| e-texts navigator |
| Wylie |
97b1 བསྐྱེད་པ་དང་། རལ་པ་གྱེན་བརྫེས་སུ་ཇི་སྐད་གསུངས་པའི་དཀྱིལ་འཁོར་མཐོང་ཞིང་། དམ་ཚིག་དང་། སློབ་དཔོན་གྱིས་རྗེས་སུ་གནང་བ་དང་། སྒྲུབ་པའི་ཐབས་དང་། མངོན་པར་དབང་བསྐུར་བས་མངོན་པར་དབང་བསྐུར་བ་བླ་མ་ལ་ཡོན་ཕུལ་ནས་དཀྱིལ་འཁོར་གྱི་ནང་དུ་རིག་པ་བླངས
97b2 ཏེ་རས་རིས་ཀྱི་སྤྱན་སྔར་རམ། སྐུ་གཟུགས་ཀྱི་དྲུང་དུ་སླར་ཡང་སྒྲོལ་མ་གང་ཡང་རུང་བའི་རིག་པ་བླང་པར་བྱས་ནས་དཀར་པོའི་ཚེས་གཅིག་ནས་བརྩམས་ཏེ་འབུམ་བཟླས་པར་བྱའོ། །དུས་ཕྱིས་མཚན་མོ་གསུམ་དུ་སྨྱུང་བར་གནས་པས་ཟླ་བ་ཉ་ལ་སྐུ་གཟུགས་སམ། རས་རིས
97b3 ཀྱི་སྤྱན་སྔར་མཆོད་པ་དང་གཏོར་མའི་ཆོ་ག་བྱས་ནས་འོ་མ་ཅན་གྱི་ཡམ་ཤིང་གིས་མེ་སྦར་ནས་སེང་ལྡེང་ངམ། ཨ་ག་རུ་ནག་པོའི་ཡམ་ཤིང་སོར་དྲུག་པའི་ཚད་ཀྱིས་སྦྱིན་སྲེག་སྟོང་ཕྲག་བརྒྱད་བྱའོ། །ནམ་ལངས་ཁར་མཚན་མོ་མཆོད་པ་ཆེས་རྒྱ་ཆེན་པོ་དང་། གཏོར་མའི་ཆོ
97b4 ག་ཇི་ལྟར་འབྱོར་པ་བྱས་ནས་སློང་མོའི་ཟས་ཟོས་ནས་དངོས་གྲུབ་སྩལ་བར་བྱའོ། །དེ་ནས་རིག་པ་འགྲུབ་པར་འགྱུར་རོ། །དེ་ནས་ལས་ཐམས་ཅད་བྱའོ། །ཡང་འདིར་མཆོག་ཏུ་གསང་བའི་སྒྲུབ་པའི་ཆོ་ག་གཞན་འབྱུང་སྟེ། བཅོམ་ལྡན་འདས་མའི་དཀྱིལ་འཁོར་ཆེན
97b5 པོ་མཐོང་ནས་དཀྱིལ་འཁོར་དེ་ཉིད་དུ་དམ་ཚིག་དང་མེའི་བྱ་བ་གནས་པར་ཇི་སྲིད་གསུངས་པའི་ཆོ་གས་རིག་པ་སྒྲུབ་པར་འདོད་པས་སྒྲུབ་ཐབས་ཀྱི་ཆོ་ག་རིག་པ་རྣམ་པར་གསང་བའི་ཇི་སྐད་གསུངས་པས་དཀྱིལ་འཁོར་གཞན་གསུམ་བྲི་སྟེ། བླ་མ་ལ་ཡོན་རབ་ཏུ་ཕུལ་ནས
97b6 དཀྱིལ་འཁོར་གྱི་དབུས་སུ་རིག་པ་བླངས་ནས་འོ་མ་ཅན་གྱི་ཤིང་གི་ཡམ་ཤིང་གིས་མེ་སྦར་ནས། དང་པོར་རེ་ཞིག་ཏུ་ཊིའི་ཚད་ཀྱི་གསེར་གྱི་ཕྱེ་མ་ལ་མར་གྱིས་བཏགས་པའི་སྦྱིན་སྲེག་བརྒྱད་བརྒྱ་བྱའོ། །དེ་ནས་ཨ་ག་རུ་ནག་པོའི་ཡམ་ཤིང་མཐོ་གང་ཙམ་གྱི་ཚད་དང་མར
97b7 རྣམས་ཀྱིས་སྦྱིན་སྲེག་བརྒྱད་བརྒྱ་བྱའོ། །ཙནྡན་དཀར་པོའི་ཡམ་ཤིང་ལ་མར་གྱིས་བཏགས་པའི་སྦྱིན་སྲེག་བརྒྱད་བརྒྱ་བྱའོ། །དེ་ནས་སླར་ཡང་གསེར་གྱི་ཕྱེ་མ་ལ་མར་གྱིས་བཏགས་པའི་སྦྱིན་སྲེག་བརྒྱད་བརྒྱ་བྱའོ། །དེ་ནས་དངུལ་གྱི་ཕྱེ་མ་ལ་སྦྲང་རྩིས་བཏགས་པའི་སྦྱིན་སྲེག་བརྒྱད་བརྒྱ
iiif viewer powered by OpenSeadragon
