| e-texts navigator |
| Wylie |
95b1 ཕྱག་རྒྱ་གཉིས་པ་རལ་གཅིག་མའིའོ། །ཕན་ཚུན་སྦྱར་བྱས་ལྷག་མ་ཕྱི་རོལ་དུ་སྐྲའི་རྣམ་པར་རབ་ཏུ་བརྐྱང་ནས་དབུས་མ་གཉིས་ནི་མདུང་གི་རྣམ་པར་ལེགས་པར་གནས་པའི་ཕྱག་རྒྱ་ནི་མདུང་དུ་ཡང་དག་པར་བཤད་དོ། །ལྷ་ཡི་འབར་བར་བྱེད་པ་དང་། ཡང་དག་པར་མཚུངས
95b2 པ་འདི་བསྟན་པ་ཙམ་གྱིས་གདུག་པ་རྣམས་ཐམས་ཅད་རྣམ་པར་འཇོམས་པ་མདུང་གི་ཕྱག་རྒྱའོ། །ཞེས་པ་ཕྱག་ཆེན་འདི་རྣམས་ནི། །དམ་ཚིག་དོན་དུ་རབ་སྦྱར་བ། །གང་གིས་ཡང་དག་ཤེས་བྱས་པ། །དེ་ཡིས་དངོས་གྲུབ་ཐོབ་པར་འགྱུར། །ཕྱག་རྒྱ་ལྷག་མ་ཐམས་ཅད
95b3 ཉིད། །ཚད་མེད་གྲངས་མེད་ཉིད་དུ་བྱ། །ཕྱག་རྒྱ་ཡང་དག་ཡོངས་སུ་བསྒྲགས། །མདོར་ན་འདི་རུ་བརྗོད་པ་ནི། །སེམས་ཅན་སེམས་ནི་དུར་བ་རྣམས། །ལས་ཆེན་བྱེད་པར་མི་ནུས་པ། །མདོར་བསྡུས་འདིར་ནི་བརྗོད་པར་བྱ། །ཞེས་པའོ། །བྱང་ཆུབ་སེམས་དཔའི་སྡེ
95b4 སྣོད་བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཕྱག་རྒྱའི་ལེའུ་རབ་འབྱམ་རྫོགས་སོ། ། །།དེ་ནས་ཡང་སེམས་དཔའ་ཆེན་པོས་སླར་ཡང་དངོས་པོའི་རང་བཞིན་གྱི་ཏིང་ངེ་འཛིན་སྒོམ་ཞིང་ལས་ཐམས་ཅད་ཀྱི་དངོས་གྲུབ
95b5 བྱེད་པ་རྟོག་པའི་རྒྱལ་པོ་འདིར་གོས་དཀར་མོ་ཞེས་བྱ་བ་རང་གི་རིགས་ཀྱི་རིག་པ་ཆེན་མོའི་སྒྲུབ་ཐབས་སྲུང་བའི་དོན་དང་། བགེགས་བཟློག་པའི་དོན་དུ་གསུངས་པའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། དརྴ་ན། པརྵ་ཎ། བྷྱོ་ཤྲ་བ
95b6 ཎ། སྨ་ར་ཎྱེ་ན། བཱ་སྱཱ་མ་ཧཾ། སརྦ་སཏྭཱ་ནཱཾ། སརྦ་བྱཱ་དྷི། ཙི་ཀིཏྤ་ཀ། ཏདྱ་ཐཱ། ཨོ~ཾ་ཀ་ཊེ། བི་ཀ་ཊེ། ཀ་ཊཱཾ་ཀ་ཊེ། ཀ་ཊཱ། བི་ཀ་ཊཱ། བི་ཀ་ཊེ། བྷ་ག་བ་ཏི། བི་ཛ་ཡེ་སྭཱ་ཧཱ། འདི་ནི་གོས་དཀར་མོ་ཞེས་བྱ་བ་དེའི་རིག་པ་ཆེན་མོ་སྟེ། རིག་པ་ཐམས་ཅད་དང་། སྔགས་རྣམས
95b7 ཀྱིས་དངོས་གྲུབ་བྱེད་པ། པདྨའི་རིགས་སུ་རིགས་ཀྱི་རིག་པ་འདིས་བདག་ཉིད་སྲུང་བ་དང་། གཞན་སྲུང་བ་དང་། གཡོག་སྲུང་བ་དང་། རས་རིས་གནས་པ་དང་། ལྷ་རྣམས་བསྲུང་བར་བྱ་བ་དང་། རས་རིས་གྲུབ་པ་འདི་ཡང་ཁྱེད་ཀྱི་སྒྲུབ་ཐབས་གསུམ་བྱས་ནས་སམ། བདུན
iiif viewer powered by OpenSeadragon
