| e-texts navigator |
| Wylie |
94a1 རྣམས་དམ་ཚིག་གི་ཕྱག་རྒྱ་རྣམས་ལའོ། །ོ~ཾ་པདྨ་ཨུད་བྷ་བཱ་ཡ་སྭཱ་ཧཱ། འདི་ནི་པདྨའི་རིགས་ཀྱི་ཕྱག་རྒྱའི་དམ་ཚིག་གི་སྔགས་སོ། །ཞེས་པ་དམ་ཚིག་ཕྱག་རྒྱ་ནེ། །གསུམ་པོ་འདི་རྣམས་ཀུན་ཏུ་བསྒྲག་།ཡོན་ཏན་དཔག་མེད་རྣམ་པ་སྟེ། །སྟོབས་ཆེན་ཕ
94a2 རོལ་གནོན་པའོ། །དང་པོར་བཅིང་བྱ་རྟག་ཏུ་སླར། །སྒྲུབ་པོས་ལྷ་ཡི་སྤྱན་སྔ་རུ། །དེ་ཡི་དངོས་གྲུབ་ཐོབ་པར་འགྱུར། །མྱུར་དུ་འདོད་པའི་ཞི་སོགས་རྣམས། །འཇིག་རྟེན་མགོན་པོ་མཐའ་ཡས་དང་། །དེ་སྲས་བདག་ཉིད་ཆེ་རྣམས་ཀྱིས། །ལུས་ཅན་ཀུན་གྱི་ཕྱག་རྒྱ
94a3 ཆེ། །སྒྲུབ་པའི་དོན་དུ་གསུངས་པ་ཡིན། །རྟག་ཏུ་སྔ་བར་ལངས་ནས་ནི། །ཉིན་རེ་ཉིན་རེ་བཅིང་བར་བྱ། །བཙང་ཞིང་དད་དང་བློ་གྲོས་ལྡན། །དེ་ཡིས་དངོས་གྲུབ་འབྱུང་བར་འགྱུར། །དམ་ཚིག་ཕྱག་རྒྱ་གསུམ་པོ་འདི། །གང་གིས་ཤེས་པ་བློ་ལྡན་པས། །གཟུང
94a4 བའི་འཕགས་པའི་མན་ངག་གིས། །དེ་ཡི་དངོས་གྲུབ་ཐེ་ཚོམ་མེད། །འདི་རྣམས་རྣམ་པར་ཤེས་པ་ནི། །ཆོ་ག་ཉམས་ཀྱང་སྒྲུབ་པ་པོས། །དེ་ཡི་དངོས་གྲུབ་བྱེད་པ་ཡིན། །སྟོབས་པོ་ཆེ་ལ་སོགས་རྣམས་ཀྱིས། །ཕྱག་རྒྱ་ཀུན་ཏུ་སྲུང་དོན་དུ། །དེ་ནས་དབུགས
94a5 འབྱིན་ཆེན་པོ་དེ། །བདག་གིས་ཀུན་ནས་སྣང་བ་ཡི། །ཕྱག་རྒྱ་ཡང་དག་སྐུལ་བྱེད་པའི། །སྒོམ་པ་ཀུན་ནས་རྟག་ཏུ་ནི། །ཕྱག་རྒྱ་རབ་ཏུ་གསུངས་པ་སྟེ། །སྒྲོལ་མ་ཀུན་གྱི་ཐུན་མོང་དུ། །རྟག་པ་གང་དུ་གསུངས་པ་ཡིན། །རྟོག་པ་གཞན་དུ་རིག་པ་གང་། །དེ་རྣམས
94a6 ཉིད་ཀྱང་རབ་སྦྱར་བྱ། །ཡང་འདིར་ཕྱག་རྒྱའི་མཚན་ཉིད་འགྱུར། །སླར་ཡང་སོར་མོ་ཕན་ཚུན་དུ། །ལན་གཉིས་ཁ་སྦྱར་གནས་པ་ལ། །མཛུབ་མོ་གཉིས་ནི་རབ་ཏུ་བརྐྱང་། །བློ་ལྡན་དེ་བཞིན་མཐེ་བོང་ཡང་། །སེམས་ནི་ལེགས་པར་མཉམ་བཞག་པས། །བཅིང་བྱ
94a7 རྩ་བའི་ཕྱག་རྒྱའོ། །སྒྲོལ་མ་སྤྱན་དྲང་ཆེད་དུ་ནི། །འདི་རྣམས་རིག་པ་ལྷན་ཅིག་པས། །ཞེས་འདི་སྒྲོལ་མ་ཐམས་ཅད་ཀྱི། །རྩ་བའི་ཕྱག་རྒྱ་དོན་ཆེན་སྦྱིན། །སྒྲུབ་པ་པོ་ནི་དོན་ཐམས་ཅད། །རང་གི་རིག་པ་སྦྱར་བ་ཡིན། །ཆོ་ག་ཉམས་ཀྱང་དད་པ་ཡིས། །ལྷ་རྣམས
iiif viewer powered by OpenSeadragon
