| e-texts navigator |
| Wylie |
94b1 འཕྲལ་དུ་འོང་བར་བྱེད། །དེ་ཉིད་མཐེ་བོང་བཀན་བྱས་ནས། །མཆོད་ཡོན་དག་ནི་དབུལ་བར་བྱ། །དེ་ནས་མཆོད་ཡོན་ཅན་དུ་འགྱུར། །མི་རྣམས་འདོད་པའི་འབྲས་རབ་སྦྱིན། །མཆོད་ཡོན་གྱི་ཕྱག་རྒྱའོ། །ལག་པ་བཀན་ཏེ་བཏེག་ལ་བརྐྱང་། །མཐེ་བོང་གདན་དུ
94b2 རབ་བརྟག་བྱ། །དེ་ཉིད་འདོད་པའི་སྒྲུབ་པའི་དོན། །ལྷ་རྣམས་ཡོངས་སུ་མཉེས་པར་བྱེད། །གདན་གྱི་ཕྱག་རྒྱའོ། །མཐེ་བོང་དག་གི་རྩེ་མོ་ཆ། །བསྐུམས་ནས་ཐ་དད་གྱུར་གང་ཉིད། །ཁྲུས་བྱ་བདག་ཉིད་དོན་བཟང་སྒྲུབ། །ཁྲུས་ཀྱི་ཕྱག་རྒྱའོ། །སོར་མོའི་རྩ
94b3 བའི་ཉེ་ལོགས་སུ། །གཡས་པའི་མཐེ་བོང་རྣམ་པར་དགོད། །སྨན་དང་སྲོག་ཆགས་ཡན་ལག་ནི། །ཡོངས་སུ་སྤངས་ཏེ་དྲི་དག་དབུལ། །དྲིའི་ཕྱག་རྒྱའོ། །དེ་བཞིན་གཡོན་པའི་མཐེ་བོང་ཡང་། །མཉམ་པར་བཞག་པས་རྣམ་པར་དགོད། །ལྷ་ཡི་དྲི་མཆོག་དང
94b4 ལྡན་པའི། །མེ་ཏོག་སྣ་ཚོགས་དབུལ་བར་བྱ། །མེ་ཏོག་གི་ཕྱག་རྒྱའོ། །སྡིགས་མཛུབ་གཡས་པའི་རྩེ་མོ་ནི། །བསྐུམས་ཏེ་གུང་མོར་གནས་པར་འགྱུར། །གང་གིས་མཐེ་བོང་ཅན་གྱིས་ནི། །དེ་ཡིས་བདུག་སྤོས་དབུལ་བར་བྱ། །བདུག་སྤོས་ཀྱི་ཕྱག་རྒྱའོ། །
94b5 གཡོན་པའི་མཐེ་བོང་སྡིགས་མཛུབ་ནི། །གུང་མོར་གང་གིས་གནས་པར་བྱ། །གཙང་ཞིང་དག་པར་ཡང་དག་ལྡན། །དེ་ཉིད་གཏོར་མའི་མཆོད་པར་བྱ། །གཏོར་མའི་ཕྱག་རྒྱའོ། །སྡིགས་མཛུབ་རྩེ་མོར་མཐེ་བོང་གཉིས། །རྣམ་པར་བཀོད་པ་བྱས་ནས་ནི། །
94b6 བ་ཡི་མར་ནི་ཕུལ་བྱུང་བས། །སྒྲོལ་མ་དབུལ་བར་བྱ་བའོ། །མར་མེའི་ཕྱག་རྒྱའོ། །གུང་མོའི་རྩེ་མོར་མཛུབ་མོ་ནི། །ཕྱི་ཡི་རྩེ་མོའི་ཚིགས་སུ་སྦྱར། །མཐེ་བོང་དང་ནི་མིང་མེད་དག་།བགྲང་ཕྲེང་སྲད་བུ་ཡོངས་སུ་འཛིན། །ཕྲེང་བ་འཛིན་པའི་ཕྱག་རྒྱའོ། །རྟག་ཏུ
94b7 མེ་རུ་མངོན་ཕྱོགས་པས། །ལག་པ་གཡས་པའི་མིང་མེད་ནི། །གུང་མོའི་ཚིགས་སུ་བྱས་པར་འགྱུར། །ལག་གཉིས་སྦྱར་བའི་གུང་མོ་ལ། །མཐེ་བོང་ཅུང་ཟད་རྣམ་འདུད་པའོ། །མེ་ལྷ་སྤྱན་དྲང་བའི་ཕྱག་རྒྱའོ། །མིང་མེད་མཐེ་བོང་སྦྱར་བྱས་ནས། །སྔགས་དང་བཅས
iiif viewer powered by OpenSeadragon
