| e-texts navigator |
| Wylie |
254b1 ལ་ལོ་ཁྲི་འཚོའོ། །གང་གི་ཚེ་འཆི་བ་ན་རྒྱལ་རིགས་སུ་སྐྱེའོ། །དེ་ནས་བྲང་ན་གནས་པའི་སྒྲུབ་པའི་ཐབས་བཤད་པ། མཚན་མོ་ལྷའི་ཁང་པར་སོང་སྟེ། ཙནྡན་གྱི་བདུག་པ་སྦྱིན་ཞིང་ཁྲི་ཁྲི་བཟླས་ནས་ཟླ་བ་དེ་འདས་པ་དང་། ཅི་ལྟར་འབྱོར་པའི་མཆོད་པ་བྱས་ནས་མཚན་ཐོག་ཐག
254b2 བཟླས་ན་ཐོ་རངས་མྱུར་དུ་འོང་། འོངས་པ་ལ་མེ་ཏོག་གི་སྟན་སྦྱིན་ཞིང་ལེགས་པར་འོངས་སོ་ཞེས་བརྗོད་ན་སྒྲུབ་པ་པོ་བཀའ་ཅི་སྩལ་ཞེས་ཟེར་རོ། །སྒྲུབ་པ་པོས་ཆུང་མ་གྱིས་ཤིག་ཅེས་སྨྲས་ནས། དངུལ་ཆུ་དང་བཅུད་ཀྱིས་ལེན་དང་། དངོས་གྲུབ་ཀྱི་རྫས་སྟེར་རོ། །གཞན་གྱི་བུད
254b3 མེད་ལ་མངོན་པར་བགྲོད་པ་སྤང་བར་བྱ་སྟེ། ལོ་སྟོང་ཕྲག་ལྔ་འཚོའོ། །མཚན་མོ་གཅིག་གཙང་སྦྲ་བྱས་ཏེ། གྲོ་བའི་འདབ་མ་ལ་གུར་གུམ་གྱིས་དཔལ་གྱི་རྒྱན་ཅན་བྲིས་ཏེ། ཙནྡན་གྱི་བདུག་པ་བསྲེག་ཅིང་བཟླས་ལ་ཟླ་བ་དེའི་ཐ་མ་ལ་མཆོད་པ་རྒྱ་ཆེར་བྱས་ཏེ། རེ་ཞིག་བཟླས་ན
254b4 ནམ་ཕྱེད་ན་ངེས་པར་འོང་ངོ་། །འོངས་པ་ལ་མྱུར་དུ་ཆགས་པར་བྱས་ན་དགའ་བར་འགྱུར་ཏེ། དབྱིག་དང་གསེར་དང་མུ་ཏིག་ལ་སོགས་པ་སྟེར་རོ། །ཉི་མ་རེ་རེ་ཞིང་ཟས་བཟང་པོ་སྟེར་ཞིང་དངུལ་ཆུ་དང་བཅུད་ཀྱིས་ལེན་སྟེར་བར་བྱེད་དོ། །བཅོམ་ལྡན་འདས་ཀྱིས་གསུངས་སོ། །ལྷའི
254b5 བུ་མོ་རྣམས་ཀྱི་ཆོ་ག་རྒྱས་པའི་ལེའུའོ། ། །།དེ་ནས་གསང་བའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསུངས་སོ། །གལ་ཏེ་ལྷའི་བུ་མོ་རྣམས་མ་གྲུབ་ན་དེའི་ཚེ་ཁྲོ་བོ་འདི་དང་བཅས་ཏེ་བཟླས་པར་བྱའོ། །ོ~ཾ་ཧྲཱིཿཱ་ཀ་ཌྜཏྱ། ཨཱ་ཌྜཏྱ་ཆེ་གེ་མོ་ཧཱུ~ཾ་ཛཿཕཊ། ཁྲོ་བོ་འདི
254b6 དང་བཅས་ཏེ། བཟླས་པ་ཙམ་གྱིས་སྤྱི་བོ་འགས་ཤིང་དུམ་བུ་བརྒྱད་དུ་འཇིག་གོ། །སྔགས་འདིས་བཅིང་བར་བྱའོ། །ོ~ཾ་བནྡྷ་བནྡྷ་ཧ་ན་ཧ་ན་ཆེ་གེ་མོ་ཧཱུ~ཾ་ཕཊ། སྔགས་འདིས་དབང་དུ་བྱའོ། །ོ~ཾ་ཙ་ལ་ཙ་ལ་ཆེ་གེ་མོ་ས་མ་ན་ཡེ་ཧཱུ~ཾ་ཕཊ། ལྷ་མོ་ཐམས་ཅད་བསྒྲུབ་པའོ། །དེ་ནས་འདིར
254b7 ནི་མི་རྣམས་ལ་ཕན་པའི་དོན་དུ་ལྷ་མོ་བརྒྱད་ཀྱི་ཕྱག་རྒྱ་རབ་ཏུ་བཤད་པར་བྱ་སྟེ། དངོས་གྲུབ་སྣ་ཚོགས་གྲུབ་པར་བྱེད་པ། དཀོན་མཆོག་གསུམ་གནས་པར་བྱེད་པ། སྔགས་བཟླས་པ་བདེ་བར་གྲུབ་པའི་ཕྱག་རྒྱ་ཁྲོ་བོ་ཉིད་ཀྱིས་བཤད་པ་རྒྱུད་རྣམས་ཀྱི་ནང་ནས་མཆོག་ཏུ་གྱུར་པ་འབྱུང་པོ
iiif viewer powered by OpenSeadragon
