| e-texts navigator |
| Wylie |
98a1 བྱའོ། །དེ་ནས་ར་གན་གྱི་ཕྱེ་མ་ལ་འོ་མས་བཏགས་པའི་སྦྱིན་སྲེག་བརྒྱད་བརྒྱ་བྱའོ། །དེ་ནས་ཟངས་ཀྱི་ཕྱེ་མ་ལ་ཞོས་བཏགས་པའི་སྦྱིན་སྲེག་བརྒྱད་བརྒྱ་བྱའོ། །དེ་ནས་མུ་ཏིག་གི་འབྲས་བུའི་ཕྱེ་མས་སྦྱིན་སྲེག་བརྒྱད་བརྒྱ་བྱའོ། །དེ་ནས་ཙནྡན་དམར་པོའི་ཕྱེ
98a2 མས་སྦྱིན་སྲེག་བརྒྱད་བརྒྱ་བྱའོ། །དེ་ནས་ཙནྡན་དམར་པོའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་བརྒྱད་བརྒྱ་བྱའོ། །དེ་ནས་འབྲུ་དང་བཟའ་བ་དང་ལོངས་སྤྱོད་ལ་སོགས་པ་ཐམས་ཅད་ཀྱིས་སྦྱིན་སྲེག་བརྒྱད་བརྒྱ་བྱའོ། །དེ་ནས་དཀར་པོར་རྣམ་པར
98a3 བཏགས་པ་ལེགས་པར་བཀྲུས་ཤིང་དྲི་ཞིམ་པོའི་གོས་སྐྲ་དང་བྲལ་བའི་སྦྱིན་སྲེག་བརྒྱད་བརྒྱ་བྱའོ། །རེ་རེ་ལ་ལན་རེ་ཡོངས་སུ་བཟླས་ནས་དེ་ནས་གུ་གུལ་དང་། ཤྲི་བ་ས་དང་། གནྡྷ་རས་དང་། ཀུན་ཏུ་རུ་ཀ་དང་། ག་བུར་རྣམས་གཅིག་ཏུ་བྱས་ནས་མར་གྱིས་བཏགས་པའི
98a4 སྲེག་བླུགས་བདུན་དབུལ་བར་བྱའོ། །དེ་ནས་ཇི་ལྟར་རྙེད་བའི་འབྲས་བུ་ལ་སོགས་པ་རྣམས་ཀྱིས་སྲེག་བླུགས་བདུན་སྦྱིན་སྲེག་བྱའོ། །དེ་ནས་དྲི་བཟང་པོའི་མེ་ཏོག་རྣམས་ཀྱིས་སྲེག་བླུགས་བདུན་སྦྱིན་སྲེག་བྱའོ། །དེ་ནས་བཟའ་བ་མཆོག་གི་སྲེག་བླུགས་བདུན་སྦྱིན
98a5 སྲེག་བྱའོ། །དེ་ནས་གཞོན་ནུ་མས་བཀལ་བའི་སྐུད་པ་ཆ་དང་བཅས་པར་བྱས་པ་ལ་མར་གྱིས་བཏགས་པའི་སྲེག་བླུགས་བདུན་སྦྱིན་སྲེག་བྱའོ། །ཀ་ར་བཱི་རའི་མེ་ཏོག་གིས་སྲེག་བླུགས་བདུན་སྦྱིན་སྲེག་བྱའོ། །དེ་ནས་མར་གྱི་སྲེག་བླུགས་བདུན་སྦྱིན་སྲེག་བྱའོ། །
98a6 དེ་ནས་ཐལ་བའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་སྡོང་བུ་ཅན་འབྲས་བུ་མེད་པ་རྣམས་ལ་བར་གྱིས་བཏགས་པའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་མར་སར་གྱི་སྲེག་བླུགས་བདུན་སྦྱིན་སྲེག་བྱའོ། །དེ་ནས་གེ་སར་གྱི་ཕྱེ་མའི་སྲེག་བླུགས
98a7 བདུན་སྦྱིན་སྲེག་བྱའོ། །དེ་ནས་དར་བའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་ཡུང་བའི་ཕྱེ་མ་ལ་མར་གྱིས་བཏགས་པའི་སྲེག་བླུགས་བདུན་སྦྱིན་སྲེག་བྱའོ། །དེ་ནས་རྒྱམ་ཚ་དང་། ལན་ཚྭ་ལ་མར་གྱིས་བཏགས་པའི་སྲེག་བླུགས་བདུན་སྦྱིན་སྲེག་བྱའོ། །
iiif viewer powered by OpenSeadragon
