| e-texts navigator |
| Wylie |
97a1 མཆོད་པ་རྒྱ་ཆེན་པོ་བྱས་ནས་ཆོས་དང་། ཆོས་ཡང་དག་པར་སྡུད་པ་པོ་ལ་ཡང་བསོད་སྙོམས་དང་། ཐེག་པ་ཆེན་པོ་ལ་བཟའ་བ་གྱ་ནོམ་པ་དང་། ཁྱད་པར་དུ་ཡོན་དང་བཅས་པའོ། །དེ་ནས་འདི་རྫོགས་པར་བྱའོ། །དེ་བཞིན་དུ་བྱ་སྟེ་རྟོག་པའི་རྒྱལ་པོ་ཇི་ལྟ་བ་བཞིན་དུ
97a2 རྟོག་པའི་རྒྱལ་པོའི་རིག་པའི་གསང་སྔགས་བཀླག་པར་བྱ་སྟེ་དེ་བཞིན་དུ་དམན་པར་མི་འགྱུར་རོ། །ཇི་ལྟར་མྱུར་དུ་དངོས་གྲུབ་ཉིད་ཀྱང་སྩོལ་བར་བྱེད་དོ། །བཅོམ་ལྡན་འདས་བྱང་ཆུབ་སེམས་དཔའ་ཆེན་པོས་འདི་སྐད་ཅེས་བཀའ་སྩལ་པ་དང་། ལྷ་དང་བཅས་པའི་འཇིག་རྟེན་བཅོམ་ལྡན་འདས་ཀྱིས
97a3 གསུངས་པ་ལ་མངོན་པར་དགའོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཤིན་ཏུ་རྒྱས་པ་ཆེན་པོ་ཉིད་ཀྱི་རྟོག་པའི་རྒྱལ་པོ་རལ་པ་གྱེན་བརྫེས་ཞེས་བྱ་བ་བཅོམ་ལྡན་འདས་འཕགས་མ་སྒྲོལ་མའི་རྟོག་པ་རྫོགས་སོ།། །།དེ་ནས་བཅོམ་ལྡན
97a4 འདས་རིའི་རྒྱལ་པོ་གྲུ་འཛིན་ན་བཞུགས་ཏེ། དེར་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་ལ་བོས་ཏེ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་ཁྱོད་ཀྱིས་རལ་པ་གྱེན་བརྫེས་ཀྱི་རྟོག་པའི་རྒྱལ་པོ་ཆེན་པོ་དེ་བཤད་དོ། །
97a5 ད་ནི་ཕྱི་མའི་རྒྱུད་གསང་བ་དེ་གསང་ཆེན་ཕྱི་མ་དང་བཅས་པ་ཐབས་སླ་བ་བདེ་བླག་ཏུ་སྒྲུབ་པ། ཆོ་ག་དང་བཅས་པ་སྔོན་དུ་འགྲོ་བས་བརྗོད་པ་སྙིང་རྗེ་ཆེན་པོའི་བདག་ཉིད་ཅན་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བའི་ཆེད་དང་། སྡུག་བསྔལ་གྱིས་གདུངས་བ་རྣམས
97a6 ལ་སྙིང་བརྩེ་བའི་ཆེད་དང་། སྔོན་གྱི་སངས་རྒྱས་རྣམས་ཀྱིས་རྗེས་སུ་ཡི་རང་བར་མཛད་པ། སྒྲོལ་མ་ཐམས་ཅད་ཀྱི་ཐུན་མོང་བའི་རིག་པ། རལ་པ་གྱེན་བརྫེས་རྟོག་པའི་རྒྱལ་པོ་ཉིད་ཀྱི་སྦྱོར་བ་རྣམས་ཤོད་ཅིག་།བཅོམ་ལྡན་འདས་ལ་སེམས་དཔའ་ཆེན་པོས་འདི་སྐད་ཅེས་གསོལ
97a7 ཏེ། བཅོམ་ལྡན་འདས་དེ་བཞིན་གཤེགས་པས་རྗེས་སུ་གནང་བ་དང་། སངས་རྒྱས་བཅོམ་ལྡན་འདས་གཞན་རྣམས་ཀྱིས་ཀྱང་རྗེས་སུ་ཡི་རང་བར་མཛད་ན་བཤད་པར་བགྱིའོ། །དང་པོ་ཁོ་ནར་སྒྲུབ་པོས་རེ་ཞིག་སྐྱབས་གསུམ་ཡོངས་སུ་བཟུང་བ་དང་། བྱང་ཆུབ་ཏུ་སེམས
iiif viewer powered by OpenSeadragon
