| e-texts navigator |
| Wylie |
99b1 དུ་བརྒྱད་བརྒྱ་བྱའོ། ། །།ཐུན་གཅིག་གམ། ཕྱོགས་སམ། ཟླ་བ་ལ་རྒྱལ་པོ་འབངས་སུ་འགྱུར་བས་དབང་དུ་འགྱུར་རོ། །འཁོར་ལོས་སྒྱུར་བ་ལ་ཡང་ལན་ཚྭ་སྲང་བརྒྱད་ཀྱིས་གཟུགས་བྱས་ནས་རྒྱལ་པོའི་མེ་ལ་དེའི་རྐང་པ་གཡོན་པ་ནས་བརྩམས་ནས་རལ་གྲི་རྣོན་པོས་གཏུབ་ཅིང
99b2 སྦྱིན་སྲེག་བྱའོ། ། །།ཟླ་བ་གཅིག་གིས་རྒྱལ་པོ་དབང་དུ་འགྱུར་རོ། །འདི་ནི་ཆོ་ག་གཞན་ཏེ་དགྲ་མངོན་པར་མ་ལྷུང་བའི་རྐང་མཐིལ་གྱིས་མནན་པའི་རྡུལ་ཡོངས་སུ་བླངས་ནས་གླང་ཆེན་སྡོང་པོའི་ཤིང་གིས་མེ་རབ་ཏུ་སྦར་ནས་གཡས་པ་ལས་ཅིག་ཤོས་ཀྱི་ལག་པ་བླངས་ནས་ལན
99b3 ཅིག་ཡོངས་སུ་བཟླས་པའི་སྲེག་བླུགས་སྟོང་ཕྲག་བརྒྱད་སྦྱིན་སྲེག་བྱ་སྟེ། ཟླ་བ་གཅིག་ལ་རྒྱལ་པོ་དབང་དུ་འགྱུར་རོ། །འདི་ནི་ཆོ་ག་གཞན་ཏེ་རྒྱལ་པོའི་རྐང་འཐུང་གི་ཤིང་གིས་མེ་སྦར་ནས་ཡུངས་ཀར་རྒྱལ་པོ་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག
99b4 བརྒྱད་བྱ་སྟེ། ཟླ་བ་གཅིག་ལ་སའི་བདག་པོ་དབང་དུ་འགྱུར་རོ། །འདི་ནི་ཆོ་ག་གཞན་ཏེ་ཐོག་མར་ཡང་ལྗོན་པའི་རྒྱལ་པོའི་ཤིང་གིས་མེ་སྦར་ནས་སྲ་རྩི་པོག་དང་ལན་ཚྭ་ལྷན་ཅིག་པ་ལ་མར་གྱིས་བསྲེས་པའི་སྦྱིན་སྲེག་བརྒྱད་ལྷག་པའི་སྟོང་ཕྲག་གཅིག་བྱས་ན་སའི་དབང་པོ་བསྒོ
99b5 བ་བཞིན་བྱེད་པར་འགྱུར་རོ། །འདི་ནི་ཆོ་ག་གཞན་ཏེ་མ་བླངས་པའི་ཀ་ར་བཱི་རའི་མེ་ཏོག་དམར་པོ་བཏགས་ནས་གཟུགས་བརྙན་བྱས་ཏེ་རྐང་པ་གཡས་པ་ནས་བརྩམས་ནས་རལ་གྲིས་གཏུབ་ཅིང་གཏུབ་ཅིང་ཀ་ར་བཱི་རའི་ཡམ་ཤིང་གི་མེ་ལ་སྦྱིན་སྲེག་སྟོང་ཕྲག་བརྒྱད་བྱ། ཟླ་བ
99b6 རེ་རེ་ལ་གཟུགས་བརྙན་སྲང་སུམ་ཅུ་སོ་དྲུག་པ་བྱའོ། །དེ་ནས་རྒྱལ་པོ་དབང་དུ་འགྱུར་རོ། །ཆོ་ག་གཞན་ནི་མེ་ཏོག་དམར་པོ་དང་ལན་ཚྭ་ཕན་ཚུན་བསྲེས་ཏེ་བཏགས་ནས་སྲང་བརྒྱད་ཀྱིས་གཟུགས་བརྙན་བྱས་ནས་རྐང་པ་གཡས་པ་ནས་བརྩམས་ནས་རལ་གྲི་རྣོན་པོས་གཏུབ་ཅིང
99b7 གཏུབ་ཅིང་སྦྱིན་སྲེག་བྱའོ། །དེ་ནས་ཤིང་བྱས་པ་དེ་བཞིན་དུ་ཟླ་བ་གཅིག་ལ་ཉི་མ་རེ་རེ་ལ་བྱས་ན་སའི་བདག་པོ་དབང་དུ་འགྱུར་རོ། །འདི་ནི་ཆོ་ག་གཞན་ཏེ་སྐེ་ཚེ་དང་། ཨུཏྤ་ལ་སྔོན་པོ་བསྲེས་ཏེ་བཏགས་པ་སྲང་བཅུ་དྲུག་གིས་གཟུགས་ཀྱི་གཟུགས་བརྙན་བྱས་ནས་མནན་ཏེ
iiif viewer powered by OpenSeadragon
