| e-texts navigator |
| Wylie |
96b1 རྟོག་པ་གཞན་གྱི་ཆོ་གས་ཀྱང་ངོ་། །གང་འདོད་པ་དེ་དབང་དུ་བྱེད་པར་འགྱུར་རོ། །ཡང་ན་ཉེ་བར་འཇོམས་པར་བྱེད་པར་འགྱུར་རོ། །མདོར་ན་གང་འདོད་པ་དེ་སྒྲུབ་པར་བྱེད་དོ། །དེ་ནས་སེམས་དཔའ་ཆེན་པོ་དེ་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས།
96b2 བསམ་པ་རྣམ་པར་དག་པས་སེམས་དཔའ་ཆེན་པོ་རྣམས་ལ་སྨྲས་པ། གང་རྟོག་པའི་རྒྱལ་པོ་འདིར་སྒྲུབ་པར་འགྱུར་བ་དང་། མཆོད་པར་འགྱུར་བ་དང་། ཡི་གེར་འདྲི་བར་འགྱུར་བ་དེ་རྣམས་དོན་ཐམས་ཅད་ཀྱི་དངོས་གྲུབ་འབྱུང་བར་འགྱུར་རོ། །སེམས་ཅན་ཐམས་ཅད་ལ་བྱམས
96b3 པའི་སེམས་དང་། སེམས་ཅན་ཐམས་ཅད་ལ་ཀུན་ནས་དགའ་བ་ཡང་འབྱུང་བར་འགྱུར་རོ། །སྲུང་བར་བྱེད་པར་འགྱུར་རོ། །གང་དུ་རྟོག་པའི་རྒྱལ་པོ་འདི་ཡང་འབྱུང་བར་འགྱུར་བ་མཆོད་རྟེན་དུ་འགྱུར་བ་དང་། ས་ཕྱོགས་དེ་གང་ཉིད་ཀྱིས་ལག་མཐིལ་དུ་ཕྱིན་པར་འགྱུར་རོ། །
96b4 མཆོད་པ་འདི་ལྷ་དང་བཅས་པའི་འཇིག་རྟེན་ན་རིགས་ཀྱི་བུའམ་རིགས་ཀྱི་བུ་མོ་གང་ལ་ལས་ཆོས་ཀྱི་རྣམ་གྲངས་འདི་ཐོབ་པ་དེས་ཐམས་ཅད་དུ་རྣལ་འབྱོར་དུ་བྱའོ། །སེམས་ཅན་ཐམས་ཅད་ཀྱི་སྟོབས་དང་སྟོབས་མེད་པ་ཤེས་ནས་རབ་ཏུ་གསལ་བར་བྱའོ། །འདི་ཡང་གཙང་མའི་ཕྱོགས
96b5 སུ་ཐམས་ཅད་ཀྱིས་རབ་ཏུ་སྤྱོད་པར་འགྱུར་གྱིས་གཞན་དུ་མ་ཡིན་ནོ། །གང་ཞིག་བྱེད་པ་དེ་མངོན་པར་འདོད་པ་མེད་པ་སེམས་ཅན་གྱི་བསམ་པ་སྤང་བ་དང་། ཆོས་དང་ཆོས་སྨྲ་བ་པོ་ལ་མ་གུས་པ་ལ་མི་འཇུག་པའི་རབ་ཏུ་སྦྱོར་བས་རབ་ཏུ་སྦྱར་བར་བྱའོ། །རྟོག་པའི་རྒྱལ་པོ་འདིར་སྒྲུབ་པ
96b6 པོ་ཐམས་ཅད་ཀྱིས་སྲུང་བའི་དོན་དུ་ལྷག་མ་དང་། ལྷག་མ་མེད་པ་ཡང་རུང་སྟེ་གཙང་སྦྲ་བྱས་པས་སྲུང་བའི་དོན་དུ་རིག་པའི་རྒྱལ་པོའི་སྔགས་སུ་འགྱུར་བ་ནི། ན་མོ་རེཏྣ་ཏྲ་ཡཱ་ཡེ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭ་ཡ། མ་ཧཱ་སཏྭཱ་ཡ། ཨོཾ་ཨ་མྲྀ་ཏ་ཨུད་བྷ་བ་ཧཱུ~ཾ་ཕཊ་སྭཱ་ཧཱ།
96b7 འདི་ནི་རྟ་མགྲིན་ཞེས་བྱ་བའི་རིག་པའི་རྒྱལ་པོ་སྟེ། ཐལ་བ་ལ་ལན་བདུན་མངོན་པར་བསྔགས་པས་བདག་ཉིད་སྲུང་བ་དང་། གཡོག་སྲུང་བ་ལ་མདུད་པའི་སྤྱོད་པ་བྱའོ། །རྟོག་པའི་རྒྱལ་པོ་འདི་ཡང་རྒྱལ་ལམ། ཐ་སྐར་ཡང་རུང་སྟེ་དགེ་བའི་སྦྱོར་བ་ལ་མཆོད་པ་དང་། གཏོར་མའི་ཚོགས
iiif viewer powered by OpenSeadragon
