| e-texts navigator |
| Wylie |
95a1 པ་རབ་སྦྱར་བྱ། །དེ་ཉིད་ཀྱིས་བརྗོད་གཤེགས་སུ་གསོལ། །མེ་ལྷ་སྤྱན་དྲངས་བ་བསྐུལ་བའི་ཕྱག་རྒྱའོ། །ཞེས་པ་འདི་སྒྲོལ་མ་ཐམས་ཅད་ཀྱི་རིག་པའི་ཚོགས་ཀྱིས་ཡོངས་སུ་བསྐོར་བའི་ཕྱག་རྒྱ་སྟེ་སྒྲུབ་པ་པོ་དངོས་གྲུབ་མཉམ་པ་མེད་པ་འདོད་པ་རྣམས་ཀྱིས་ཐུན
95a2 མོང་དུ་རྟག་ཏུ་སྦྱར་བར་བྱའོ། །རྐང་པ་འཁྱོག་པོར་བྱས་ནས་ནི། །ཕྱག་རྒྱ་རྣམ་པར་རྒྱས་པ་ནི། །ལག་གཉིས་བརྐྱང་བྱས་འཁོར་ལོ་དང་། །སྔོན་དུ་མཐེ་བོང་བསྐུལ་ནས་ནི། །ཁུ་ཚུར་བཅིངས་ཏེ་མཐེ་བོང་དག་།མཉམ་པར་བཤིབས་ཏེ་བརྐྱང་བར་བྱ། །གུང་མོ་སྒྲེང་བའི་ཕྱག་རྒྱ
95a3 འདི། །བློ་ལྡན་བྱང་ཆུབ་སེམས་དཔའ་ཡི། །དབྱུག་པའི་ཕྱག་རྒྱར་གྲགས་པ་ཡིན། །སྒྲུབ་པོས་མྱུར་དུ་སྦྱར་བར་བྱ། །དངོས་གྲུབ་ཐམས་ཅད་བྱེད་པར་འགྱུར། །དབྱུག་པའི་ཕྱག་རྒྱའོ། །ལེགས་པར་ཁ་སྦྱར་བ་ཐལ་མོ་ཁོང་སྟོང་དུ་འགྱུར་ཏེ། ཁ་སྦྱར་གྱི་ཕྱག་རྒྱའོ། །
95a4 གང་དུ་མཐེ་བོང་ནང་དུ་བཅུག་པ་ནི་བཟང་པོའི་གདན་ནོ། །བཟང་པོའི་གདན་གྱི་ཕྱག་རྒྱའོ། །ཐལ་མོ་ཁོང་སྟོང་དེས་རབ་ཏུ་བརྗོད་པའི་ཁ་སྦྱོར་གྱི་ཕྱག་རྒྱ་ལས་མིང་མེད་ཀྱི་སོར་མོ་ཡང་དག་པར་སྦྱར་བ་ནི། ཁ་སྦྱོར་གྱི་ཕྱག་རྒྱའི་གཙོ་བོ་པདྨའི་རྣམ་པ་འོད་ཟེར་གྱི་རྣམ་པ་ནི་པདྨའི
95a5 ཕྱག་རྒྱའོ། །ཞེས་སྒྲུབ་པ་པོ་བློ་དང་ལྡན་པས་ཤེས་པར་བྱའོ། །གདན་གྱི་དོན་དུ་རབ་ཏུ་སྦྱར་བར་བྱའོ། །ཕྱག་རྒྱ་འདི་ནི་གྲགས་པ་ཆེན་པོའོ། །པདྨའི་ཕྱག་རྒྱའོ། །རྩ་བའི་ཕྱག་རྒྱ་ནི་རབ་ཏུ་བརྗོད་པ་དེ་ཨུཏྤ་ལ་དེ་འདིར་བརྗོད་པར་བྱའོ། །ནས་ཙམ་རྣམ་པར་གྲོལ་བ་ནི་ཕྱག
95a6 རྒྱ་པདྨའི་ཏོག་ནི་ཡན་ལག་ཉིད་དོ། །ུཏྤ་ལའི་ཕྱག་རྒྱ་ནི་འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་དང་། སྒྲོལ་མའི་ཚོགས་ཐམས་ཅད་ཀྱི་ཕྱག་རྒྱ་གང་ཡིན་པ་དེ་ཕྱག་རྒྱར་ཡོངས་སུ་བསྒྲགས་སོ། །ཚིགས་གསུམ་པ་བཅག་པ་ནི་ཁྲོ་གཉེར་ཅན་གྱིས་སོ། །དེ་ཁོ་ན་ཚིགས
95a7 བར་བར་གྱུར་བ་ཡང་དག་པ་ཁོ་ནར་འདོད་པ་ནི་ཏིང་ངེ་འཛིན་ཡངས་པའི་ཕྱག་རྒྱར་གསུངས་སོ། །སྡིགས་མཛུབ་དང་མཐེ་བོང་ཡང་དག་པར་སྦྱར་བའི་ཕྱག་རྒྱ་ནི་རལ་གཅིག་མའི་ཅོད་པན་ལས་སོ། །དང་པོ་ཏིང་ངེ་འཛིན་ཡང་དག་པར་གསུངས་པའི་རིག་པའི་སྔགས་རྣམས
iiif viewer powered by OpenSeadragon
