| e-texts navigator |
| Wylie |
246b1 བཞུགས་ཤིག་ཅེས་བརྗོད་དོ། །དེའི་འོག་ཏུ་དཔལ་ཁྲོ་བོ་ཆེན་པོའི་ཕྱག་རྒྱ་བཅིངས་ཏེ་གཞུག་ཅིང་འདི་སྐད་ཅེས་བརྗོད་དོ། །ཧཱུ~ཾ་བཛྲ་ཕཊ། འདི་སྐད་བརྗོད་པ་ཙམ་གྱིས་བདག་ཉིད་ཁྲོ་བོ་འཇུག་གོ། །དེ་ནས་སློབ་མ་གཞུག་པར་བྱ་སྟེ། ར་ས་སྔོན་པོས་གདོང་གཡོགས་ནས་ཁྲོ་བོའི
246b2 ཕྱག་རྒྱ་སྤྱི་བོར་བཞག་སྟེ། རྡོ་རྗེའི་ཆུ་ཁར་སྦྱིན་པར་བྱའོ། །ོ~ཾ་ཏིཥྛ་ཏིཥྛ་སིདྡྷི་ཧཱུ~ཾ་ཧཱུ~ཾ། འདིས་སྦྱིན་པར་བྱའོ། །ོ~ཾ་པྲ་བེ་ཤ་ཀྲོ་དྷ་ཧཱུ~ཾ་ཧཱུ~ཾ་ཧཱུ~ཾ་ཨ། འདི་དང་ཁྲོ་བོ་དབབ་པའི་ཕྱག་རྒྱས་དབབ་པར་བྱ་སྟེ། ཡི་གེ་ཧཱུ~ཾ་གིས་རི་རབ་ཀྱི་སྟེང་ན་འདུག་པ་ཡང་འབེབས་ཤིང་འདས་པ་དང་།
246b3 མ་འོངས་པ་དང་། ད་ལྟར་བྱུང་བ་ཡང་སྨྲ་བར་བྱེད་དོ། །དེ་ནས་མེ་ཏོག་དོར་བར་བྱས་ནས་དེའི་འོག་ཏུ་གདོང་གཡོགས་བཀྲོལ་ཏེ་ལྷའི་རིགས་བསྟན་ཅིང་མིང་གི་དབང་བསྐུར་ཏེ། མཆོད་པ་བྱ་ཞིང་ཕྱག་རྒྱ་དང་སྔགས་ཀྱང་བསླབ་པར་བྱའོ། །འབྱུང་པོ་འདུལ་བའི་རྒྱུད་ཆེན་པོ་ལས
246b4 དངོས་གྲུབ་ཀྱི་ཆོ་ག་རྒྱས་པའི་ལེའུ་རྫོགས་སོ། ། །།དེ་ནས་འདིར་འབྱུང་པོ་འདུལ་བའི་རྒྱུད་ཆེན་པོ་ལས་ཆོ་ག་རྒྱས་པར་བཤད་པ། དང་པོ་རེ་ཞིག་ལག་པ་གཉིས་ལ་ཟླ་བའི་དཀྱིལ་འཁོར་བསྒོམས་ཏེ། དེ་དག་གི་དབུས་སུ་ཡི་གེ་ཧཱུ~ཾ་འབར་བའི་ཕྲེང་བ་འཁྲུག
246b5 པར་བསམས་ཏེ། སྔགས་འདི་བཟླས་པར་བྱའོ། །ོ~ཾ་སིདྡྷི་བཛྲ་ཧཱུ~ཾ། དེ་ནས་སྡིག་པ་ཐམས་ཅད་འཇོམས་པའི་སྔགས་བཟླས་ཏེ། སྙིང་གར་ཟླ་བའི་དཀྱིལ་འཁོར་བསམས་ཏེ། དེའི་སྟེང་དུ་ཡི་གེ་ར་དམར་པོ་ཐིག་ལེ་དང་བཅས་པའི་འབར་བའི་ཕྲེང་བ་འཁྲུགས
246b6 པར་བསམས་ནས་སྡིག་པ་ཐམས་ཅད་འཇོམས་པའི་སྔགས་འདི་བཟླས་སོ། །ོ~ཾ་ཧ་ན་བི་དྷྭན་ས་ཡ་བི་དྷྭན་ས་ཡ། ནཱ་ཤ་ཡ་སྭཱ་བཾ་ཧཱུ~ཾ་ཕཊ། འདིའི་རྗེས་ཐོགས་ཁོ་ནར་སྟོང་པ་ཉིད་དུ་བསྒོམས་ཏེ། མདུན་དུ་མེ་ཏོག་ཀུནྡ་དང་། ཤེལ་ལྟ་བུར་བལྟས་ནས་དེའི་དབུས་སུ་ཡི་གེ་ཧཱུ~ཾ་དང་།
246b7 པདྨ་འདབ་མ་བརྒྱད་པ་རྣམ་པར་བསམས་ཏེ། དེའི་དབུས་སུ་ཡི་གེ་ཧཱུ~ཾ་འབར་བའི་ཕྲེང་བ་ཀུན་ནས་འཁྲུགས་པ་རྣམ་པར་བསམས་ལ། ཁྲོ་བོ་དབབ་པའི་སྔགས་འདིས་དབབ་པར་བྱའོ། །ོ~ཾ་ཀྲོ་དྷ་ཨཱ་བེ་ཤ་ཡ་ཧཱུ~ཾ་ཧཱུ~ཾ་ཧཱུ~ཾ་ཨ། དེ་ནས་ཁྲོ་བོ་དབབ་པའི་ཕྱག་རྒྱ་བཅིངས
iiif viewer powered by OpenSeadragon
