| e-texts navigator |
| Wylie |
260b1 གཡས་པ་ཁུ་ཚུར་བཅངས་ཏེ། མཛུབ་མོ་བརྐྱང་བ་ནས་བསྐྱིལ་བ་ནི་ལྕགས་ཀྱུའི་ཕྱག་རྒྱའོ། །ཐལ་མོ་མཉམ་པར་སྦྱར་ཏེ། མཛུབ་མོ་གཉིས་བཀུག་པ་ནི་མེ་ཏོག་གི་ཕྱག་རྒྱའོ། །སོར་མོ་རྣམས་ཕན་ཚུན་དུ་འཁྱུད་དེ་མཛུབ་མོ་གཉིས་བརྐྱང་བ་ནི་སྤོས་ཀྱི་ཕྱག་རྒྱའོ། །ལག་པ་སོ་སོར
260b2 བརྐྱང་སྟེ། དཔུང་པའི་རྩ་བ་གཉིས་སུ་བཞག་པ་ནི་དྲིའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ཏེ། གུང་མོའི་སོར་མོ་རབ་ཏུ་བརྐྱང་བ་ནི་མར་མེའི་ཕྱག་རྒྱའོ། །འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོ་ལས་ཁྲོ་བོའི་དཀྱིལ་འཁོར་གྱི་ཆོ་ག་རྒྱས་པའི་ལེའུའོ།། །།དེ་ནས་འབྱུང
260b3 པོ་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པར་བཤད་པ། ཨོ~ཾ་ཧྲཱིཿཛཿ། གཞན་གྱིས་མི་ཐུབ་པའིའོ། །ོ~ཾ་ཧཱུ~ཾ་ཛཿ། རྒྱལ་བའིའོ། །ོ~ཾ་ཧྲཱི་ཛཿ། རྫོགས་བྱེད་ཀྱིའོ། །ོ~ཾ་བྷུ~ཾ་ཛཿ། ཀུན་ཏུ་རྫོགས་བྱེད་ཀྱིའོ། །ོ~ཾ་སྲུ~ཾ་ཛཿ། དུར་ཁྲོད་ཀྱི་བདག་པོའིའོ། །ོ~ཾ་རུ་ཛཿ། རིག་སྔགས་ཀྱི་དབང་ཕྱུག་གིའོ། །ོ~ཾ་ཧྲི་ཧཱུ~ཾ་ཛཿ། འབྱུང་པོའི་དབང
260b4 ཕྱུག་གིའོ། །ོ~ཾ་ཨ~ཾ་ཛཿ། མངག་གཞུག་མཆོག་གིའོ། །འབྱུང་པོ་གཞན་གྱིས་མི་ཐུབ་པའི་སྒྲུབ་པའི་ཐབས་བཤད་པ། རྡོ་རྗེ་འཆང་གི་ཁྱིམ་དུ་སོང་སྟེ། སྔོན་དུ་འབུམ་བཟླས་ཏེ། སྔོན་དུ་བསྙེན་པ་བྱས་པར་འགྱུར་རོ། །དེ་ནས་ཟླ་བ་ཉ་ལ་མཆོད་པ་རྒྱ་ཆེན་པོ་བྱས་ཏེ། ཅི་ལྟར་གསུངས
260b5 པའི་འབྲས་ཆན་དཀར་པོ་དང་། སྦྲང་རྩི་དང་ཞོ་དང་། བུ་རམ་དང་འོ་མ་དང་། ཤ་རྣམས་ཀྱིས་མཆོད་ཅིང་གུ་གུལ་གྱི་བདུག་པ་བྱིན་ནས། མཚན་ཐོག་ཐག་བཟླས་ན་ཐོ་རངས་ངེས་པར་འོང་ངོ་། །གལ་ཏེ་ངེས་པར་མ་འོངས་ན་སྐད་ཅིག་དེ་ལ་འཆིའོ། །འོངས་ན་བསྒོ་བ་དོན་མེད་པར་མི་བྱེད
260b6 དོ། །སྒྲུབ་པ་པོས་མངག་གཞུག་གྱིས་ཤིག་ཅེས་བསྒོ་ན་དེ་ཕན་ཆད་མངག་གཞུག་གི་ལས་བྱེད་ལ་རིག་པ་འཛིན་པའི་རྒྱལ་སྲིད་སྟེར་བར་བྱེད་ཅིང་དགྲ་ཐམས་ཅད་ཚར་གཅོད་པར་བྱེད་དོ། །ཟླ་བའི་ལྷ་མོ་བླངས་ནས་སྟེར་ཞིང་རྒྱབ་ཏུ་ཞོན་ན་ལྷའི་འཇིག་རྟེན་དུ་ཡང་འཁྱེར་བར་བྱེད་དོ། །བརྒྱ
260b7 བྱིན་ཉིད་ཀྱང་སྟེར་བར་བྱེད་ཅིང་བསྐལ་པ་བདུན་འཚོའོ། །དེ་ནས་རྒྱལ་བའི་སྒྲུབ་པའི་ཐབས་བཤད་པ། མཚན་མོ་སྦྱིན་བྱེད་མའི་མདུན་དུ་སོང་སྟེ། ཉི་མ་རེ་རེ་སྟོང་ཕྲག་བརྒྱད་བརྒྱད་བཟླས་ན་ཉི་མ་བདུན་པ་ལ་མཆོད་པ་རྒྱས་པར་བྱས་ཏེ། གཏོར་མ་སྦྱིན་ཞིང་གུ་གུལ་གྱི་བདུག་པ་བྱིན་ནས
iiif viewer powered by OpenSeadragon
