| e-texts navigator |
| Wylie |
99a1 བ་འདིས་ལས་བྱེད་པར་འགྱུར་རོ། །དེ་དང་འདི་ཁོ་ནའི་ལག་མཐིལ་དུ་དངོས་གྲུབ་སོ་སོར་གནས་པར་རྗེས་སུ་རྟོགས་པར་བྱའོ། །ལས་འདི་ཡང་གསོ་སྦྱོང་ཅན་གྱིས་སྔོན་བཟླས་པ་བྱས་པ་དག་འཕགས་པ་ཇི་ལྟ་བ་བཞིན་དུ་རྟོགས་པར་བྱའོ། །གསང་བའི་ཉེ་བར་སྤྱོད
99a2 པའི་ཆོ་གའོ། །སྒྲུབ་ཐབས་གཞན་གྱི་ཆོ་ག་ནི་རྒྱ་མཚོའི་འགྲམ་དུ་སོང་ནས་བདེ་བར་གཤེགས་པའི་མཐོ་གང་གི་ཚད་མཆོད་རྟེན་སྟོང་ཕྲག་བརྒྱད་བྱས་ནས། རེ་རེའི་སྤྱན་སྔར་དྲི་དང་མེ་ཏོག་ལ་སོགས་པ་ཕུལ་ཏེ། སྟོང་ཕྲག་བརྒྱད་དུ་བཟླས་པར་བྱའོ། །རྫོགས་པའི་དུས་སུ་ཡང
99a3 སློང་མོ་བཟའ་བར་བྱ་སྟེ་ཡོན་དབུལ་བར་བྱའོ། །དེ་ནས་རིག་པ་འགྲུབ་པར་འགྱུར་རོ། །ཆོ་ག་གཞན་ནི་ཆུ་བོའི་འགྲམ་དུ་ཆོ་གས་འབུམ་བཟླས་པར་བྱ་སྟེ་འགྲུབ་པར་འགྱུར་རོ། །ཆོ་ག་གཞན་འདི་ཡང་ཡོད་དེ། རིའི་རྩེ་མོར་འབུམ་བཟླས་པར་བྱ་སྟེ། འགྲུབ་པར་འགྱུར་རོ། །
99a4 འདི་ནི་ཆོ་ག་གཞན་ཏེ་མར་གྱི་སྲེག་བླུགས་ཀྱིས་སྦྱིན་སྲེག་འབུམ་བྱ་སྟེ། འགྲུབ་པར་འགྱུར་རོ། །འདི་ནི་ཆོ་ག་གཞན་ཏེ་ཏིལ་ནག་པོ་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་འབུམ་བྱ་སྟེ། འགྲུབ་པར་འགྱུར་རོ། །ཆོ་ག་གཞན་ནི་ཨ་ག་རུ་ནག་པོའི་ཡམ་ཤིང་གིས
99a5 སྦྱིན་སྲེག་འབུམ་བྱ་སྟེ། འགྲུབ་པར་འགྱུར་རོ། །ཆོ་ག་གཞན་ནི་མེ་ཏོག་ཐམས་ཅད་ཀྱིས་སྦྱིན་སྲེག་འབུམ་བྱའོ། །འདི་ནི་ཆོ་ག་གཞན་ཏེ་ཐང་ཆུ་ཐམས་ཅད་ཀྱིས་སྦྱིན་སྲེག་འབུམ་བྱ་སྟེ་འགྲུབ་པར་འགྱུར་རོ། །ཆོ་ག་གཞན་ནི་མཆོད་རྟེན་ཆེན་པོ་རྣམས་ལ་མངོན་པར་ཕྱག་འཚལ་ཞིང
99a6 འབུམ་བཟླས་པར་བྱ་སྟེ། འགྲུབ་པར་འགྱུར་རོ། །དེ་བཞིན་དུ་སྒྲུབ་པའི་ཐབས་འདི་རྣམས་ནི་དེ་ནས་ལས་སུ་འགྱུར་རོ། །དྲན་པ་ཙམ་གྱིས་བདག་ཉིད་སྲུང་བར་འགྱུར་རོ། །བཟླས་པ་ཙམ་གྱིས་ཞི་བར་བྱེད་དོ། །ཡུངས་ཀར་དཀར་པོའི་སྦྱིན་སྲེག་རྒྱས་པར་འགྱུར་རོ། །བོང་བུ
99a7 དང་རྔ་མོའི་སྦངས་ཀྱིས་མངོན་སྤྱོད་ཅན་དུ་འགྱུར་རོ། །སྐེ་ཚེའི་འབྲུ་དང་མེ་ཏོག་གི་རྒྱལ་པོའི་གཟུགས་བརྙན་བྱས་ནས་རྐང་པ་གཡས་པ་ནས་བརྩམས་ཏེ་མཚོན་རྣོན་པོས་གཏུབ་ཅིང་གཏུབ་ཅིང་སྦྱིན་སྲེག་སྟོང་ཕྲག་བརྒྱད་བྱའོ། །དེ་ཉིད་ལ་མར་གྱི་སྲེག་བླུགས་ཉིན་ཞག་བདུན་དུ་ཐུན་གསུམ
iiif viewer powered by OpenSeadragon
