| e-texts navigator |
| Wylie |
98b1 དེ་ནས་བུ་རམ་གྱི་སྲེག་བླུགས་བདུན་སྦྱིན་སྲེག་བྱའོ། །དེ་ནས་སྲ་རྩི་བོག་གི་ཕྱེ་མའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་ལྕགས་ཀྱི་ཕྱེ་མ་མར་གྱིས་བཏགས་པའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་ས་ལ་མ་ལྷུང་བའི་བ་ལང་གི་ལྕི་བ་ལ་མར་གྱིས་བཏགས
98b2 བའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་བིལ་བའི་འབྲུ་ལ་ཞོ་དང་། སྦྲང་རྩི་དང་མར་གྱིས་བཏགས་པའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་ཏིལ་ནག་པོ་དང་འབྲས་ཡོས་ལྷན་ཅིག་པ་ལ་ཞོ་དང་སྦྲང་རྩི་དང་། མར་གྱིས་བཏགས་པ་རྣམས་དང་། གསེར་དང
98b3 དངུལ་གྱི་ཕྱེ་མ་ཕན་ཚུན་བསྲེས་པའི་སྦྱིན་སྲེག་བརྒྱད་བརྒྱ་བྱའོ། །བར་སྐབས་འདིར་སྒྲུབ་པ་པོ་ལྷ་ཐམས་ཅད་ཀྱིས་ཀུན་ཏུ་གཟིགས་པར་བྱེད་དོ། །དེ་དང་འདི་ཡང་བདག་གི་མཆོག་ཏུ་གསང་ཆེན་གྱི་གསང་བའི་སྒྲུབ་པ་ཉེ་བར་སྤྱོད་པའི་ཆོ་གའོ། །དེ་ལངས་ནས་དཀྱིལ་འཁོར
98b4 ལ་བསྐོར་བར་བྱས་ཏེ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་བླ་མ་ལ་ཡོན་གྱི་མཆོག་ཕུལ་ཏེ། གང་གིས་སམ། དེའི་ཐད་ཀར་ཡང་རུང་སྟེ་ཞུ་བར་བྱའོ། །དཀྱིལ་འཁོར་བྲིས་པར་ལྷ་རྣམས་མཐོང་ནས་བླ་མ་ལ་ཕྱག་བཙལ་ཏེ་མངོན་པར
98b5 དབང་བསྐུར་བ་དང་། དངོས་གྲུབ་ཀྱི་རྗེས་སུ་གནང་བ་ཡང་ཞུ་བར་བྱའོ། །དེ་ནས་ལས་གྲུབ་པའི་ཆོ་ག་འདིས་མཆོག་ཏུ་ཚུལ་ཁྲིམས་འཆལ་པས་ཀྱང་བཅོམ་ལྡན་འདས་མ་འགྲུབ་པར་འགྱུར་རོ། །སྒྲུབ་ཐབས་ཀྱི་ཉེ་བར་སྤྱོད་པའི་ཆོ་ག་འདི་མཆོག་ཏུ་གསང་བ་ཤིན་ཏུ་གསང
98b6 ཆེན་ཏེ། མདོར་ན་ལས་གང་ཡང་ཅི་ཡིན་པ་འདིས་བྱེད་པའང་བྱེད་པར་འགྱུར་རོ། །དེའི་ཐམས་ཅད་ཞི་བ་ཅན་དང་། རྒྱས་པ་ཅན་དང་། མངོན་པར་མཛེས་པའི་ལས་རྣམས་ནི་ཇི་ལྟ་ཇི་ལྟར་སྒྲུབ་པར་བྱེད་པ་དེ་ལྟ་དེ་ལྟར་སྒྲུབ་པ་ཉེ་བར་འགྲོའོ། །དེ་ལྟར་ཡང་རིག་པ་རབ་ཏུ་སྦྱར་བ་དེ
98b7 ལྟ་དེ་ལྟར་ལེགས་པར་རབ་ཏུ་སྦྱར་བར་འགྱུར་རོ། །ཇི་ལྟར་ཡང་སྒྲུབ་པར་བྱེད་པ་དེ་ལྟར་སྒྲུབ་པར་བྱེད་དེ་ལས་དེ་དང་འདི་རིག་པ་ཐམས་ཅད་དགའ་བ་ཞེས་པ་དེ་དང་འདིས་ལས་རྣམས་མཆོག་ཏུ་སྒྲུབ་པ་ཉེ་བར་སྐྱེའོ། །མདོར་ན་བདག་གི་སེང་གེའི་སྒྲ་འདི་གང་ལ་ལ་རིག་པ་ལ་དགའ
iiif viewer powered by OpenSeadragon
