| e-texts navigator |
| Wylie |
93a1 སྒྲོལ་མ་ཡི། །ུཏྤ་ལ་ནི་ཟླ་བ་ཡིའོ། །ཅུང་ཟད་རིན་ཆེན་ཁྲོ་གཉེར་ཅན། །སྡོང་བུ་དང་བཅས་དཔལ་མོ་སྟེ། །ཕོ་ཉ་མོ་ཀུན་ཞེས་བྱའི་རིགས། །ཁ་བྱེ་རྒྱས་པ་རིགས་རྒྱལ་མོའོ། །ལྷག་མ་རྣམས་ཀྱི་ཐུན་མོང་ཉིད། །བྱུག་པའམ་རིལ་བ་སྤྱི་བླུགས་ཀྱི། །རྣམ
93a2 པ་དེ་དག་ལྷག་མ་རུ། །རིག་པ་ཅན་རྣམས་ཀྱིས་ཤེས་བྱ། །འབར་བས་པད་རིགས་ཕྱག་རྒྱའོ། །རྩེ་མོ་ལྔ་པ་རྡོ་རྗེ་ཡི། །གདོང་གཉིས་ལྷ་མོ་སོ་སོར་གནས། །འབར་བའི་ཕྲེང་ལྡན་རིག་པ་མཆོག་།རིག་པའི་རྒྱལ་པོའི་རྡོ་རྗེའོ། །དམ་ཚིག་རྡོ་རྗེ་ཐད་ཀར་གནས། །བུམ
93a3 དབུས་སྟེང་སོང་མཱ་མ་ཀཱི། །གཙུག་ཏོར་གཅིག་པ་རྒྱལ་བ་སྟེ། །གཙུག་ཏོར་གཉིས་པ་རྣམ་པར་རྒྱལ། །གཙུག་ཏོར་གསུམ་པ་རྡོ་རྗེའི་མཚན། །དབུས་སུ་མདུང་གི་རྣམ་པ་ནི། །རྡོ་རྗེ་ཡི་ནི་མཚན་མའོ། །དབུས་སུ་འཁྱིལ་པ་བྱས་ནས་ནི། །མདུང་ལ་འཁྱིལ་པ
93a4 མངོན་ཕྱོགས་པའོ། །རྡོ་རྗེའི་དབུས་སུ་དཀྱིལ་འཁོར་ལ། །ཀུན་ནས་འབར་བའི་དཀྱིལ་འཁོར་ནི། །ཡོད་པ་ཕྲེང་བ་ཅན་མའོ། །རྡོ་རྗེ་གཉིས་ཀའི་རྩེ་མོ་ལ། ཕྲེང་བ་དག་བྱེད་ཕྲེང་བ་འཆང་། །ཅུང་ཟད་ཅོད་པན་གཞོགས་སུ་ནི། །ལྕགས་ཀྱུ་རྡོ་རྗེ་ལྕགས་ཀྱུ་མའོ། །
93a5 དབྱུག་པ་དབྱུག་པའོ་དེ་བཞིན་དུ། །དགྲ་སྟ་དབུས་མའི་རྩེ་མོར་གནས། །རྡོ་རྗེ་ཁུ་ཚུར་བུམ་ཅན་ཡང་། །དེ་ནས་ངེས་པའི་རྣམ་པ་ནི། །རྡོ་རྗེ་རྩེ་གཅིག་འབར་བཅས་པ། །རྡོ་རྗེ་ཁ་མདུང་གི་སྣ། །ཕོ་ཉ་མོ་ཡི་རིང་པོ་སྟེ། །ཁྲོ་བོ་རྣམས་ཀྱི་ཐུང་ངུའོ། །རྣམ་པར་འཕྲོ་བ
93a6 རིག་པའི་རྒྱལ། །ཅུང་ཟད་དབུས་སུ་གཙུག་ཏོར་ལྡན། །རིག་པའི་རྒྱལ་པོ་ཞེས་བྱའོ། །འོག་ཏུ་མདུང་ལ་སྟེང་རྡོ་རྗེ། །ཚོགས་ཀྱིའོ་སྟེང་དུ་མདུང་དང་ནི། །འོག་ཏུ་རྡོ་རྗེ་ལོག་འདྲེན་ཀུན། །དབུས་སུ་བི་དཱིའི་ཕྱོགས་བཞི་རུ། །མགོ་གསུམ་རྡོ་རྗེ་བི་དཱི་ནི། །རིག་པའི
93a7 རྒྱལ་པོའི་དཀྱིལ་འཁོར་དུའོ། །དེ་ཉིད་འདིར་ཡང་དེ་བཞིན་དུ། །ཐམས་ཅད་དུ་ནི་འབར་བཅས་པ། །བདུན་ལྔ་གསུམ་གྱི་འབར་བར་བྱ། །རྡོ་རྗེའི་རིགས་ནི་ཐམས་ཅད་ལ། །རྡོ་རྗེ་ལྔ་ཡི་མཚན་ཉིད་རྣམས། །ཕྱག་རྒྱ་བཅས་པའོ་གཏུམ་པོ་རྣམས། །བི་དཱི་ཀ་དང་བཅས
iiif viewer powered by OpenSeadragon
