པ་ཞེས་པ་གང་གིས་བདུད་ཀྱི་རིས་ཀྱི་ལྷའི་བུ་འདི་དག་དང་། བདུད་སྡིག་ཅན་འདི་སངས་རྒྱས
iiif viewer powered by OpenSeadragon
